Page Text
________________
णं दुवे पासायवडेंसगा पन्नत्ता ते णं पासायव-डेंसगा बावढि जोयणाई अद्धजोयणं च उड्ढं उच्चत्तेणं एक्कतीसं जोयणाई कोसं च आया-विक्कंभेणं पासायवण्णओ भाणियव्वो सीहासणा सपरिवारा जाव एत्थ णं जमगाणं देवाणं सोलसण्हं आयारक्खदेवसाहस्सीणं सोलस भद्दासणसाहस्सीओ पन्त्ताओ से केणटेणं भंते एवं वुच्चइ-जमगा पव्वया जमगा पव्वया गोयमा जमगपव्वएस् णं तत्थ-तत्थ देसे तहिं-तहिं खुड्डाखुडियासु वावीसु जाव बिलपंतियासु बहवे उप्पलाइं जाव जमगवण्णाभाई जमगा य एत्थ दुवे देवा महिड्ढीया ते णं तत्थ चउण्हं सामाणियसाहस्सीणं जाव भुंजमाणविहरंति से तेणट्टेणं गोयमा एवं वुच्चइजमगपव्वया-जमगपव्वया अत्तरं च णं सासए नामधेज्जे जाव जमगपववया-जमगपव्वया कहि णं भंते जमगाणं देवाणं जमगो रायहाणीओ पन्नत्ताओ गोयमा जंबुद्दीवे दीवे मंदरस्स पव्वयस्स उत्तरेणं अण्णंमि जंबुद्दीवे दीवे बारस जोयणसहस्साइं ओगाहित्ता एत्थ णं जमगाणं देवाणं जमगाओ रायहाणीओ पन्त्ताओबारस जोयणसहस्साई आयाम-विक्खंभेणं सत्तत्तीसं जोयण-सहस्साइं नव य अडयाले जोयणसए किंचजिविसेसाहिए परिक्खेवेणं पत्तेयंपत्तेयं पागारपरिक्खित्ता ते णं पागारा सत्तत्तीसं जोयणाइं अद्धजोयणं च उड्ढं उच्चत्तेणं मूले अद्धतेरस जोयणाइं विक्खंभेणं मज्झे छस्सकोसाइं जोयणाइं विक्खंभेणं उवरि तिण्णि सअद्धकोसाइं जोयणाई विक्खंवक्खारो-४
भेणं मूले विच्छिण्णा मज्झे संखित्ता उप्पिं तणुया बाहिं वुट्टा अंतो चउरंसा सव्वरयणामया अच्छा ते णं पागारा नाणाणिपंचवण्णेहिं कविसीसएहिं उवसोहिया तं जहा- किण्हेहिं जाव सक्किलेहिं ते णं कविसीसगा अद्धकोसं आयामेणं देसूणं अद्धकोसं उड्ढं उच्चत्तेणं पंच धणुसयाई बाहल्लेणं सव्वमणिमया अच्छा जमगाणं रायहाणीणं एगमेगाए बाहाए पणवीसं-पणवीसं दारसयं पन्नत्तं ते णं दारा बावहिँ जोयणाई अद्धजोयणं च उडढं उच्चत्तेणं एक्कत्तीसं जोयणाई कोसं च विक्खंभेणं तावइयं चेव पवेसेणं सेया वरकणगूभियागा एवं रायप्पसेणइज्जविमाणवत्तव्वयाए दारवण्णओ जाव अट्ठमंगलगाइं जमयाणं रायहाणीणं चउद्दसिं पंच-पंच जोयणसए अबाहाए चत्तारि वणसंडा पन्नत्ता तं जहा- असोगवणे सत्तिवण्णवणे चंपगवणे चूयवणे ते णं वणसंडा साइरेगाइं बारसजोयणसहस्साइं आयामेणं पंच जोयणसयाई विक्खंभेणं पत्तेयं-पत्तेयं पागाररिक्खित्ता किण्हा वणसंडवण्णओ भूमीओ पासायवडेंसगा य भाणियव्वा जमगाणं रायहाणीणं अंतो बहसमरमणिज्जे भूमिभागे पन्नत्ते वण्णगो तेसि णं बहसमरमणिज्जाणं भूमिभागाणं बहुमज्झदेसभाए एत्थ मं दुवे उवयारियालयणा पन्नत्ता-बारस जोयणसयाइं आयाम-विक्खंभेणं तिण्णि जोयण-सहस्साइं सत्त य पंचणउए जोयणसए परिक्खेवेणं अद्धकोसं च बाहल्लेणं सव्वजंबणयामया अच्छा पत्तेयं-पत्तेयं पउमवरवण्यापरिक्खित्त पत्तेयं-पत्तेयं वणसंडवण्णओ भाणियव्वो तिसोवाणपडिरूवगा तोरणा चउद्दिसिं भूमिभागो य भाणियव्वो तस्स णं बहुमज्झदेसभाए एत्थ णं एगे पासायव.सए पन्नत्ते दुवे पासावडेंसया पन्तन्ता-बावहिँ जोयणाई अद्धजोयणं च उड्ढं उच्चत्तेणं एकक्तीसं जोयणाई कोसं च आयाम-विक्खंभेणं वण्णओ उल्लोया भूमिभागा सीसासणा सपरिवाया एवं पासायपंतीओ-एक्कतीसं जोयणाई कोसं च उड्ढं उच्चत्तेणं साइरेगाइं अद्धसोलसजोयणाई आयाम-विक्खंभेणं बिइपासायपंती-ते णं पासायवडेंसया साइरेगाइं अद्धसोलसजोयणाई उडढं उच्चत्तेणं साइरेगाइं अद्धट्ठमाइं जोयणाइं आयाम-विक्कंभेणं तइयपासायपंती-ते णं पासायवडेंसया साइरेगाई अद्धट्ठमाई जोयणाई उड्ढे उच्चत्तेणं साइरेगाइं अट्ठजोयणाई आयाम-विक्खंभेणं वण्णओ सीहासणा सपरिवारा तेसि णं मूलपासायवडेंसयाणं उत्तरपुरत्थिम दिसीभाए एत्थ णं जमगाणं देवाणं सभाओ [दीपरत्नसागर संशोधितः]
[68]
[१८-जंबूद्दीवपन्नत्ति]
| SR No. | 003735 |
| Book Title | Agam 18 Jambudivpannatti Sattam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 122 |
| Language | Prakrit |
| Classification | Book_Devnagari, Agam, Canon, Agam 18, & agam_jambudwipapragnapti |
| File Size | 2 MB |