Page Text
________________
तावइयमंतरं खलु जमगदहाणं दहाणं च । [१४६] कहि णं भंते उत्तरकुराए कुराए नीलवंतबहे नामं दहे गोयमा जमगाणं दक्खिणिल्लाओ चरिमंताओ अट्ठसए चोत्तीसे चत्तारि य सत्तभाए जोयणस्स अबाहाए सीयाए महानईए बहुमज्झदेसभाए एत्थ णं नीलवंतदद्दहे दाहिणउत्तरायए पाईणपडीणविच्छिण्णे जहेव पउमद्दहे तहेव वण्णओ नेयव्वो नाणत्तं-दोहिं पठमवरवेइयाहिं दोहिं य वणसंडेहि संपरिक्खित्ते नीलवंते नामं नागकुमारे देवे सेसं तं चेव नेयव्वं, नीलवंतद्दहस्स पुव्वावरे पासे दस दस जोयणाई अबाहाए एत्थ णं वसं कंचणगपव्वया एगं जोयणसयं उडढं उच्चत्तेणं ।
[१४७] मलंमि जोयणसयं पन्नत्तरि जोयणाडं मज्झमि |
उवरितले कंचणगा पन्नासं जोयणा हुंति । [१४८] मूलंमि तिण्णि सोले सत्तत्तीसाइं दुण्णि मज्झंमि ।
अट्ठावण्णं च सयं उवरितले परिरओ होइ । [१४९] पढमोत्थ नीलवंतो बितिओ उत्तरारू मणेयव्वो ।
चंदद्दहोत्था तइओ एरावण मालबंतो य । [१५०] एवं वण्णओ अट्ठो पमाणं पलिओवमद्विइया देवा । वक्खारो-४
[१५१] कहि णं भंते उत्तरकुराए कुराए जंबूपेढे नाम पेढे पन्नत्ते गोयमा नीलवंतस्स वासहर-पव्वयस्स दक्खिणेणं मंदरस्स उत्तरेणं मालवंतस्स वक्खारपव्वयस्स पच्चत्थिमेणं सीयाए महानईए पुर-त्थिमिल्ले कूले एत्थ णं उत्तरकुराए कुराए जंबूपेढे नामं पेढे पन्नत्ते-पंच जोयणसयाई आयामविक्खंभेणं पन्नरस एक्कासीयाइ जोयणसयाइं किंचिविसेसाहियाई परिक्खवेणं बुहमज्झदेसभाए बारस जोयणाई बाह-ल्लेणं तयणंतरं च णं मायाए-मायाए पदेसपरिहाणीए परिहायमाणे-परिहायमाणे सव्वेसु णं चरिमपेरंतेस् दो-दो गाउयाई बाहल्लेणं सव्वजंबणयामए अच्छे से णं एगाए पउमवरवेइयाए एगेण य वणसंडेणं सव्वओ समंता संपरिक्खित्ते दुण्हपि वण्णओ तस्स णं जंबू पेढस्स चउद्दिसिं एए चत्तारि तिसोवाणपडिरूवगा पन्नत्ता वण्णओ जाव तोरणाइं तस्स णं जंबूपेढस्स बहुमज्झदेसभाए एत्थ णं मणिपेढिया पन्नत्ता-अट्ठ-जोयणाई आयाम-विक्खंभेणं चत्तारि जोयणाई बाहल्लेणं तीसे णं मणिपेढियाए उप्पिं एत्थ णं जंबू सुदंसणा पन्नत्ता-अट्ट जोयणाई उड्ढं उच्चत्तेणं अद्धजोयणं उव्वेहेणं तीसे णं खंधो दो जोयणाई उड्ढं उच्चत्तेणं अद्ध जोयणं बाहल्लेणं तीसे णं साला छ जोयणाई उड्ढं उच्चत्तेणं बहमज्झदेसभाए अट्ठ जोयणाई आयाम-विक्खंभेणं साइरेगाइं अट्ठ जोयणाई सव्वग्गेणं तीसे णं अयमेयारूवे वण्णावासे पन्नत्ते-वइरामयमूल-रययसुपइट्ठिय-विडिमा जाव अहियमणनिव्वुइकरी पासाईयादरिसणिज्जा अभिरूवा पडिरूवा जंबूए णं सुदंसणाए चउद्दिसिं चत्तारि साला पन्नत्ता तेसि णं सालाणं बहुमज्झदेसभाए एत्थ णं सिद्धाययणं पन्नत्ते-कोसं आयामेणं अद्ध-कोसं विक्खंभेणं देसूणगं कोसं उड्ढं उच्चत्तेणं अणेगखंभसयसण्णिविढे जाव दारा पंचधणुसयाइं उड्ढं उच्चत्तेणं जाव वणमालाओ मणिपेढिया पंचधणुसयाइं आयाम-विक्खंभेणं अड्ढाइज्जाइं धणसयाइं बाहल्लेणं तीसे णं मणिपेढियाए उप्पिं देवच्छंदए पंचधणुसयाई आयामविक्खंभेणं साइरेगाइं पंचधणुसयाई उड्ढे उच्चत्तेणं जिनपडिमा वण्णओ सव्वो नेयव्वो तत्थ णं जेसे पुरथिमिल्ले साले एत्थ णं भवणे पन्नत्ते-कोसं आयामेणं एमेव नवरमित्थ सयणिज्जं सेसेसु पासाय-वडेंसया सीहासणा य सपरिवारा जंबू णं बारसहिं पउमवरवेइयाहिं सव्वओ समंता [दीपरत्नसागर संशोधितः]
[70]
[१८-जंबूद्दीवपन्नत्ति]
| SR No. | 003735 |
| Book Title | Agam 18 Jambudivpannatti Sattam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 122 |
| Language | Prakrit |
| Classification | Book_Devnagari, Agam, Canon, Agam 18, & agam_jambudwipapragnapti |
| File Size | 2 MB |