Page Text
________________
कूडे वइरसेणा देवी रायहाणी उत्तरेणं उत्तरिल्लस्स भवणस्स पुरत्थिमेणं उत्तरपुरत्थिमिल्लस्स पासायवडेंसगस्स पच्चत्थिमेणं वइरे कूडे बलाहया देवी रायहाणी उत्तरेणं, कहि णं भंते नंदनवने बलकू नामं कूडे पन्नत्ते गोयमा मंदरस्स पव्वयस्स उत्तरपुरत्थिमेणं एत्थ णं नंदनवने बलकूडे नामं कूडे पन्नत्ते एवं जं चेव हरिस्सहकूडस्स पमाणं रायहाणी य तं चेव बलकूडस्सवि नवरं-बलो देवो रायहाणी उत्तरपुरत्थिमेणं ।
[१९८] कहि णं भंते मंदरए पव्वए सोमनसवणे नामं वणे पन्नत्ते गोयमा नंदनवनस्स बहुसमरमणिज्जाओ भूमिभागाओ अद्धतेवट्ठि जोयणसहस्साइं उड्ढं उप्पइत्ता एत्थ णं मंदरे पव्वए सोमनसवणे नामं वणे पन्नत्ते-पंजजोयणसयाइं चक्कवालविक्खंभेणं वट्टे वलयाकारसंठाणसंठिए जे णं मंदरं पव्वयं सव्वओ समंता संपरिक्खित्ताणं चिट्ठइ - चत्तारि जोयणसहस्साइं दुण्णि य बावत्तरे जोस अट्ट य इक्कारसभाए जोयणस्स बाहिं गिरिविक्खंभणं तेरस जोयणसहस्साइं पंच य एक्कारे जोयणस छच्च इक्कारसभाए जोयणसभाए अट्ठ य एक्कारसभाए जोयणस्स अंतो गिरिविक्खंभेणं दस जोयणसहस्साइं तिण्णि य अउणापन्ने जोयणसए तिण्णि य इक्कारसभाए जोयणस्स अंतो गिरिपरिरएणं से णं गाए पमवरवेड्याए एगेणं य वणमंडेणं सव्वओ समंता संपरिक्खित्ते वण्णो किण्हे किण्होभासे जाव आसयंति एवं कूडवज्जा सच्चेव नंदनवनत्तव्वया भाणियव्वा तं चेव ओगाहिऊणं जाव पासावडेंसगा सक्कीसाणाणं ।
[१९९]कहि णं भंते मंदरे पव्वए पंडगवने नामं वने० सोमनसवनस्स बहुसमरमणिज्जाओ भूमिभागाओ छत्तीसं जोयणसहस्साइं उड्ढं जोयणसए चक्कवालविक्खंभेणं वट्टे वलयाकारसंठाणसंठिए जे णं मंदरचूलियं सव्वओ समंता संपरिक्खित्ताणं चिट्ठइ-तिण्णि जोयणसहस्साइं एगं च बावट्ठे जोयणसयं किंचिविसेसाहियं परिक्खेवेणं से णं एगाए पउमवरवेड्याए एगेण य वणसंडेणं जाव किण्हे देवा आसयंति, पंडगवणस्स बहुमज्झदेसभाए एत्थ णं मंदर चूलिया नामं चूलिया चत्तालीसं जोयणाई उड्ढं उच्चत्तेणं मूले बारस जोयणाइं विक्खंभेणं मज्जे अट्ठ-जोयणाइं विक्खंभेणं उप्पिं चत्तारि जोयणाइं विक्खंभेणं मूले साइरेगाइं सत्तत्तीसं जोयणाइं परिक्खेवेणं मज्झे साइरेगाइं पणवसं जोयणाई परिक्खेवणं उप्पिं साइरेगाई बारस जोयणाइं परिक्खेवेणं मूले विच्चिण्णा मज्जे संखित्ता उप्पिं तणुया गोपुच्छसंठाणसंठिया सव्ववेरुलियामई अच्छा सा णं एगाए पउमवरवेइयाए जाव संपरिक्खित्ता उप्पिं बहुसमरमणिज्जे भूमिभागे वक्खारो-४
जाव सिद्धाययणं बहुमज्जदेसभा - कोसं आयामेणं अद्धकोसं विक्खंभेणं देसूणगं कोसं उड्ढं उच्चत्तेणं अनेगखंभ सयसण्णिविट्ठे जाव धूवकडुच्छुगा मंदरचूलियाए णं पुरत्थिमेणं पंडगवनं पन्नासं जोयणाई ओगाहित्ता एत्थ णं महं भवणे० एवं जच्चेव सोमनसवने पुव्ववण्णिओ गमो भवणाणं पुक्खरिणीणं पासायवडेंसगाणं य सो चेव नेयव्वो जाव सक्कीसाणबडेंसगा तेणं चेव परिमाणेणं ।
[२००] पंडगवणे णं भंते वने कइ अभिसेयसिलाओ पन्नत्ताओ गोयमा चत्तारि अभिसेयसिलाओ पन्नत्ताओ तं जहा - पंडुसिला पंडुकंबलसिला रत्तसिला रत्तकंबलसिला कहि णं भंते पंडगवने वने पंडुसिला नामं सिला पन्नत्ता गोयमा मंदरचूलियाए पुरत्थिमेणं पंडगवनपुरत्थिमपेरंते एत्थ णं पंडव वने पंडुसिला नामं सिला पन्नत्ता- उत्तरदाहिणायया पाईणपडीणविच्छिण्णा अद्धचंदसंठाणसंठिया पंचजोयण-सयाइं आयामेणं अड्ढाइज्जाई जोयणसयाई विक्खंभेणं चत्तारि जोयणाइं बाहल्लेणं सव्वकणगामई अच्छा वेइयावणसंडेणं सव्वओ समंता संपरिक्खित्ता वण्णओ तीसे णं पंडुसिलाए चउद्दिसिं [दीपरत्नसागर संशोधितः ]
[82]
[१८-जंबूद्दीवपन्नत्ति]
| SR No. | 003735 |
| Book Title | Agam 18 Jambudivpannatti Sattam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 122 |
| Language | Prakrit |
| Classification | Book_Devnagari, Agam, Canon, Agam 18, & agam_jambudwipapragnapti |
| File Size | 2 MB |