Page Text
________________
[२०६] कहि णं भंते जंबुद्दीवे दीवे नीलवंते नामं वासहरपव्वए पन्नत्ते गोयमा महाविदेहस्स वासस्स उत्तरेणं रम्मगवासस्स दक्खिणेणं पुरथिमिल्ललवणसमुदस्स पच्चत्थिमेणं पच्छत्थिमलवणसमद्दस्स पुरत्थिमेणं एत्थ णं जंबुद्दीवे दीवे नीलवंते वासहरपव्वए पन्नत्ते-पाईणपडीणायए उदाणदाहिणविच्छिण्णे निसहवत्तव्वया नीलवंतस्स भाणियव्वा नवरं-जीवा दाहिणेणं धणु उत्तरेणं एत्थ णं केसरिद्दहो सीया महानई पवूढा समाणी उत्तरकुरं एज्जेमाणी-एज्जेमाणी जमगपव्वए नीलवंत-उत्तरकुरु-चंदेरावणमालवंतद्दहे य दुहा विभयमाणी-विभयमाणी चउरासीए सलिलासहस्सेहिं आपूरेमाणी-आपूरेमाणी भद्दसालवनं एज्जेमाणी-एज्जेमाणी मंदर पव्वयं दोहं जोयणेहिं असंपत्ता पुरत्थाभिमुही आवत्ती समाणी अहे मालवंतवक्खारपव्वयं दालयित्ता मंदरस्स पव्वयस्स पुरत्थिमेणं पुव्वविदेहं वासं दुहा विभयमाणी-विभयमाणी एगमेगाओ चकवट्टिविजयाओ अट्ठावीसाए-अट्ठावीसाए सलिलासहस्सेहिं आपूरेमाणी-आपूरेमाणी पंचहिं सलिलासयसहस्सेहिं बत्तीसाए य सलिलासहस्सेहिं समग्गा अहे विजयस्स दारस्स जगई दालइत्ता पुरत्थिमेणं लवणसमुदं समप्पेइ अवसिडें तं चेव एवं नारिकंतावि उत्तराभिमुही नेयव्वा नवरमिमं नाणत्तंगंधावइवट्टवेयड्ढपव्वयं जोयणेणं असंपत्ता पच्चत्थाभिमुही आवत्ता समाणी अवसिटुं तं चेव पवहे य मुहे य जहा- हरिकंतासलिला, नीलवंते णं भंते वासहरपव्वए कइ कूडा प० नव कूडा प० ।
[२०७] सिद्धे नीले पुव्वविदेहे सीया य कित्ति नारी य ।
अवरविदेहे रम्मगकूडे उवदंसणे चेव । [२०८] सव्वे एए कूडा पंचसइया रायहाणीओ उत्तरेणं, से केणटेणं भंते एवं वुच्चइ-नीलवंते वासहरपव्वए नीलवंते वासहरपव्वए गोयमा नीले नीलोभासे नीलवंते य इत्थ देवे महिडढीए जाव परिवसड सव्ववेरुलियामए नीलवंते जाव निच्चे ।
[२०९] कहि णं भंते जंबुद्दीवे दीवे रम्मए नामं वासे पन्नत्ते गोयमा नीलवंतस्स उत्तरेणं रुप्पिस्स दक्खिणेणं पुरत्थिमलवणसमुदस्स पच्चत्थिमेणं पच्चत्थिमलवणसमुदस्स पुरत्थिमेणं एवं जह चेव हरिवासं तह चेव रम्मयं वासं भाणियव्वं नवरं-दक्खिणेणं जीवा उत्तरेणं धण अवसेसं तं चेव कहि णं भंते रम्मए वासे गंधावई नामं वट्टवेयड्ढपव्वए० नरकंताए पच्चत्थिमेणं नारीकंताए पुरत्थिमेणं बहमज्झदेसबाए एत्थ णं गंधावई नामं वट्टवेयड्ढे पव्वए पन्नत्ते जं चेव वियडावइस्स तं चेव गंधावइस्सवि वत्तव्वं अट्ठो बहवे उप्पलाइं जाव गंधावइवण्णाइं गंधावइवण्णाइं गंधावइवण्णाभाई गंधावइप्पभाई वक्खारो-४
पउमे य इत्थ देवे महिड्ढीए जाव पलिओवमट्टिईए परिवसइ रायहाणी उत्तरेणं से केणटेणं भंते एवं
वासे रम्मए वासे गोयमा रम्मगवासे णं रम्मे रम्मए रमणिज्जे रम्मए य इत्थ देवे जाव परिवसइ से तेणद्वेणं कहि णं भंते जंबुद्दीवे दीवे रुप्पी नामं वासहरपव्वए पन्नत्ते गोयमा रम्मगवासस्स उत्तरेणं हेरण्णवयवासस्स दक्खिणेणं पुरत्थिमलवणसमुदस्स पच्चत्थिमेणं पच्चत्थिम-लवणसमुदस्स पुरत्थिमेणं एत्थ णं जंबुद्दीवे दीवे रुप्पी नामं वासहरपव्वए पन्नत्ते-पाईणपडीणायए उदीणदाहिणविच्छिण्णे एवं जा चेव महाहिमवंतवत्तव्वया सा चेव रुप्पिस्सिवि नवरं दाहिणेणं जीवा उत्तरेणं धणुं अवसेसं तं चेव अहापुंडरीए दहे नरकंता महानदी दक्खिणेणं नेयव्वा जहा- रोहिया पुरत्थिमेणं गच्छड़ रुप्पकूला उत्तरेणं नेयव्वा जहा- हरिकता पच्चत्थिमेणं गच्छड़ अवसेसं तं चेव रुप्पिम्मि णं भंते वासहरपव्वए कई कडा पन्नत्ता गोयमा अट्ठ कूडा पन्नत्ता तं जहा- |
[२१०] सिद्धे रुप्पी रम्मग नरकंता बुद्धि रुप्पकूला य ।। दीपरत्नसागर संशोधितः]
[१८-जंबूद्दीवपन्नत्ति]
[84]
| SR No. | 003735 |
| Book Title | Agam 18 Jambudivpannatti Sattam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 122 |
| Language | Prakrit |
| Classification | Book_Devnagari, Agam, Canon, Agam 18, & agam_jambudwipapragnapti |
| File Size | 2 MB |