Page Text
________________
सामाणियसाहस्सीणं जाव आयरक्खदेवसाहस्सीणं जंबुद्दीवस्स णं दीवस्स जंबूए सुदंसणाए अणाढियाए रायहाणीए अण्णेसिं च बहूणं देवाण य देवीण य जाव विहरइ से तेणटेणं गोयमा एवं वुच्चइ-जंबू सुदंसणा-जंबू सुदंसणा अदुत्तरं च णं गोयमा जंबू सुदंसणा जाव भुविं च भवइ य भविस्सइ य धुवा नियया सासया अक्खया अवट्ठिया कहि णं भंते अणाढियस्स देवस्स अणाढिया नाम रायहाणी पन्नत्ता गोयमा जंबुद्दीवे दीवे मंदरस्स पव्वयस्स उत्तरेणं जं चेव पुव्ववण्णिय जमिगापमाणं तं चेव नेयव्वं जाव उववाओ अभिसेयो य निरवसेसो ।
[१६३] से केणटेणं भंते एवं वच्चइ-उत्तरक़रा उत्तरारा गोयमा उत्तरकराए उत्तरकुरू नाम देवे परिवसइ-महिड्ढीए जाव पलिओवमद्विईए से तेणटेणं गोयमा एवं वुच्चइ-उत्तरकुरा-उत्तरकुरा अदुत्तरं च णं जाव सासए कहि णं भंते महाविदेहे वासे मालवंते नामं वक्खारपव्वए पन्नत्ते गोयमा मंदरस्स पव्वयस्स उत्तरपुरत्थिमेणं नीलवंतस्स वासहरपव्वयस्स दाहिणेणं उत्तरकुराए पुरत्थिमेणं कच्छस्स चक्कवट्टिविजयस्स पच्चत्थिमेणं एत्थ णं महाविदेहे वासे मालवंते नामं वक्खारपव्वए उत्तरदाहिणायए पाईणपडीणविच्छण्णे जं चेव गंधमायणस्स पमाणं विक्खंभो य नवरमिमं नाणत्तं सव्ववेरुलियामए अवसिटुं तं चेव जाव गोयमा नव कूडा तं० सिद्धाययणकूडे ।
[१६४] सिद्धे य मालवंते उत्तरुकुरू कच्छ सागरे रयए ।
सीया य पन्नभद्दे हरिस्सहे चेव बोद्धव्वे । वक्खारो-४
[१६५] कहि णं भंते मालवंते वक्खारपव्वए सिद्धाययणकूडे नामं कूडे पन्नत्ते गोयमा मंदरस्स पव्वयस्स उत्तरपुरत्थिमेणं मालवंतकूडस्स दाहिणपच्चत्थिमेणं एत्थ णं सिद्धाययणे कूडे-पंच जोयणसयाई उड्ढं उच्चत्तेणं अवसिहं तं चेव जाव रायहाणी एवं मालवंतकूडस्स उत्तरकुरुकूडस्स कच्छकूडस्स एए चत्तारि कूडा दिसाहिं पमाणेहिं य नेयव्वा कूडसरिसणामया देवा, कहि णं भंते मालवंते सागरकूड़े नामं कूड़े पन्नत्ते गोयमा कच्छकूडस्स उत्तरपुरत्थिमेणं रययकूडस्स दक्खिणेणं एत्थ णं सागरकूडे नामं कूडे पन्नत्ते-पंच जोयणसयाई उड्ढं उच्चत्तेणं अवसिहूं तं चेव सुभोगा देवी रायहाणी उत्तरपुरत्थिमेणं रययकूड़े भोगमालिणी देवी रायहाणी उत्तरपुरत्थिमेणं अवसिट्ठा कूडा उत्तरदाहिणेणं नेयव्वा एक्केणं पमाणेणं ।
[१६६] कहि णं भंते मालवंते हरिस्सहकूड़े नामं कूड़े पन्नभद्दस्स उत्तरेणं नीलवंतस्स कूडस्स दक्खिणेणं एत्थ णं हरिस्सहकूडे नामं कूडे पन्नत्ते-एगं जोयणसहस्सं उड्ढं उच्चत्तेणं जमगपमाणेणं नेयव्वं रायहाणी उत्तरेणं असंखेज्जदीवे अण्णंमि जंबद्दीवे दीवे उत्तरेणं बारस जोयणसहस्साइं ओगाहित्ता एत्थ णं हरिस्सहस्स देवस्स हरिस्सहा नामं रायहाणी पन्नत्ता-चउरासीइं जोयणसहस्साई आयाम-विक्खंभेणं बे जोयणसयसहस्साइं पण्णद्धिं च सहस्साई छच्च बत्तीसे जोयणसए परिक्खेवेणं सेसं जहा- चमरचंचाए रायहाणीए तहा पमाणं भाणियव्वं महिड्ढीए महज्झुईए, से केणद्वेणं भंते एवं वुच्चइ-मालवंते वक्खारपव्वए मालवंते वक्खारपव्वए गोयमा मालवंते णं वक्खारपव्वए तत्थ-त्थ देसे तहिं-तहिं बहवे सेरियागुम्मा नोमालियागुम्मा जाव मगंदतियागुम्मा ते णं गुम्मा दसद्धवण्णं कुसुमं कुसुमेति जे णं तं मालवंतस्स वक्खारपव्वयस्स बहुसमरमणिज्जं भूमिभागं वायविधुयग्गसालामुक्कपुप्फपुंजोवयारकलियं करेंति मालवंते य इत्थ देवे महिड्डीए जाव पलिओवमट्टिईए परिवसइ से तेणटेणं एवं वुच्चइ अदुत्तरं च णं जाव निच्चे । [दीपरत्नसागर संशोधितः]
[72]
[१८-जंबूद्दीवपन्नत्ति]
| SR No. | 003735 |
| Book Title | Agam 18 Jambudivpannatti Sattam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 122 |
| Language | Prakrit |
| Classification | Book_Devnagari, Agam, Canon, Agam 18, & agam_jambudwipapragnapti |
| File Size | 2 MB |