Page Text
________________
[१८७] एवं पम्हे विजए अस्सपुरा रायहाणी अंकावई वक्खारपव्वए सुम्हे विजए सीहपुरा रायहाणी खीरोदा महानई महापम्हे विजए महापुरा रायहाणी पम्हावई वक्खारपव्वए पम्हगावई विजए विजयपुरा रायहाणी सीहोसाया महानई संखे विजए अवराइया रायहाणी आसीविसे वक्खारपव्वए कुमुदे विजए अरजा रायहाणी अंतोवाहिणी महानई नलिणे विजए असोगा रायहाणी सुहावहे वक्खारपव्वए सलिलावई विजए वीयसोगा रायहाणी दाहिणिल्ले सीतोदामुहवनसंडे उत्तरिल्लेवि एमेव भाणियव्वे जहासीयाए वप्पे विजए विजया रायहाणी चंदे वक्खारपव्वए सवप्पे विजए वेजयंती रायहाणी ओम्मिमालिणी नई महावप्पे विजए जयंति रायहाणी सूरे वक्खारपव्वए वप्पावई विजए अपराइया रायहाणी फेणमालिणी नई वग्गू विजए चक्करपुरा रायहाणी नागे वक्खारपव्वए सुवग्गू विजए खग्गपुरा रायहाणी गंभीरमालिणी अंतरनई गंधिले विजए अवज्झा रायहाणी देवे वक्खारपव्वए गंधीलावई विजए अओज्झा रायहाणी एवं मदरस्स पव्वयस्स पच्चत्थिमिल्लं पासं भाणियव्वं तत्थ ताव सीतोदाए नईए दक्खिणिल्ले णं कुले इमे विजया [तं जहा]
[१८८] पम्हे सुपम्हे माहपम्हे चउत्थे पम्हगावई ।
संखे कुमए नलिणे अट्ठमे नलिणावई । [१८९] आसपुरा सीहपुरा महापुरा चेव हवइ विजयपुरा ।
अवराइया य अरया असोग तह वीयसोगा य । [१९०] इमे वक्खारा तं जहा- अंके पम्हे आसीविसे सुहावहे एवं इत्थ परिवाडीए दो-दो विजया कडसरिसणामया भाणियव्वा दिसा विदिसाओ य भाणियव्वाओ सीयोयामहवणं च भाणियव्वं सीतोदाए दाहिणिल्लं उत्तरिल्लं च सीतोदाए उत्तरिल्ले पासे इमे विजया ।
[१९१] वप्पे सुवप्पे महावप्पे चउत्थे वप्पागावई ।
वग्गू य सुवग्गू या गंधिले गंधिलावई । [१९२१ विजया य वेजयंती जयंति अपराजिया ।
चक्कपुरा खग्गपुरा हवइ अवज्झा अओज्झा य । वक्खारो-४
[१९३] इमे वक्खारा तं जहा- चंदपव्वए सूरपव्वए नागपव्वए देवपव्वए सीयोयाए महाणईए दाहिणिल्ले कूले-खीरोया सीहसोया अंतोवाहिणीओ नईओ उम्मिमालिणी फेणमालिणी गंभीरमालिणी उत्तरल्लविजयाणंतराओ इत्थ परिवाडीए दो-दो कूडा विजयसरिसणामया भाणि-यव्वा इमे दो-दो अवट्ठिया तं जहा- सिद्दाययणकूडे पव्वयसरिसणामकूडे ।
[१९४] कहि णं भंते जंबुद्दीवे दीवे महाविदेहे वासे मंदरे नामं पव्वए पन्नत्ते गोयमा उत्तरकुराए दक्खिणेणं देवकुराए उत्तरेणं पुव्वविदेहस्स वासस्स पच्चत्थिमेणं अवरविदेहेस्स वासस्स पुरत्थिमेणं जंबुद्दीवस्स दीवस्स बहुमज्झदेसभाए एत्थ णं जंबुद्दीवे दीवे मंदरे नाम पव्वए पन्नत्तेनवणउतिजोयणसहस्साइं उडढं उच्चत्तेणं एग जोयणसहस्सं उव्वेहेणं मले दसजोयणसहस्साई नवई च जोयणाई दस य एगारसभाए जोयणस्स विक्खंभेणं धरणितले दस जोयणसहस्साइं विक्खंभेणं तयणंतरं च णं मायाए-मायाए परिहायमाणे-परिहायमाणे उवरितले एगं जोयणसहस्सं विक्खंभेणं मूले एकत्तीसं जोयणसहस्साइं नव य दसुत्तरे जोयणसए तिण्णि य एगारसभए जोयणस्स परिक्खेवेणं धरणितले एकत्तीसं जोयणसहस्साई छच्च तेवीसे जोयणसए परिक्खेवेणं उवरितले तिण्णि जोयणसहस्साई एगं च
[दीपरत्नसागर संशोधितः]
[79]
[१८-जंबूद्दीवपन्नत्ति]
| SR No. | 003735 |
| Book Title | Agam 18 Jambudivpannatti Sattam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 122 |
| Language | Prakrit |
| Classification | Book_Devnagari, Agam, Canon, Agam 18, & agam_jambudwipapragnapti |
| File Size | 2 MB |