Page Text
________________
तिगिछिद्दहस्सवि वत्तव्वया तं चेव पउमद्दहप्पमाणं अट्ठो जाव लिंगिछिवण्णाई धिई यत्थ देवी पलिओवमट्टिईया परिवसइ से तेणट्टेणं गोयमा एवं वुच्चइ-तिगिंछिद्दहे-तिगिंछिद्दहे ।
__ [१३९] तस्स णं तिगिछिद्दहस्स दक्खिणिल्लेणं तोरणेणं हरिमहानई पवूढा समाणी सत्त जोयणसहस्साइं चत्तारि य एकवीसे जोयणसए एगं च एगूणवीसइभागं जोयणस्स दाहिणाभिमुही पव्वएणं गंता महया घडमुहपवत्तिएणं मुत्तावलिहारसंठिएणं साइरेग-चउजोयणसइएणं पवाएणं पवडए एवं जा चेव हरिकताए वत्तव्वया सा चेव हरीएवि नेयव्वा-जिब्भियाए कंडस्स दीवस्स भवणस्स तं चेव पमाणं अट्ठोवि भाणियव्वो जाव अहे जगई दालइत्ता छप्पण्णाए सलिलासहस्सेहिं समग्गा पुरत्थिमं लवणसमुदं समप्पेइ तं चेव पवहे य मुहमूले य पमाणं उव्वेहो य जो हरिकंताए जाव वणसंडसंपरिक्खत्ता तस्स णं तिगिंछिद्दहस्स उत्तरिल्लेणं तोरणेणं सीतोदा महानई पवूढा समाणी सत्त जोयणसहस्साई चत्तारि य एगवीसे जोयणसए एगं च एगूणवीसइभागं जोयणस्स उत्तराभिमुही पव्वएणं गंता महया घडमुहपवत्तिएणं
मुत्तावलिहारसंठिएणं वक्खारो-४
साइरेग-चउजोयणसइएणं पवाएणं पवडइ सीतोदा णं महानई जओ पवडइ एत्थ णं महं एगा जिब्भिया पन्नत्ता-चत्तारि जोयणाई आयामेणं पन्नासं जोणाइं विक्खंभेणं जोयणं बाहल्लेणं मगरमुहविउट्टसंठाणसंठिया सव्ववइरामई अच्छा सीतोदा णं महानई हिं पवडइ एत्थ णं महं एगे सीओदप्पवायकंडे नाम कंडे पन्नत्ते-चत्तारि असीए जोयणसए आयाम-विक्खंभेणं पन्नरसअट्ठारे जोयणसए किंचिविसेसूणे परिक्खेवेणं अच्छे एवं कुंडवत्तव्वया नेयव्वा जाव तोरणा तस्स णं सीओदप्पवायकुंडस्स बहुमज्झदेसभाए एत्थ णं महं एगे सीओदा दीवे नामं दीवे पन्नत्ते-चउसटुिं जोयणाइं आयाम-विक्खंभेणं दोण्णि बिउत्तरे जोयणसए परिक्खेवेणं दो कोसे ऊसिए जलंताओ सव्वइरामए अच्छे सेसं तमेवं वेड्या-वणसंड-भूमिभाग-भवणसयणिज्ज-अट्ठो य भाणियव्वो तस्स णं सीओदप्पवायकुंडस्स उत्तरिल्लेणं तोरणेणं सीओदा महानई पवूढा समाणी देवकुरं एज्जेमाणी-एज्जेमाणी चित्तविचित्तकूडे पव्वए निसढ-देवकुर-सूरसुलस-विज्जुप्पभद्दहे य दुहा विभयमाणी-विभयमाणी चउरासीए सलिलास-हस्सेहिं आपूरेमाणी-आपूरेमाणी भद्दसालबणं एज्जेमाणीएज्जेमाणी मंदरं पव्वयं दोहिं जोयणेहिं असंपत्ता पच्चत्थिमाभिमुही आवत्ता समाणी अहे विज्जुप्पभं वक्खारपव्वयं दालइत्ता मंदरस्स पव्वयस्स पच्चत्थिमेणं अवरविदेहं वासं दुहा विभयमाणी-विभयमाणी एगमेगाओ चक्कवट्टिविजयाओ अट्ठावीसाए-अट्ठावीसाए सलिलासहस्सेहिं आपूरेमाणी-आपूरेमाणी पंचहिं सलिलासय-सहस्सेहिं दुतीसाए य सलिलासहस्सेहिं समग्गा अहे जयंतस्स दारस्स जगई दालइत्ता पच्चत्थिमेणं लवणसमुदं समप्पेति सीतोदा णं महानई पवहे पन्नासं जोयणाइं विक्कंभेणं जोयणं उव्वेहेणं तयणंतरं च णं मायाए-मायाए परिवड्ढमाणी-परिवड्ढमाणी मुहमूले पंच जोयणसयाई विक्खंभेणं दस जोयणाई उव्वेहेणं उभओ पासिं दोहिं पउमवरवेडयाहिं दोहि य वणसंडेहिं संपरिक्खित्ता निसढे णं भंते वासहरपव्वए कति कूडा पन्त्ता गोयमा नव कूडा पन्नत्ता तं जहा- सिद्धायतणकूडे निसढकूडे हरिवासकूडे पुव्वविदेहकूडे हरिकूडे धिइकूडे सीओदाकूडे अवरविदेहकूडे रुयगकूडे जो चेव चुल्लहिवमवंतकूडाणं उच्चत्तविक्खंभ-परिक्खेवो य पुव्ववण्णिओ रायहाणी य सच्चेव इहपि नेयव्वा से केणटेणं भंते एवं वुच्चइ-निसहे वासहरपव्वए निसहे वासहरपव्वए गोयमा निसहे णं वासहर-पव्वए बहवे कूडा निसहसंठाणसंठिया उसभसंठाणसंठिया निसहे यत्थ देवे महिड्ढीए जाव पलिओवमडिईए परिवसइ से तेणटेणं गोयमा एवं वुच्चइ० । दीपरत्नसागर संशोधितः]
[१८-जंबूद्दीवपन्नत्ति]
[65]
| SR No. | 003735 |
| Book Title | Agam 18 Jambudivpannatti Sattam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 122 |
| Language | Prakrit |
| Classification | Book_Devnagari, Agam, Canon, Agam 18, & agam_jambudwipapragnapti |
| File Size | 2 MB |