Page Text
________________
विक्खंभेणं जहा- उत्तरकुराए वत्तव्वया जाव अनुसज्जमाणा पम्हगंधा मियगंधा अममा सहा तेतली सणिच्चारी ।
१८१] कहि णं भंते देवकुराए चित्त-विचित्तकूडा नाम दुवे पव्वया पन्नत्ता गोयमा निसहस्स वासहरपव्वयस्स उत्तरिल्लाओ चरिमंताओ अट्ठोचोत्तीसे जोयणसए चत्तारि य सत्तभाए जोयणस्स अबाहाए सीयोयाए महानईए पुरत्थिम-पच्चत्थिमेणं उभओ कूले एत्थ णं चित्त-विचित्तकूडा नामं वे पव्वया पन्नत्ता एवं जच्चेव जमगपव्वयाणं सच्चेव एएसिं रायहाणीओ दक्खिणेणं ।।
[१८२] कहि णं भंते देवकुराए कुराए निसहद्दहे नामं दहे पन्नत्ते गोयमा तेसिं चित्तविचित्तकूडाणं पव्वयाणं उत्तरिल्लाओ चरिमंताओ अट्ट चोत्तीसे जोयणसए चत्तारि य सत्तभाए जोयणस्स अबाहाए सीओयाए महानईए बहुमज्झदेसभाए एत्थ णं निसहद्दहे नामं दहे पन्नत्ते एवं जच्चेव नीलवंत-उत्तरकुरु-चंदेरावण-मालवंताणं वत्तव्वया सच्चेव निसह-देवकुरु-सूर-सुलस-विज्जुप्पभाणं नेयव्वा रायहाणीओ दक्खिणेणं ।
[१८३] कहि णं भंते देवकराए कराए कूडसामलिपेढे नामं पेढे पन्नत्ते गोयमा मंदरस्स पव्वयस्स दाहिणपच्चत्थिमेणं निसहस्स वासहरपव्वयस्स उत्तरेणं विज्जुप्पभस्स वक्खारपव्वयस्स पुरत्थिमेणं सोमणसस्स वक्खारपव्वयस्स पच्चत्थिमेणं सीयोयाए महानईए पच्चत्थिमेणं देवकुरुपच्चत्थिमद्धस्स बहुमज्झदेसभाए एत्थ णं देवकुराए कुराए कूडसामलीए कूडसामलिपेढे नामं पेढे पन्नत्ते एवं जच्चेव जंबूए सुदंसणाए वत्तव्वया सच्चेव सामलीएवि भाणियव्वा नामविहणा गरुलवेणुदेवे रायहाणी दक्खिणेणं अवसिटुं तं चेव जाव देवकुरु य इत्थ देवे पलिओवमट्टिईए परिवसइ से तेणटेणं गोयमा एवं वुच्चइ-देवकुरा-देवकुरा अदुत्तरं च णं देवकुराए ।
[१८४] कहि णं भंते जंबुद्दीवे दीवे महाविदेहे वासे विज्जुप्पभे नामं वक्खारपव्वए पन्नत्ते गोयमा निसहस्स वासहरपव्वयस्स उत्तरेणं मंदरस्स पव्वयस्स दाहिणपच्चत्थिमेणं देवकुराए पच्चत्थिमेणं पम्हस्स विजयस्स पुरत्थिमेणं एत्थ णं जंबुद्दीवे दीवे महाविदेहे वासे विज्जुप्पभे वक्खारपव्वए पन्नत्तेवक्खारो-४
उत्तरदाहिणायए एवं जहा- मालवंते नवरि-सव्वतवणिज्जमए अच्छे जाव देवा आसयंति, विज्जुप्पभे णं भंते वक्खारपव्वए कइ कूडा पन्नत्ता गोयमा नव कूडा पन्नत्ता तं जहा- सिद्धाययणकूडे विज्जुप्पभकडे देवकुरुकूडे पम्हकूडे कणगकूडे सोवत्थियकूडे सीतोदाकूडे सयज्जलकूडे हरिकूडे ।
_[१८५] सिद्ध य विज्जुणामे देवक पम्ह कणग सोवत्थी ।
सीतोदा य सयज्जल हरिकूडे चेव बोद्धव्वे । [१८६] एए हरिकूडवज्जा पंचसइया नेयव्वा एएसि णं कूडाणं पुच्छाए दिसिविदिसाओ नेयव्वाओ जहा- मालवंतस्स हरिस्सहकूडे तह चेव हरिकूडे रायहाणी जह चेव दाहिणेणं चमरचंचा रायहाणी तह नेयव्वा कणग-सोवत्थियकूडेसु वारिसेण बलाहयाओ दो देवयाओ अवसिढेसु कूडेसु कूडसरिसणामया देवा रायहाणीओ दोहिणेणं, से केणटेणं भंते एवं वुच्चइ-विज्जुप्पभे वक्खारपव्वए विज्जुप्पभे वक्खारपव्वए गोयमा विज्जुप्पभे णं वक्खारपव्वए विज्जुमिव सव्वओ समंता ओभाइ उज्जोवेइ पभासइ विज्जुप्पभे य इत्थ देवे महिड्ढीए जाव परिवसइ से एएणद्वेणं गोयमा एवं वुच्चइ-विज्जुप्पभे-विज्जुप्पभे अदुत्तरं च णं जाव निच्चे ।
दीपरत्नसागर संशोधितः]
[78]
[१८-जंबूद्दीवपन्नत्ति]
| SR No. | 003735 |
| Book Title | Agam 18 Jambudivpannatti Sattam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 122 |
| Language | Prakrit |
| Classification | Book_Devnagari, Agam, Canon, Agam 18, & agam_jambudwipapragnapti |
| File Size | 2 MB |