Page Text
________________
[१६७] कहि णं भंते जंबुद्दीवे दीवे महाविदेहे वासे कच्छे नामं विजए नप्नत्ते गोयमा सीयाए महानईए उत्तरेणं नीलवंतस्स वासहरपव्वयस्स दाहिणेणं चित्तकूडस्स वक्खारपव्यस्स पच्चत्थिमेणं मालवंतस्स वक्खारपव्वयस्स पुरत्थिमेणं एत्थ णं जंबुद्दीवे दीवे महाविदेहे वासे कच्छे नामं विजए पन्नत्ते-उत्तरदाहिणायए पाईणपडीणविच्छिण्णे पलियंकसंठाणसंठिए गंगासिंधूहिं महानईहिं वेयड्ढेण य पव्वएणं छब्भागपविभत्ते सोलस जोयणसहस्साइं पंच य बाणउए जोयणसए दोण्णि य एगूणवीसइभाए जोयणस्स आयामेणं दो जोयणसहस्साइं दोण्णि य तेरसत्तरे जोयणसए किंचिविसेसणे विक्खंभेणं कच्छस्स णं विजयस्स बहुमज्झदेसभाए एत्थ णं वेयड्ढे नामं पव्वए पन्नत्ते जे णं कच्छं विजयं दुहा विभयमाणे-विभयमाणे चिट्ठइ तं जहा- दाहिणड्ढकच्छं च उत्तरड्ढकच्छं च, कहि णं भंते जंबुद्दीवे दीवे महाविदेहे वासे दाहिणड्ढकच्छे नामं विजए पन्नत्ते गोयमा वेयड्ढस्स पव्वयस्स दाहिणेणं सीयाए महानईए उत्तरेणं चित्तकूडस्स वक्खारपव्वयस्स पच्चत्थिमेणं मालवंतस्स वक्खारपव्वयस्स पुरत्थिमेणं एत्थ णं जंबुद्दीवे दीवे महाविदेहे वासे दाहिणड्ढकच्छे नामं विजए पन्नत्ते-उत्तरदाहिणायए पाईणपडीणविच्छिण्णे अट्ठ जोयणसहस्साइं दोण्णि य एगसत्तरे जोयणसए एक्कं च एगूणवीसइभागं जोयणस्स आयामेणं दो जोयणसहस्साइं दोण्णि य तेरसुत्तरे जोयणसए किंचिविसेसूणे विक्खंभेणं पलियंकसंठिए दाहिणड्ढकच्छस्स णं भंते विजयस्स केरिसए आगारभावपडोयारे पन्नत्ते गोयमा बहुसमरमणिज्जे भूमिभागे पन्नत्ते जाव कत्तिमेहिं चेव अकत्तिमेहिं चेव दाहिणड्ढकच्छे णं भंते विजए मणुयाणं छव्विहे संघयणे जाव सव्वदुक्खाणवक्खारो-४
मंतं करेंति कहि णं भंते जंबुद्दीवे दीवे महाविदेहे वासे कच्छे विजए वेयड्ढे नाम पव्वए पन्त्ते गोयमा दाहिणड्ढकच्छविजयस्स उत्तरेणं उत्तरड्ढकच्छस्स दाहिणेणं चित्तकूडस्स पच्चत्थिमेणं मालवंतस्स वक्खार-पव्वयस्स पुरत्थिमेणं एत्थ णं कच्छे विजए वेयड्ढे नाम पव्वए पन्नत्ते तं जहा- पाईणपडीणायए उदीण-दाहिणविच्छण्णे दुहा वक्खारपव्वए पुढे-पुरत्थिमिल्लाए कोडीए जाव दोहिवी पुढे भरहवेयड्ढसरिसए नवरं-दो बाहाओ जीवा धणुपटुं च न कायव्वं विजयविक्खंभसरिसे आयामेणं विक्खंभो उच्चत्तं उव्वेहो तए चेव विज्जाहरसेढीओ तहेव नवरं-पणपन्नं-पणपन्नं विज्जाहरनगरावासा पन्नत्ता आभिओगसेढीए उत्तरिल्लाओ सेढीओ सीयाए ईसामस्स सेसाओ सक्कस्स कूडा- |
- [१६८] सिद्धे कच्छे खंडग माणी वेयड्ढ पुन्न तिमिसगुहा |
___ कच्छे वेसमणे वा वेयड्ढे होंति कूडाइं ।
[१६९] कहि णं भंते जंबुद्दीवे दीवे महाविदेहे वासे उत्तरड्ढकच्छे नामं विजए पन्नत्ते गोयमा वेयड्ढस्स पव्वयस्स उत्तरेणं नीलवंतस्स वासहरपव्वयस्स दाहिणेणं मालवंतस्स वक्खारपव्वयस्स पुरत्थि-मेणं चित्तकूडस्स वक्खारपव्वयस्स पच्चत्थिमेणं एत्थ णं जंबुद्दीवे दीवे महाविदेहे वासे दाहिणड्ढकच्छे नामं विजए पन्नत्ते जाव सिज्झंति तहेव नेयव्वं सव्वं कहि णं भंते जंबुद्दीवे दीवे महाविदेहे वासे उत्तरड्ढकच्छे विजए सिंधुकुंडे नामं कुंडे पन्नत्ते गोयमा मालवंतस्स वक्खारपव्वयस्स पुरत्थिमेणं उसभकूडस्स पच्चत्थिमेणं नीलवंतस्स वासहरपव्वयस्स दाहिणिल्ले नितंबे एत्थ णं जंबुद्दीवे दीवे महाविदेहे वासे उत्तरउड्ढकच्छविजए सिंधुकुंडे नाम कुंडे पन्नत्ते-सटुिं जोयणाणि आयामविक्खंभेणं जाव भवणं अट्ठो रायहाणी य नेयव्वा भरहासिंधुकुंडसरिसं सव्वं नेयव्वं जाव तस्स णं सिंधुकुंडस्स दाहिणिल्लेणं तोरणेणं सिंधू महानई पवूढा समाणी उत्तरड्ढकच्छविजयं एज्जेमाणी-एज्जेमाणी सत्तहिं [दीपरत्नसागर संशोधितः]
[73]
[१८-जंबूद्दीवपन्नत्ति]
| SR No. | 003735 |
| Book Title | Agam 18 Jambudivpannatti Sattam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 122 |
| Language | Prakrit |
| Classification | Book_Devnagari, Agam, Canon, Agam 18, & agam_jambudwipapragnapti |
| File Size | 2 MB |