________________
संपरिक्खित्ता वेइयाणं वण्णओ जंबू णं अण्णेणं अट्ठसएणं जंबूणं तदद्धच्चत्ताणं सव्वओ समंता संपरिक्खित्ता तासि णं वण्णओ ताओ णं जंबू छहिं पउमवरवेइयाहिं संप-रिक्खित्ता जंबूए णं सुदंसणाए उत्तरपुरत्थिमेणं उत्तरेणं उत्तरपच्चत्थिमेणं एत्थ णं अणाढियस्स देवस्स चउण्हं सामाणियसाहस्सीणं चत्तारिजंबूसाहस्सीओ प० तीसे णं पुरत्थिमेणं चउण्हंअग्गमहिसीणं चत्तारिजंबूओ प० ।
[१५२] दक्खिणपुरत्थिमे दक्खिणेण तह अवरदक्खिणेणं च ।
अट्ठ दस बारसेव य भवंति जंबूसहस्साइं । [१५३] अणियाहिवाण पच्चत्थिमेणं सत्तेव होंति जंबूओ ।
सोलस साहस्सीओ चउद्दिसिं आयरक्खाणं । [१५४] जंबूए णं तिहिं सइएहिं वणसंडेहिं सव्वओ समंता संपरिक्खित्ता जंबूए णं पुरत्थिमेणं पन्नासं जोयणाइं पढमं वणसडं ओगाहित्ता एत्थ णं भवणे पन्नत्ते-कोसं आयामेणं सो चेव वण्णओ सयणिज्जं च एव सेसासुवि दिसासु भवणा जंबूए णं उत्तरपुरत्थिमेणं पढमं वणसंडं पन्नासं जोयणाई ओगाहित्ता एत्थ णं चत्तारि पुक्खरिणीओ पन्नत्ताओ तं जहा- पउमा पउमप्पभा कुमुदा कुमुदप्पभा ताओ णं कोसं आयामेणं अद्धकोसं विक्खंभेणं पंचधणुसयाइं उव्वेहेणं वण्णओ तासि णं मज्झे पासायवडेंसगाकोसं आयामेणं अद्धकोसं विक्खंभेणं देस कोसं उड्ढं उच्चत्तेणं वण्णओ सीहासणा सपरिवारा एवं
सेसासु
वक्खारो-४
विदिसासु- ।
[१५५] पउमा पउमप्पभा चेव कुमुदा कुमुदप्पहा ।
उप्पलगुम्मा नलिणा उप्पला उप्पलुज्जला । [१५६] भिंगा भिंगप्पभा चेव अंजणा कज्जलप्पभा ।
सिरिकंता सिरिमहिया सिरिचंदा चेव सिरिनिलया । [१५७] जंबूए णं पुरथिमिल्लस्स भवणस्स उत्तरेणं उत्तरपुरथिमिल्लस्स पासायवडेंसगस्स दक्खिणेमं एत्थ णं महं एगे कूड़े पन्नत्ते-अट्ठ जोयणाई उड्ढं उच्चत्तेणं दो जोयणाइं उव्वेहेणं मूले अट्ठ जोयणाई आयाम-विक्खंभेणं बहुमज्झदेसभाए छ जोयणाई आयाम-विक्खंभेणं उवरिं चत्तारि जोयणाई आयाम-विक्खंभेणं- ।
[१५८] पणवीसवारस बारसेव मूले य मज्झमवरिं च ।
सविसेसाइं परिरओ कूडस्स इमस्स बोद्धव्वो । [१५९] मूले विच्छिण्णे मज्झे संखित्ते उवरिं तणुए सव्वकणगामए अच्छे वेड्या-वणसंडवण्णओ एवं सेसावि कूडा जंबूए णं सुदंसणाए दुवालस नामधेज्जा [तं जहा]- |
[१६०] सुदंसणा अमोहा य सुप्पबुद्धा जसोहरा ।
विदेहजंबू सोमणसा नियया निच्चमंडिया । [१६१] सुभद्दा य विसाला य सुजाया सुमणा वि या ।
सुदंसणाए जंबूए नामधेज्जा वालस । [१६२] जंबूए णं अट्ठमंगलगा से केणटेणं भंते एवं वुच्चइ-जंबू सुदंसणा जंबू सुदंसणा गोयमा जंबूए णं सुदंसणाए अणाढिए नामं देवे जंबुद्दीवाहिवई परिवसइ-महिड्डीए से णं तत्थ चउण्हं [दीपरत्नसागर संशोधितः]
[71]
[१८-जंबूद्दीवपन्नत्ति]
