Page Text
________________
पच्चत्थिमेणं नीलवंतस्स दाहिणे नितंबे एत्थ णं पंकावइकुंडे नामं कुंडे पन्नत्ते तं चेव गाहावइकुंडप्पमाणं जाव मंगलावत्त-पुक्खलविजए दुहा विभयमाणी-विभयमाणी अवसेसं तं चेव गाहावईए, कहि णं भंते महाविदेहे वासे पुक्खले नामं विजए पन्नत्ते गोयमा नीलवंतस्स दाहिणेणं सीयए उत्तरेणं पंकावईए पुरत्थिमेणं एगसेलस्स वक्खारपव्वयस्स पच्चत्थिमेणं एत्थ णं पुक्खले नाम विजए पन्नत्ते जहाकच्छविजए तहा भाणियव्वं जाव पुक्खले य इत्थ देवे महिड्ढीए पलिओवमट्टिईए परिवसइ से एएणतुणं कहि णं भंते महाविदेहे वासे एगसेले नामं वक्खारपव्वए पन्नत्ते गोयमा पक्खलचक्कवट्टिविजयस्स परत्थिमेणं पोक्खलावतीचक्कवट्टिविजयस्स पच्चत्थिमेणं नीलवंतस्स दक्खिणेणं सीयाए उत्तरेणं एत्थ णं एगसेले नामं वक्खारपव्वए पन्नत्ते चित्तकूडगमेणं नेयव्वो जाव देवा आसयंति चत्तारि कूडा तं जहासिद्धाययणकूडे एगसेलकूडे पुक्खलकूडे पुक्खलावईकडे कूडाणं तं चेव पंचसइयं परिमाणं जाव एगसेले य देवे महिड्ढीए कहि णं भंते महाविदेहे वासे पुक्खलावई नामं चक्कवट्टिविजए पन्नत्ते गोयमा नीलवंतस्स दक्खिणेणं सीयाए उत्तरेणं उत्तरिल्लस्स सीयामुहवनस्स पच्चत्थिमेणं एगसेलस्स वक्खारपव्वयस्स पुरत्थिमेणं एत्थ णं महाविदेहे वासे पुक्खलावई नामं विजए पन्नत्ते-उत्तरदाहिणायए एवं जहाकच्छविजयस्स जाव पक्खलावई य इत्थ देवे परिवसइ से एएणट्टेणं, कहि णं भंते महाविदेहे वासे सीयाए महानईए उत्तरिल्ले सीयामुहवणे नामं वणे प० नीलवंतस्स दक्खिणेणं सीयाए उत्तरेणं पुरत्थिमलवणसमुदस्स पच्चत्थिमेणं पुक्खलावइचक्कवट्टिविजयस्स पुरत्थिमेणं एत्थ णं सीयामुहवणे नामं वणे उत्तरदाहिणायए पाईणपडीणाविच्छिण्णे सोलसजोयणसहस्साइं पंच य बाणउए जोयणसए दोण्णि य एगूणवीसइभाए जोयणस्स आयामेणं सीयामहानइंतेणं दो जोयणसहस्साइं नव य बावीसे जोयणसए विक्खंभेणं तयणंतरं च णं मायाए-मायाए परिहायमाणे-परिहायमाणे नीलवंतवासहर-पव्वयंतेणं एगं एगणवीसइभागं जोयणस्स विक्खंभेणं से णं एगाए पउमवरवेइयाए एगेण य वणसंडेणं वक्खारो-४
संपरिक्खत्तं वण्णओ सीयामुहवणस्स जाव देवा आसयंति एवं उत्तरिल्लं पासं समत्तं विजया भणिया रायहाणीओ इमाओ- |
[१७२] खेमा खेमपुरा चेव रिट्ठा रिट्ठपुरा तहा ।
खग्गी मंजूसा अवि य ओसही पंडरीगिणी । [१७३] सोलस विज्जाहरसेढीओ तावइयाओ आभियोगसेढीओ सव्वाओ इमाओ ईसाणस्स सव्वेस विजएसु कच्छवत्तव्वया जाव अट्ठो रायाणो सरिसणामगा विजएस सोलसण्हं वक्खारपव्वयाणं चित्तकूडवत्तव्वया जाव कूडा चत्तारि-चत्तारि बारसण्हं नईणं गाहावइ-वत्तव्वया जाव उभओ पासिं दोहिं पउमवरवेइयाहिं वणसंडेहिं य वण्णओ ।
[१७४] कहि णं भंते जंबद्दीवे दीवे महाविदेहे वासे सीयाए महानईए दाहिणिल्ले सीयामहवणे नाम वणे एवं जह चेव उत्तरिल्ले सीयामुहवणं तह चेव दाहिणंपि भाणियव्वं नवरं-निसहस्स वासहरपव्वयस्स उत्तरेणं सीयाए महानईए दाहिणेणं पुरत्थिमलवणसमुदस्स पच्चत्थिमेणं वच्छस्स विजयस्स पुरत्थिमेणं एत्थ णं जंबुद्दीवे दीवे महाविदेहे वासे सीयाए महानईए दाहिणिल्ले सीयामुहवणे नामं वणे उत्तरदाहिणायए तहेव सव्वं नवरं-निसहवासहरपव्वयंतेणं एगमेगूणवीसइभागं जोयणस्स विक्खंभेणं किण्हे किण्होभासे जाव आसयंति उभओ पासिं दोहिं पउमवरवेइयाहिं वणवण्णओ, कहि णं भंते जंबुद्दीवे दीवे महाविदेहे वासे वच्छे नामं विजए० निसहस्स वासहरपव्वयस्स उत्तरेणं सीयाए महानईए दाहिणेणं [दीपरत्नसागर संशोधितः]
[76]
[१८-जंबूद्दीवपन्नत्ति]
| SR No. | 003735 |
| Book Title | Agam 18 Jambudivpannatti Sattam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 122 |
| Language | Prakrit |
| Classification | Book_Devnagari, Agam, Canon, Agam 18, & agam_jambudwipapragnapti |
| File Size | 2 MB |