Page Text
________________
चत्तारि तिसोवाण-पडिरूवगा पन्नत्ता जाव तोरणो वण्णओ तीसे णं पंडुसिलाए उप्पिं बहसमरमणिज्जे भूमिभागे पन्नत्ते जाव देवा आसयंति सयंति तस्स णं बहुसमरमणिज्जस्स भूमिभागस्स बहुमज्झदेसभाए उत्तरदाहिणेणं एत्थ णं दुवे अभिसेयसीहासणा पन्नत्ता-पंच धणुसयाई आयाम-विक्खंभेणं अड्ढाइज्जाई धणुसयाइं बाहल्लेणं सीहासणवण्णओ भाणियव्वो विजयदूसवज्जो तत्थ णं जेसे उत्तरिल्ले सीहासणे तत्थ णं बहूहिं भवणवइ जाव वेमाणिएहिं देवेहिं देवीहि य कच्छइया तित्थयरा अभिसिच्चंति तत्थ णं जेसे दाहिणिल्ले सीहासणे तत्थ णं बहहिं भवण जाव वेमाणिएहिं देवेहिं देवीहि य वच्छाईया तित्थयरा अभिसिच्चंति कहि णं भंते पंडगवने वने पंडुकंबलसिला नामं सिला पन्नत्ता-पाईणपडीणायया उत्तरदाहिणविच्छिण्णा एवं तं चेव पमाणं वत्तव्वया य भाणियव्वा जाव-तस्स णं बहुसमरमणिज्जस्स भूमिभागस्स बहुमज्झ-देसभाए एत्थ णं महं एगे सीहासणे पन्नत्ते तं चेव सीहासणप्पमाणं तत्थ णं बहूहिं भवणवइ जाव भारहगा तित्थयरा अभिसिच्चंति कहि णं भंते पंडगवणे वणे रत्तसिला नामं सिला पन्नत्ता गोयमा मंदरचूलियाए पच्चत्थिमेणं पंडगवनपच्चत्थिमपेरंते एत्थ णं पंडगवने वने रत्तसिला नामं सिला पन्नत्ता-उत्तरदाहिणायया पाईणपडीण-विच्छिण्णा जाव तं चेव पमाणं सव्वतवणिज्जामई अच्छा तत्थ णं जेसे दाहिणिल्ले सीहासणे तत्थ णं बहुहिं भवणवइ जाव देवेहिं देवीहि य पम्हाइया तित्थयरा अभिसिच्चंति तत्थ णं जेसे उत्तरिल्ले सीहासणे तत्थ णं बहहिं भवणवइ जाव देवेहिं दे-वीहि य वप्पाइया तित्थयरा अभिसिच्चंति कहिणं भंते पंडगवने वने रत्तकंबलसिला नामं सिला पन्नत्ता गोयमा मंदरचूलिया उत्तरेणं पंडगवनउत्तरचरिमंते एत्थ णं पंडगवने वने रत्तकंबलसिला नामं सिला पन्नत्तापाईण-पडीणायया उदीणदाहिणविच्छिण्णा सव्वतवणिज्जामई अच्छा जाव बहुमज्झदेसभाए सीहासणं तत्थ णं बहूहिं भवणवइ जाव देवेहिं देवीहि य एरावयगा तित्थयरा अभिसिच्चंति ।
[२०१] मंदरस्स णं भंते पव्वयस्स कइ कंडा पन्नत्ता गोयमा तओ कंडा पन्नत्ता तं जहाहेट्ठिल्ले कंडे मज्झिमिल्ले कंडे उवरिल्ले कंडे मंदरस्स णं भंते पव्वयस्स हेढिल्ले कंडे कतिविहे पन्नत्ते गोयमा चउव्विहे पन्नत्ते तं जहा- पुढवी उवले वइरे सक्करा मज्झिमिल्ले णं भंते कंडे कतिविहे पन्नत्ते गोयमा चउव्विहे पन्नत्ते तं जहा- अंके फलिहे जायरूवे रयए उवरिल्ले कंडे कतिविहे पन्नत्ते गोयमा एगागारे पन्नत्ते सव्वजंबूणयामए मंदरस्स णं भंते पव्वयस्स हेढिल्ले कंडे केवइयं बाहल्लेणं पन्नत्ते गोयमा एगं जोयणसहस्सं बाहल्लेणं पन्नत्ते मज्झिमिल्ले कंडे पुच्छा गोयमा तेवढि जोयणसहस्साई वक्खारो-४
बाहल्लेणं पन्नत्ते उवरिल्ले पुच्छा गोयमा छत्तीसं जोयणसहस्साई बाहल्लेणं पन्नत्ते एवामेव सपुव्वावरेणं मंदरे पव्वए एग जोयणसयसहस्सं सव्वग्गेणं पन्नत्ते ।
[२०२] मंदरस्स णं भंते पव्वयस्स कति नामधेज्जा० सोलस नामधेज्जा ।
[२०३] मंदर मेरु मनोरम सुदंसण सयंपभे य गिरिराया ।
__रयणोच्चए सिलोच्चए मज्झे लोगस्स नाभी य । [२०४] अच्छे य सूरियावत्ते सूरियावरणे ति या ।
उत्तमे य दिसादी य वडेंसति य सोलस । [२०५] से केणटेणं भंते एवं वुच्चइ-मंदरे पव्वए गोयमा मंदरे पव्वए गोयमा मंदरे पव्वए मंदरे नामं देवे परिवसइ महिड्ढीए जाव पलिओवमहिईए से तेणटेणं गोयमा एवं वुच्चइ-मंदरे पव्वए-मंदरे पव्वए अदुत्तरं तं चेव ।
दीपरत्नसागर संशोधितः]
[83]
[१८-जंबूद्दीवपन्नत्ति]
| SR No. | 003735 |
| Book Title | Agam 18 Jambudivpannatti Sattam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 122 |
| Language | Prakrit |
| Classification | Book_Devnagari, Agam, Canon, Agam 18, & agam_jambudwipapragnapti |
| File Size | 2 MB |