Page Text
________________
सुकच्छस्स विजयस्स पुरत्थिमेणं महाकच्छस्स विजयस्स पच्छत्थिमेणं नीलवंतस्स वासहरपव्वयस्स दाहिणिल्ले नितंबे एत्थ णं जंबुद्दीवे दीवे महाविदेहे वासे गाहावइकुंडे नामं कुंडे पन्नत्ते जहेव रोहियंसा कुंडे तहेव जाव गाहावइदीवे भवणे तस्स णं गाहावइस्स कुंडस्स दाहिणिल्लेणं तोरणेणं गाहावई महानई पढा समाणी सुकच्छ-महाकच्छविजए दुहा विभयमाणी - विभयमाणी अट्ठवीसाए सलिलासहस्सेहिं समग्गा दाहिणेणं सीयं महानइं समप्पेइ गाहावई णं महानइ पवहे य मुहे य सव्वत्थ समा पणवीसं जोयणसयं विक्खंभेणं अड्ढाइज्जाइं जोयणाइं उव्वेहेणं उभओ पासिं दोहिं पउमवरवेइयाहिं दोहिं य वणसंडेहिं संपरिक्खित्ता दुण्हवि वण्णओ, कहि णं भंते महाविदेहे वासे महाकच्छे नामं विजए पन्नत्ते गोयमा नीलवंतस्स वासहरपव्वयस्स दाहिणेणं सीयाए महानईए उत्तरेणं पम्हकूडस्स वक्खारपव्वयस्स पच्चत्थिमेणं गाहावईए महानईए पुरत्थिमेणं एत्थ णं महाविदेहे वासे महाकच्छे नामं विजए पन्नत्ते से जहा- कच्छस्स विजयस्स जाव महाकच्छे इत्थ देवे महिड्ढीए अट्ठो य भाणियव्वो, कहि णं भंते महाविदेहे वासे पम्हकूडे नामं वक्खारपव्वए पन्नत्ते गोयमा नीलवंतस्स दक्खिणेणं सीयाए महानईए उत्तरेणं महाकच्छस्स पुरत्थिमेणं कच्छगावईए पच्चत्थिमेणं एत्थ णं महाविदेहे वासे पम्हकूडे नामं वक्खपव्व पन्नत्ते-उत्तरदाहणायए पाईणपडीणविच्छिण्णे सेसं जहा- चित्तकूडस्स जाव आसयंति पम्हकूडे चार कूडा पन्नत्ता तं जहा- सिद्धाययणकूडे पम्हकूडे महाकच्छकूडे कच्छगावईकूडे एवं जाव अट्ठो पम्हकूडे इत्थ देवे महिड्ढीए पलिओवमट्ठिईए परिवसइ से तेणट्टेणं, कहि णं भंते महाविदेहे वासे कच्छगावती नामं विजए पन्नत्ते गोयमा नीलवंतस्स दाहिणेणं सीयाए महानईए उत्तरेणं दहावतीए महानईए पच्चत्थिमेणं पम्हकूडस्स पुरत्थिमेणं एत्थ णं महाविदेहे वासे कच्छगावती नामं विजए पन्नत्ते - उत्तरदाहिणा पाईणप
वक्खारो-४
विच्छिणे से जहा- कच्छस्स विजयस्स जाव कच्छगावई य इत्थ देवे, कहि णं भंते महावदेहे वासे दहावई कुंडे नामं कुंडे पन्नत्ते गोयमा आवत्तस्स विजयस्स पच्चत्थिमेणं कच्छगावईए विजयस पुरत्थिमेणं नीलवंतस्स दाहिणिल्ले नितंबे एत्थ णं महाविदेहे वासे दहावईकुंडे नामं कुंडे पन्नत्ते से जहा- गाहावईकुंडस्स जाव अट्ठो तस्स णं दहावईकुंडस्स दाहिणेणं तोरणेणं दहावई महानई पवूढा समाणी कच्छगावई-आवत्ते विजए दुहा विभयमाणी - विभयमाणी दाहिणेणं सीयं महानइं समप्पेइ सेसं जहागाहावईए, कहि णं भंते महाविदेहे वासे आवत्ते नामं विजए पन्नत्ते गोयमा नीलवंतस्स वासहरपव्वयस्स दाहिणेणं सीयाए महानईए उत्तरेणं नलिणकूडस्स वक्खारपव्वयस्स पच्चत्थिमेणं दहावती महानई पुरत्थिमेणं एत्थ णं महाविदेहे वासे नलिणकूडे नामं कक्खारपव्वए पन्नत्ते गोयमा नीलवंतस्स दाहिणेणं सीयाए उत्तरेणं मंगलावइस्स विजयस्स पच्चत्थिमेणं आवत्तस्स विजयस्स पुरत्थिमेणं एत्थ णं महाविदेहे वासे नलिणकूडे नामं वक्खारपव्वए पन्नत्ते - उत्तरदाहिणायए पाईणपडीणविच्छिण्णे सेसं जहाचित्तकूडस्स जाव आसयंति नलिणकूडे णं भंते कति कूडा पन्नत्ता गोयमा चत्तारि कूडा पन्नत्ता तं जहा-सिद्धायतणकूडे नलिणकूडे आवत्तकूडे मंगलावत्तकूडे एए कूडा पंचसइया रायहाणीओ उत्तरेणं, कहि णं भंते महाविदेहे वासे मंगलावत्ते नामं विजए पन्नत्ते गोयमा नीलवंतस्स दक्खिणेणं सीयाए उत्तरेणं नलिणकूडस्स पुरत्थिमेणं पंकावईए पच्चत्थिमेणं एत्थ णं मंगलावत्ते नामं विजए पन्नत्ते जहाकच्छविज तहा एसो वि भाणियव्वो जाव मंगलावत्ते य इत्थ देवा परिवसइ से एएणणं कहि णं भंते महाविदेहे वासे पंकावईकुंडे नामं कुंडे पन्नत्ते गोयमा मंगलावत्तस्स पुरत्थिमेणं पुक्खलविजयस्स [ दीपरत्नसागर संशोधितः ]
[75]
[१८-जंबूद्दीवपन्नत्ति]
| SR No. | 003735 |
| Book Title | Agam 18 Jambudivpannatti Sattam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 122 |
| Language | Prakrit |
| Classification | Book_Devnagari, Agam, Canon, Agam 18, & agam_jambudwipapragnapti |
| File Size | 2 MB |