Page Text
________________
सलिलासहस्सेहिं आपूरेमाणी-आपूरेमाणी अहे तिमिसगुहाए वेयड्ढपव्वयं दालयित्ता दाहिणड्ढकच्छविजयं एज्जेमाणी-एज्जेमाणी चोद्दसहिं सलिलासहस्सेहिं समग्गा दाहिणेणं सीयं महानइं समप्पेइं सिंधू महानई पवहे य मूले य भरहसिंधुसरिसा पमाणेणं जाव दोहिं वणसंडेहिं संपरिक्खित्ता कहि णं भंते उत्तरड्ढकच्छविजए उसभकूडे नाम पव्वए पन्नत्ते गोयमा सिंधुकुंडस्स पुरत्थिमेणं गंगाकुंडस्स पच्चत्थिमेणं नीलवंतस्स वासहरपव्वयस्स दाहिणिल्ले नितंबे एत्थ णं उत्तरड्ढकच्छविजए उसहकूडे नामं पव्वए पन्नत्ते-अट्ठ जोयणाई उड्ढं उच्चत्तेणं तं चेव पमाणं जाव रायहाणी से नवरं-उत्तरेणं भाणियव्वा कहि णं भंते उत्तरड्ढकच्छविजए गंगाकुंडे नामं कुंडे पन्नत्ते गोयमा चित्तकूडस्स वक्खारपव्वयस्स पच्चत्थिमेणं उसहकडस्स परत्थिमेणं नीलवंतस्स वासहरपव्वयस्स दाहिणिल्ले नितंबे एत्थ णं उत्तरड्ढकच्छविजए गंगाकुंडे नामं कुंडे पन्नत्ते-सद्धिं जोयणाइं आयाम-विक्खंभेणं तहेव जहा- सिंधू जाव वणसंडेण य संपरिक्खित्ते से केणटेणं भंते एवं वुच्चइ-कच्छे विजए कच्छे विजए गोयमा कच्छे विजए वेयड्ढस्स पव्वयस्स दाहिणेणं सीयाए महानईए उत्तरेणं गंगाए महानईए पच्चत्थिमेणं सिंधूए महानईए पुरत्थिमेणं दाहिणड्ढकच्छविजयस्स बहुमज्जदेसभाए एत्थ णं खेमा नाम रायहाणी पन्नत्ता विणीयरायहाणीसरिसा भाणियव्वा तत्थ णं खेमाए रायहाणीए कच्छे नामं राया समुप्पज्जइ-महयाहिमवंत जाव सव्वं भरहोयवणं भाणियव्वं निक्खमणवज्जं सेसं सव्वं भाणियव्वं जाव
सुहे कच्छे नामधेज्जे कच्छे यत्थ देवे महड्डीए जाव पलिओवमट्टिईए परिवसइ से एएणडेणं गोयमा एवं वुच्चइ-कच्छे विजए-कच्छे विजए जाव निच्चे ।
__[१७०] कहि णं भंते जंबुद्दीवे दीवे महाविदेहे वासे चित्तकूडे नामं वक्खारपव्वए पन्नत्ते वक्खारो-४
गोयमा सीयाए महानईए उत्तरेणं नीलवंतस्स वासहरपव्वयस्स दाहिणेणं कच्छस्स विजयस्स पुरत्थिमेणं सुकच्छस्स विजयस्स पच्चत्थिमेणं एत्थ णं जंबुद्दीवे दीवे महाविदेहे वासे चित्तकूडे नामं वक्खारपव्वए पन्नत्ते-उत्तरदाहिणायए पाईणपडीणविच्छिण्णे सोलसजोयणसहस्साइं पंच य बाणउए जोयणसए दुण्णि य एगूणवीसइभाए जोयणस्स आयामेणं पंच जोयणसयाई विक्खंभेणं नीलवंतवासहरपव्वयंतेणं चत्तारि जोयण-सयाइं उड्ढं उच्चत्तेणं चत्तारि गाउयसयाई उव्वेहेणं तयणंतरं च णं मायाए-मायाए उस्सेहोव्वेहपरिवड्ढीए परिवड्ढमाणे-परिवड्ढमाणे सीयमहानईयंतेणं पंच जोयण-सयाइं उड् उच्चत्तेणं पंच गाउयसयाई उव्वेहेणं आसखंदसंठाणसंठिए सव्वरयणामए अच्चे सण्हे जाव पडिरूवे उभओ पासिं दोहिं पउमवरवेइयाहिं दोहिं य वणसंडेहिं संपरिक्खित्ते वण्णओ दोण्हवि चित्तकूडस्स णं वक्खारपव्वयस्स उप्पिं बहसमरमणिज्जे भूमिभागे पन्नत्ते जाव आसयंति, चित्तकूडे णं भंते वक्खारपव्वए कति कूडा पन्नत्ता गोयमा चत्तारि कूडा पन्नत्ता तं जहा- सिद्धाययणकूडे चित्तकूडे कच्छकूडे सुकच्छकूडे समा उत्तरदाहिणेणं परुप्परंति पढमए सीयाए उत्तरेणं चउत्थए नीलवंतस्स वासहरपव्वयस्स दाहिणेणं अट्ठो एत्थ णं चित्तकूडे नामं देवे महिड्ढीए जाव रायहाणी से तेणद्वेणं ।
[१७१] कहि णं भंते जंबुद्दीवे दीवे महाविदेहे वासे सुकच्छे नाम विजए पन्नत्ते गोयमा सीयाए महानईए उत्तरेणं नीलवंतस्स वासहरपव्वयस्स दाहिणेणं गाहावईए महानईए पच्चत्थिमेणं चित्तकूडस्स वक्खारपव्वयस्स पुरत्थिमेणं एत्थ णं जंबुद्दीवे दीवे महाविदेहे वासे सुकच्छे नामं विजए पन्नत्ते-उत्तरदाहिणायए जहेव कच्छे विजए तहेव सुकच्छे विजए नवरं-खेमपुरा रायहाणी सुकच्छे राया समुप्पज्जइ तहेव सव्वं, कहि णं भंते जंबुद्दीवे दीवे महाविदेहे वासे गाहावइकुंडे नाम कुंडे पन्नत्ते गोयमा [दीपरत्नसागर संशोधितः]
[74]
[१८-जंबूद्दीवपन्नत्ति]
| SR No. | 003735 |
| Book Title | Agam 18 Jambudivpannatti Sattam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 122 |
| Language | Prakrit |
| Classification | Book_Devnagari, Agam, Canon, Agam 18, & agam_jambudwipapragnapti |
| File Size | 2 MB |