Page Text
________________
जहा- सिद्धायतणकूडे गंधमायणकूडे गंधिलावइकूडे उत्तरकुरुकूडे फलिहकूडे लोहियक्खकूडे आणंदकूडे कहि णं भंते गंधमायणे वक्खारपव्वए सिद्धायतणकूड़े नामं कूडे पन्नत्ते गोयमा मंदरस्स पव्वयस्स उत्तरपच्चत्थिमेणं गंधमायणकूडस्स दाहिणपुरत्थिमेणं एत्थ णं गंधमायणे वक्खारपव्वए सिद्धायतणकूडे नामं कूडे पन्नत्ते जं चेव चुल्लहिमवंते सिद्धायतणकूडस्स पमाणं तं चेव एएसिं सव्वेसिं भाणियव्वं एवं चेव विदिसाहिं तिण्णि कूडा भाणियव्वा चउत्थे ततियस्स उत्तरपच्चत्थिमेणं पंचमस्स दाहिणेणं सेसा उत्तरदाहिणेणं फलिहलोहियक्खेसु भोगंकर-भोगवईओ दो देवयाओ सेसेसु सरिसणामया देवा छसुवि पासायवडेंसगा रायहाणीओ विदिसासु से केणटेणं भंते एवं वच्चइ-गंधमायणे वक्खारपव्वए गंधमायणे वक्खारपव्वए गोयमा गंधमायणस्स णं वक्खारपव्वयस्स गंधे से जहानामए-कोट्ठपुडाण वा जाव पीसिज्जमाणाण वा उक्किरिज्जमाणाण वा विकिरिज्जमाणाण वा परिभुज्जमाणाण वा [भंडाओ भंड साहरिज्जमाणाणं] ओराला मणण्णा जाव गंधा अभिणिस्सवंति भवे एयारूवे नो इणढे समढे गंधमायणस्स णं एत्तो इद्वतराए चेव जाव गंधे पन्नत्ते से एएणद्वेणं गोयमा एवं वुच्चइ-गंधमायणे वक्खारपव्वएगंधमायणे वक्खारपव्वए, गंधमायणे य इत्थ देवे महिड्ढीए परिवसइ अदुत्तरं च णं सासए नामधेज्जे । वक्खारो-४
[१४२] कहि णं भंते महाविदेहे वासे उत्तरकुरा नामं कुरा पन्नत्ता गोया मंदरस्स पव्वयस्स उत्तरेणं नीलवंतस्स वासहरपव्वयस्स दक्खिणेणं गंधमायणस्स वक्खारपव्वयस्स पुरत्थिमेणं मालवंतस्स पच्चत्थिमेणं एत्थ णं उत्तरकुरा नामं कुरा प्नत्ता-पाईणपडीणायया उदीणदाहिणविच्छिण्णा अद्धचंदसंठाणसंठिया एक्कारस जोयणसहस्साइं अट्ठ य बायाले जोयणसए दोण्णि य एगूणवीसइभाए जोयणस्स विक्खंभेणं तीसे जीवा उत्तरेणं पाईणपडीणायया दुहा वक्खारपव्वयं पुट्ठा तं जहा- पुरथिमिल्लाए कोडीए पुरथिमिल्लं वक्खारपव्वयं पुट्ठा पच्चत्थिमिल्लाए कोडीए पच्चत्थिमिल्लं वक्खारपव्वयं पुट्ठा तेवण्णं जोयणसहस्साइं आयेणं तीसे णं धणु धणुपट्टे दाहिणेणं सद्धिं जोयणसहस्साइं चत्तारि य अट्ठारसे जोयणसए दुवालस य एगूणवीसइभाए जोयणस्स परिक्खेवेणं उत्तरकराए भंते कराए केरिसए आगारभावपडोयारे पन्नत्ते गोयमा बहसमरमणिज्जे भूमिभागे पन्नत्ते एवं पुव्ववण्णिया जच्चेव सुसमसुसमावत्तव्वा सच्चेव नेयव्वा जाव पम्हगंधा मियगंधा अममा सहा तेतली सणिच्चारी ।
[१४३] कहि णं भंते उत्तरकुराए जमगा नाम दुवे पव्वया पन्नत्ता गोयमा नीलवंतस्स वासहरपव्वयस्स दक्खिणिल्लाओ चरिमंताओ अट्ठजोयणसए चोत्तीसे चत्तारि य सत्तभाए जोयणस्स अबाहाए सीयाए महानईए पुरत्थिम-पच्चत्थिमेणं उभओ कूल एत्थ णं जमगा नाम दुवे पव्वया पन्नत्ताजोयणसहस्सं उड्ढे उच्चत्तेणं अड्ढाइज्जाइं जोयणसयाई उव्वेहेणं मूले एगं जोयणसहस्सं आयामविक्खंभेणं मज्झे अद्धट्ठमाणि जोयणसयाई आयाम-विक्खंभेणं उवरिं पंच जोयणसयाई आयाम-विक्खंभेणं मूले तिण्णि जोयणसहस्साइं एगं च बावढं जोयणसयं किंचिविसेसाहियं परिक्खेवेणं मज्झे दो जोयणसहस्साई तिण्णि य बावत्तरे जोयणसए किंचिविसेसाहिए परिक्खेवेणं उवरि एगं जोयणसहस्सं पंच य एकासीए जोयणसए किंचिविसेसाहिए परिक्खेवेणं मूले विच्चिण्णा मज्झे संखित्ता उप्पिं तणुया गोपुच्छसंठाणसंठिया जमगसंठाणसंठिया सव्वकणगामया अच्छा सण्हा पत्तेयं पत्तेयं पउमवरवेइयापरिक्खित्ता पत्तेयं-पत्तेयं वणसंडपरिक्खित्ता तओ णं पउमवरवेइयाओ दो गाउयाइं उड्ढे उच्चत्तेणं पंच धणुसयाई विक्खंभेणं वेइयावणसंडवण्णाओ भाणियव्वो तेसि णं जमगपव्वयाणं उप्पिं बहसमरमणिज्जे भूमिभागे पन्नत्ते जाव-तस्स णं बहुसमरमणिज्जस्स भूमिभागस्स बमज्झदेसभाए एत्थ [दीपरत्नसागर संशोधितः]
[67]
[१८-जंबूद्दीवपन्नत्ति]
| SR No. | 003735 |
| Book Title | Agam 18 Jambudivpannatti Sattam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 122 |
| Language | Prakrit |
| Classification | Book_Devnagari, Agam, Canon, Agam 18, & agam_jambudwipapragnapti |
| File Size | 2 MB |