Page Text
________________
[१३७] कहि णं भंते जंबुद्दीवे दीवे हरिवासे नामं वासे पन्नत्ते गोयमा निसहस्स वासहरपव्वयस्स दक्खिणेणं महाहिमवंतस्स वासहरपव्वयस्स उत्तरेणं पुरत्थिमलवणसमुद्दस्स पच्चत्थिमेणं पच्चत्थिमलवणसमुद्दस्स पुरत्थिमेणं एत्थ णं जंबुद्दीवे दीवे हरिवासे नामं वासे पन्नत्ते एवं जाव पच्चत्थिमिल्लाए कोडीए पच्चत्थिमिल्लं लवणसमुदं पुढे अट्ठ जोयणसहस्साइं चत्तारि य एगवीसे जोयणसए एगं च एगूणवीसइभागं जोयणस्स विक्खंभेणं तस्स बाहा पुरत्थिमपच्चत्थिमेणं तेरस जोयणसहस्साइं तिण्णि य एगसढे जोयणसए छच्च एगूणवीसइभाए जोयणस्स अद्धभागं च आयामेणं तस्स जीवा उत्तरेणं पाईणपडीणायया दुहा लवणसुदं पुट्ठा-पुरथिमिल्लाए कोडीए पुरथिमिल्लं जाव लवणसमुदं पुट्ठा तेवत्तरिं जोयणसहस्साइं नव य एगुत्तरे जोयणसए सत्तरस य एगूणवसइभाए जोयणसस्स अद्धभागं च आयामेणं तस्स धणुं दाहिणेणं चउरासीइं जोयणसहस्साइं सोलसजोयणाइं चत्तारि एगूणवीसइभाए जोयणस्स परिक्खेवेणं हरिवासस्स णं भंते वासस्स केरिसए आगारभावपडोआरे पन्नत्ते गोयमा बहसमरमणिज्जे वक्खारो-४
भूमिभागे पन्नत्ते जाव मणीहिं तणेहिं य उवसोभिए एवं मणीणं तणाणं य वण्णो गंधो फासो सद्दो य भाणियव्वो हरिवासे णं वासे तत्थ-तत्थ देसे तहिं-तहिं बहवे खुड्डा खुडियाओ एवं जो सुसमाए अनुभावो सो चेव अपरिसेसो वत्तव्वो कहि णं भंते हरिवासे वासे वियडावई नामं वट्टवेयड्ढपव्वए पन्नत्ते गोयमा हरीए महानईए पच्चत्थिमेणं हरिकंताए महानईए पुरत्थिमेणं हरिवासस्स वासस्स बहुमज्झदेसभाए एत्थ णं वियडावाई नामं वट्टवेयड्ढपव्वए पन्नत्ते एवं जो चेव सद्दावइस्स विक्खंभुच्चत्तुव्वेह-परिक्खेव-संठाणवण्णावासो य सो चेव वियडावइस्सवि भाणियव्वो नवरं-अरुणो देवो पउमाइं जाव वियडावइवण्णाभाई अरुणे यत्थ देवे महिड्ढीए एवं जाव दाहिणेणं रायहाणी नेयव्वा से केणटेणं भंते एवं वच्चइ-हरिवासे वासे हरिवासे वासे गोयमा हरिवासे णं वासे मणुया अरुणा अरुणोभासा सेया णं संखतलसण्णिकासा हरिवासे देवे महिड्ढीए जाव पलिओवमट्टिईए परिवसइ से तेणटेणं गोयमा एवं वुच्चइ० ।
[१३८] कहि णं भंते जंबुद्दीवे दीवे निसहे नामं वासहरपव्वए पन्नत्ते गोयमा महविदेहस्स वासस्स दक्खिणेणं हरिवासस्स उत्तरेणं पुरत्थिमलवणसमुद्दस्स पच्चत्थिमेणं पच्चत्थिमलवणसमुद्दस्स पुरत्थिमेणं एत्थ णं जंबुद्दीवे दीवे निसहे नामं वासहरपव्वए पन्नत्ते-पाईणपडीणायए उदीणदाहिणविच्चिण्णे दुहा लवणसमुदं पुढे-पुरथिमिल्लाए जाव पुढे चत्तारि जोयणसयाई उड्ढं उच्चत्तेणं चत्तारि गाउयसयाई उव्वेहेणं सोलस जोयणसहस्साइं अट्ठ य बायाले जोयणसए दोण्णि य एगुणवीसइभाए जोयणस्स विक्खंभेणं तस्स बाहा पुरत्थिमपच्चत्थिमेणं वीसं जोयणसहस्साइं एगं च पन्नटुंजोयणसयं दुण्णि य एगूणवीसइभाए जोयणस्स अद्धभागं च आयामेणं तस्स जीवा उत्तरेणं जाव चउणवइं जोयणसहस्साइं एगं च छप्पन्नं जोयणसयं दुण्णि य एगूणवीसइभाए जोयणस्स आयामेणं तस्स धणुं दाहिणेणं एगं जोयणसयसहस्सं चठवीसं च जोयण-सहस्साइं तिण्णि य छायाले जोयणसए नव य एगूणवीसइभाए जोयणस्स परिक्खेवेणं रुयगसंठाणसंठिए सव्वतवणिज्जमए अच्छे उभओ पासिं दोहिं पउमवरवेइयाहिं दोहि य वणसंडेहिं सव्वओ समंता संपरिक्खित्ते निसहस्स णं वाहसरपव्वयस्स उप्पिं बहुसमरमणिज्जे भूमिभागे जाव आसयंति सयंति तस्स णं बहुसमरमणिज्जस्स भूमिभागस्स बहुमज्झदेसभाए एत्थ णं महं एगे तिगिंछिद्दहे नामं दहे पन्नत्ते-पाईणपडीणायए उदीणदाहिणविच्छिण्णे चत्तारि जोयणसहस्साई आयामेणं दो जोयणसहस्साइं विक्खंभेणं दस जोयणाइं उव्वेहेणं अच्छे सण्हे रययामयकूले तस्स णं तिगिंछिद्दहस्स चउद्दिसिं चत्तारि तिसोवाणपडिरूवगा पन्नत्ता एवं जाव आयाम-विक्खंभविहूणा जच्चेव महापउमद्दहस्स वत्तव्वया सच्चेव [दीपरत्नसागर संशोधितः]
[64]
[१८-जंबूद्दीवपन्नत्ति]
| SR No. | 003735 |
| Book Title | Agam 18 Jambudivpannatti Sattam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 122 |
| Language | Prakrit |
| Classification | Book_Devnagari, Agam, Canon, Agam 18, & agam_jambudwipapragnapti |
| File Size | 2 MB |