Page Text
________________
सुहम्माओ पन्नत्ताओ-अद्धतेरस जोयणाई आयामेणं छस्सकोसाइं जोयणाई विक्खंभेणं नव जोयणाई उड्ढं उच्चत्तेणं अणेगसयसण्णिविट्ठा सभावण्णओ तासि णं सभाणं सुहम्माणं तिदिसिं तओ दारा पन्नत्ता ते णं दारा दो जोयणाई उड्ढं उच्चत्तेणं जोयणं विक्खंभेणं तावइयं चेव पवेसेणं सेया वण्णओ जाव वणमाला तसि णं दाराणं पुरओ पत्तेयं-पत्तेयं तओ मुहमंडवा पन्नत्ता ते णं मुहमंडवा अद्धतेरसजोयणिं आयामेणं छस्सकोसाइं जोयणाई विक्खंभेणं साइरेगाइं दो जोयणाई उड्ढं उच्चत्तेणं जाव दारा भूमिभागा य पेच्छाघरमंडवाणं तं चेव पमाणं भूमिभागो मणिपेढियाओ ताओ णं मणिपेढियाओ जोयणं आयामविक्खंभेणं अद्धजोयणं बाहल्लेणं सव्वमणिमईओ सीहासणा भाणियव्वा तेसि णं पेच्छाघरमंडवाण पुरओ मणिपेढियाओ पन्नत्ताओ ताओ णं मणिपेढियाओ दो जोयणाई आयाम-विक्कंभेणं जोयणं बाहल्लेणं सव्वमणिमईओ तासि णं उप्पिं पत्तेयं-पत्तेयं थूभा पन्नत्ता ते णं थूभा दो जोयणाइं उड्ढं उच्चत्तेणं दो जोयणाइं आयाम-विक्कंभेणं सेया संखतलविमल-निम्मल-दधिघण-गोखीर-फेण-रययणिगरप्पगासा जाव अट्टम-गलया तेसि णं थभाणं चउद्दिसिं चत्तारि मणिपेढियाओ पन्नत्ताओ ताओ णं मणिपेढियाओ जोयणं आयाम-विक्खंभेणं अद्धजोयणं बाहल्लेणं जिनपडिमाओ वत्तव्वाओ चेइयरुक्खाणं मणिपेढियाओ दो जोयणाई आयाम-विक्खंभेणं जोयमं बाहल्लेणं चेइयरुक्खवण्णओ तेसि णं चेइयरुक्खाणं पुरओ तओ मणिपेढियाओ पन्नत्ताओ
ताओ वक्खारो-४
मणि
पेढियाओ जोयणं आयाम-विक्खंभेणं अद्धजोयणं बाहल्लेणं तासि णं उप्पिं पत्तेयं-प्ततेयं महिंदज्झया पन्नत्ता ते णं अद्धहमाइं जोयणाइं उड़ढं उच्चत्तेणं अद्धकोसं उव्वेहेणं अद्धकोसं वइरामय-वट्टलट्ठसंठियसुसिलिट्ठ-परिघट्टमट्ठसुपतिद्व वण्णओ वेइगा-वणसंड-तिसोवण-तोरणा य भाणियव्वा तासि णं सभाणं सुहम्माणं छच्च मणोगुलियासाहस्सीओ पन्नत्ताओ तं जहा- पुरत्थिमेणं दो साहस्सीओ पन्नत्ताओ पच्चत्थिमेणं दो साहस्सीओ दाहिणेणं एगा साहस्सी उत्तरेणं एगा जाव दामा चिटुंति एवं गोमाणसियाओ नवरं-धवधडियाओ तासि णं सधम्माणं सभाणं अंतो बहसमरमणिज्जे भमिभागे पन्नत्ते मणिपेढिया दो जोयणाई आयाम-विक्खंभेणं जोयणं बाहल्लेणं तासि णं मणिपेढियाणं उप्पिं माणवए चेइयखंभे महिंदज्झपयप्पमाणे उवरिं छक्कोसे ओगाहित्ता हेढा छक्कोसे वज्जित्ता जिणसकहाओ पन्नत्ताओ माणवगस्स पव्वेणं सीहासणा सपरिवारा पच्चत्थिमेणं सयणिज्जा वण्णओ सयणिज्जाणं उत्तरपुरत्थिमे दिसिभाए खुड्डगमहिंदज्झया मणिपेढियाविहणा महिंदज्झयप्पमाणा तेसिं उवरेणं चोप्पाला पहरणकोसा तत्थ णं बहवे फलिहरयणपामोक्खा जाव चिट्ठति सुहम्माणं उप्पिं अट्ठद्वमंगलगा तासि णं उत्तरपुरत्थिमेणं सिद्धायतणा एसेव जिनघराणवि गमो नवरंइमं नाणत्तं-एतेसि णं बहमज्झदेसभए पत्तेयं-पत्तेयं मणिपेढियाओ दो जोयणाई आयाम विक्खंभेणं जोयणं बाहल्लेणं तासिं उप्पिं पत्तेयं-पत्तेयं देवच्छंदया पन्नत्ता-दो जोयणाई आयाम-विक्खंभेणं साइरेगाइं दो जोयणाई उड्ढं उच्चत्तेणं सव्वरयणामया जिनपडिमा वण्णओ जाव धूवकडुच्छुगा एवं चेव अवसेसाणवि सभाणं जाव उववायसभाए सयणिज्जं हरओ य अभिसेयसभाए बहू आभिसेक्के भंडे अलंकारियसभाए बहू अलंकारियभंडे चिट्टइ ववसायसभासु पोत्थयरयणा नंदा पुक्खरिणीओ बलिपेढा दो जोयणाइं आयाम-विक्खंभेणं जोयणं बाहल्लेणं [जाव] ।
[१४४] उववाओ संकप्पो अभिसेय विहसणा य ववसाओ ।
अच्चणियसुधम्मगमो जहा य परिवारणाइड्ढी । [१४५] जावइयंमि पमाणंमि जमगाओ नीलवंताओ ।
दीपरत्नसागर संशोधितः]
[69]
[१८-जंबूद्दीवपन्नत्ति]
| SR No. | 003735 |
| Book Title | Agam 18 Jambudivpannatti Sattam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 122 |
| Language | Prakrit |
| Classification | Book_Devnagari, Agam, Canon, Agam 18, & agam_jambudwipapragnapti |
| File Size | 2 MB |