Page Text
________________
पन्नत्ते-पंचजोयणसयाई उड्ढं उच्चत्तेणं पंचगाउयसयाई उव्वेहेणं एवं विक्खंभे परिक्खेवो य भाणियव्वोचुल्लहिमवंतकूडसरिसो पासायाण य तं चेव पउमुत्तरो देवो रायहाणी उत्तरपुरत्थिमेणं एवं नीलवंतदिसाहत्थिकूडे मंदरस्स दाहिणपुरत्थिमेणं पुरत्थिमिल्लाए सीयाए दक्खिणेणं एयस्सवि नीलवंतो देवो रायहाणी दाहिणपुरत्थिमेणं एवं सुहत्थिदिसाहत्थिकूडे मंदरस्स दाहिणपुरत्थिमेणं दक्खिणिल्लाए सीयोयाएपुरत्थिमेणं एयस्सवि सुहत्थी देवो रायहाणी दाहिण-पुरत्थिमेणं एवं चेव अंजणागिरिदिसाहत्थिकूडे मंदरस्स दाहिणपच्चत्थिमेणं दक्खिणिल्लाए सीतोदाए पच्चत्थिमेणं एयस्सवि अंजणागिरी देवो रायहाणी दाहिणपच्चत्थिमेणं एवं कुमुदेवि दिसाहत्थिकूडे मंदरस्स दाहिणपच्चत्थिमेणं पच्चत्थिमिल्लाए सीतोदाए दक्किणेणं एयस्सवि कुमुदो देवो रायहाणी दाहिणपच्चत्थिमेणं एवं पलासेवि दिसाहत्थिकूडे मंदरस्स उत्तरपच्चत्थिमेणं पच्चत्थिमिल्लाए सीतोदाए उत्तरेणं एयस्सविपलासो देवो रायहाणी उत्तरपच्चत्थिमेणं एवं वडेंसेवि दिसाहत्थिकूडे मंदरस्स उत्तरपच्चत्थिमेणं उत्तरिल्लाए सीयाए महानईए पच्चत्थिमेणं एयस्सवि वडेंसो देवो रायहाणी उत्तरपच्चत्थिमेणं एवं रोयणागिरी दिसाहत्थिकूडे मंदरस्स उत्तरपुरत्थिमेणं उत्तरिल्लाए सीयाए पुरत्थिमेणं एयस्सवि रोयणागिरी देवो रायहाणी उत्तरपुरत्थिमेणं ।
[१९७] कहि णं भंते मंदरे पव्वए नंदनवने नामं वने पन्नत्ते गोयमा भद्दसालवनस्स बहुसमरमणिज्जाओ भूमिभागाओ पंच जोयणसयाई उड्ढं उप्पइत्ता एत्थ णं मंदरे पव्वए नंदनवने नामं वणे पन्नत्ते-पंच जोयणसयाइं चक्कवालविक्खंभेणं वट्टे वलयाकारसंठाणसंठिए जे णं मंदरं पव्वयं सव्वओ समंता संपरिक्खित्ताणं चिट्ठइ-नव जोयणसहस्साइं नव य चउप्पन्ने जोयणसए छच्चेगारसभाए जोयणस्स बाहिं गिरिविक्खंभो एगत्तीसं जोयणसहस्साइं चत्तारि य अउणासीए जोयणसए किंचिविसेसाहिए बाहि गिरिपरिरएणं अट्ठ जोयणसहस्साइं नव य चउप्पन्ने जोयणसए छच्चेगारसभाए जोयणस्स अंतो गिरिविक्खंभो अट्ठावीसं जोयणसहस्साइं तिण्णि य सोलसुत्तरे जोयणसए अट्ठ य इक्कारसभाए जोयणस्स अंतो गिरिपरिएणं से णं एगाए पउमवरवेइयाए एगेणं य वणसंडेणं सव्वओ समंता संपरिक्खित्ते वण्णओ जाव देवा आसयंति, मंदरस्स णं पव्वयस्स पुरत्थिमेणं एत्थ णं महं एगे सिद्धाययणे पन्नत्ते एवं चउद्दिसिं चत्तारि सिद्धाययणा विदिसासु पुक्खरिणीओ तं चेव पमाणं सिद्धायणाणं पुक्करिणीणं च पासायवडेंसगा तह चेव सक्केसाणाणं तेणं चेव पमाणेणं नंदनवने णं भंते वणे कइ कडा पन्नत्ता गोयमा वक्खारो-४
नव कूडा पन्नत्ता तं जहा - नंदनवनकूडे मंदरकूडे निसहकूडे हिमवयकूडे रययकूडे रुयगकूडे सागरचित्तकूडे वइरकूडे बलकूडे, कहि णं भंते नंदनवने नंदनवनकूडे नामं कूडे पन्नत्ते गोयमा मंदरस्स पव्वयस्स पुरत्थिमिल्लसिद्धाययणस्स उत्तरेणं उत्तरपुरत्थिमिल्लस्स पासायवडेंसयस्स दक्खिणेणं एत्थ णं नंदनवने नामं कूडे पन्नत्ते पंच सइया कूडा पुव्ववण्णिया भाणियव्वा देवी महेंकरा रायहाणी विदिसाए एयाहिं चेव पुव्वाभिलावेणं नेयव्वा इमे कूडा इमाहिं दिसाहिं- पुरत्थिमिल्लस्स भवणस्स दाहिणेणं दाहिणपुरत्थिमिल्लस्स पासायवडेंसगस्स उत्तरेणं मंदरे कूडे मेहवई देवी रायहाणी पुव्वेणं दक्खिणिल्लस्स भवणस्स पुरत्थिमेणं दाहिणपुरत्तिमिल्लस्स पासायवेंसगस्स पच्चत्थिमेणं निसहे कूडे सुमेहा देवी रायहाणी दक्खिणेणं दक्खिणिल्लस्स भवणस्स पच्चत्थिमेणं दक्खिणपच्चत्थिमिल्लस्स पासायवडेंसगस्स पुरत्थिमेणं हेमवए कूडे मेघमालिनी देवी रायहाणी दक्खिमेणं पच्चत्थिमिल्लस्स भवणस्स उत्तरेणं उत्तरपच्चत्थिमिल्लस्स पासायवडेंसगस्स दक्खिणेणं रुयगे कूडे वच्छमित्ता देवी रायहाणी पच्छत्थिमेणं उत्तरिल्लस्स भवणस्स पच्चत्थिमेणं उत्तरपच्चत्थिमिल्लस्स पासायवडेंसगस्स पुरत्थिमेणं सागरच्तित् [दीपरत्नसागर संशोधितः]
[81]
[१८-जंबूद्दीवपन्नत्ति]
| SR No. | 003735 |
| Book Title | Agam 18 Jambudivpannatti Sattam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 122 |
| Language | Prakrit |
| Classification | Book_Devnagari, Agam, Canon, Agam 18, & agam_jambudwipapragnapti |
| File Size | 2 MB |