Page Text
________________
बावटुं जोयणसयं किंचिसेसाहियं परिक्खेवेणं मूले विच्छिण्णे मज्झे संखित्ते उवरिं तणुए गोपच्छसंठाणसंठिए सव्वरयणामए अच्छे सण्हे से णं एगाए परमवरवेइयाए एगेण य वणसंडेणं सव्वओ समंता संपरिक्खित्ते वण्णओ मंदरे णं भंते पव्वए कई वणा पन्नत्ता गोयमा चत्तारि वणा पन्नत्ता तं जहा- भद्दसालवणे नंदवणे सोमणसवणे पंडगवणे कहि णं भंते मंदरे पव्वए भद्दसालवणे नामं वणे पन्नत्ते गोयमा धरणितले एत्थ णं मंदरे पव्वए भद्दसालवणे नामं वणे पन्नत्ते-पाईणपडीणायए उदीणदाहिणविच्छिण्णे सोमणस-विज्जुप्पह-गंधमायण-मालवंतेहिं वक्खा-रपव्वएहिं सीयासीतोदाहि य महानईहिं अट्ठभागपविभत्ते मंदरस्स पव्वयस्स पुरत्थिमपच्चत्थिमेणं बावीस-बावीसं जोयणसहस्साइं आयामेणं उत्तरदाहिणेणं उड्ढाइज्जाइं-अड्ढाइज्जाइं जोयणसयाइं विक्खंभेणं से णं एगाए पउमवरवेइयाए एगेण य वणसंडेणं सव्वओ समंता संपरिक्खित्ते दुण्हवि वण्णओ भाणियव्वो-किण्हे किण्होभासे जाव देवा आसयंति सयंति मंदरस्स णं पव्वयस्स पुरत्थिमेणं भद्दसालवणं पन्नासं जोयणाइं ओगाहित्ता एत्थ णं महं एगे सिद्धाययणे पन्नत्ते-पन्नासं जोयणाई आयामेणं पणवीसं जोयणाई विक्खंभेणं छत्तीसं जोयणाई उडढं उच्चातेणं अणेगखंभसयसण्णिवढे वण्णओ तस्स णं सिद्धाययणस्स तिदिसिं तओ दारा पन्नत्ता ते णं दारा अट्ठ जोयणाई उड्ढं उच्चत्तेणं चत्तारि जोयणाई विक्खंभेणं तावइयं चेव पवेसेणं सेया वरकणगथूभियागा जाव वणमालाओ भूमिभागो य भाणियव्वो तस्स णं बहुमज्झदेसभाए एत्थ णं महं एगा मणिपेढिया पन्नत्ता-अट्ठ जोयणाई आयाम-विक्खंभेणं चत्तारि जोयणाई बाहल्लेणं सव्वरयणामई अच्छा तीसे णं मणिपेढियाए उवरिं देवच्छंदए-अट्ठ जोयणाई आयाम-विक्खंभेणं साइरेगाइं अट्ठ जोयमाई उड्ढं उच्चत्तेणं जाव जिनपडिमावण्णओ देवच्छंदगस्स जाव धूवकइच्छ्याणं मंदरस्स णं पव्वयस्स दाहिणेणं भद्दसालवणं पन्नासं एवं चउद्दिसिंपि मंदरस्स भद्दसालवणे चत्तारि सिद्धाययणा भाणियव्वा मंदरस्स णं पव्वयस्स उत्तरपुरत्थिमेणं भद्दसालवणं पन्नासं जोयणाइं ओगाहित्ता एत्थ णं चत्तारि नंदापुक्खरिणीओ पन्नत्ताओ तं जहा- पउमा पउमप्पभा चेव कुमुदा कुमुदप्पभा ताओ णं पुक्खरिणीओ पन्नासं जोयणाइं आयामेणं पणवीसं जोयणाई विक्खंभेणं दस जोयणाई उव्वेहेणं वण्णओ वेड्यावणसंडाणं भाणियव्वो चउद्दिसिं तोरणा जाव तासि णं पुक्खरिणीणं बहुमज्झदेसभाए एत्थ णं महं एगे ईसाणस्स देविंदस्स देवरण्णो पासाव.सए पन्नत्ते-पंचजोयणसयाइं उड़ढं वक्खारो-४
उच्चत्तेणं अड्ढाइज्जाइं जोयणसयाई विक्खंभेणं अब्भुग्गयमूसियपहसिय विव एवं सपरिवारो पासायवडेंसओ भाणियव्वो मंदरस्स णं एवं दाहिणपुरत्थिमेणं पुक्खरिणीओ उप्पलगुम्मा नलिणा उप्ला उप्पलज्जला तं चेव पमाणं मज्झे पासायवडेंसओ सक्करस्स सपरिवारो तेणं चेव पमाणेणं दाहिणपच्चत्थिमेणं वि पक्खरिणीओ भिंगा भिंगनिभा चेव अंजणा कज्जलप्पभा पासायवडेंसओ सक्कस्स सीहासणं सपरिवारं उत्तरपच्चत्थिमेणं पुक्खरिणीओ सिरिकंता सिरिचंदा सिरिमहिया चेव सिरिनिलया पासायवडेंसओ ईसाणस्स सीहासणं सपरिवार मंदरे णं भंते पव्ए भद्दसालवणे कइ दिसाहत्थिकूडा पन्नत्ता गोयमा अट्ठ दिसाहत्थिकूडा पन्नत्ता [तं जहा]
___ [१९५] पउमुत्तरे नीलवंते सुहत्थी अंजणागिरी ।
कुमुदे य पलासे य वडेंसे रोयणागिरी । [१९६] कहि णं भंते मंदरे पव्वए भद्दसालवणे पउमुत्तरे नाम दिसाहत्थिकूडे पन्नत्ते गोयमा मंदरस्स पव्वयस्स उत्तरपुरत्थिमेणं पुरथिमिल्लाए सीयाए उत्तरेणं एत्थ णं पउमुत्तरे नाम दिसाहत्तिकूडे [दीपरत्नसागर संशोधितः]
[80]
[१८-जंबूद्दीवपन्नत्ति]
| SR No. | 003735 |
| Book Title | Agam 18 Jambudivpannatti Sattam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 122 |
| Language | Prakrit |
| Classification | Book_Devnagari, Agam, Canon, Agam 18, & agam_jambudwipapragnapti |
| File Size | 2 MB |