Page Text
________________
वण्णओ वइरतले वट्टे समतीरे जाव तोरणा तस्स णं रोहियप्पवयकुंडस्स बहुमज्झदेसभाए एत्थ णं महंगे रोहियदीवे नामं दीवे पन्नत्ते- सोलस जोयणाई आयाम - विक्खंभेणं साइरेगाई पन्नास जोयणाइं परिक्खेवेणं दो कोसे ऊस जलंताओ सव्ववइरामए अच्छे से णं एगाए पउमरवेइयाए एगेणं य वणसंडेणं सव्वओ समंता संपरिक्खित्ते रोहियदीवस्स णं दीवस्स उप्पिं बहुसमरमणिज्जे भूमीभागे पन्नत्ते तस्स बहुमसमरमणिज्जस्स भूमिभागस्स बहुमज्झदेसभाए एत्थ णं महं एगे भवणे पन्नत्ते-कोसं आयामेणं सेसं तं चेव पमाणं च अट्ठो य भाणियव्वो तस्स णं रोहियप्पवायकुंडस्स दक्खिणिल्लेणं तोरणेणं रोहिया महानई पवूढा समाणी हेमवयं वासं एज्जेमाणी - एज्जेमाणी सद्दावइ वट्टवेयड्ढपव्वयं अद्धजोयणेणं असंपत्ता पुरत्थाभिमुही आवत्ता समाणी हेमवयं वासं दुहा विभयमाणी - विभयमाणी अट्ठावीसाए सलिलासहस्सेहिं अहे
जगई
दाल
समग्गा
वक्खारो-४
इत्ता पुरत्थिमेणं लवणसमुद्दं समप्पेइ रोहिया णं पवहे अद्धतेरसजोयणाई [ वक्खंभेणं कोसं उव्वेहेणं तयणं तरं च णं मायाए-मायाए परिवड्ढमाणी - परिवड्ढमाणी मुहमूले पणवीसं जोयणसयं विक्कंभेणं अड्ढाइज्जाइं जोयणाइं उव्वेहेणं उभओ पासिं दोहिं पउमवरवेइयाहिं दोहि य वणसंडेहिं संपरिक्खित्ता तस्स णं महापउमद्दहस्स उत्तरिललेणं तोरणेणं हरिकंता महानई पवूढा समाणी सोलस पंचुत्तपरे जोयणसए पंच य एगूणवीसइभाए जोयणस्स उत्तराभिमुही पव्वएणं गंता महया धडमुहपवित्तएणं मुत्तावलिहारसंठिएणं साइरेगदुजोयणसइएणं पवाएणं पवडइ हरिकंता महानई जओ पवडइ एत्थ णं महं एगा जिब्भिया पन्नत्तादो जोयणाइं आयामेणं पणवीसं जोयणाइं विक्खंभेणं अद्धजोयणं बाहल्लेणं मगरमुहविउट्टसंठाणंसंठिया सव्वरयणामई अच्चा हरिकंता णं महानई जहिं पवडइ एत्थ णं महं एगे हरिकंतप्पवायकुंडे जोयस परिक्खेवेणं अच्छे एवं कुंडवत्तव्वया सव्वा नेयव्वा जाव तोरणा तस्स णं हरिकंतप्पवायकुंडस्स बहुमज्झदेसभाए एत्थ णं महं एगे हरिकंतदीवे नामं दीवे पन्नत्ते - बत्तीसं जोयणाई आयाम-विक्खंभेणं एगुत्तरं जोयणसयं परिक्खेवेणं दो कोसे ऊसिए जलंताओ सव्वरयणामे अच्छे से णं एगाए पमवरवेइया एगेण य वणसंडेणं सव्वओ समंता संपरिक्खित्ते वण्णओ भाणियव्वो पमाणं च सयणिज्जं च अट्ठो य भाणियव्वो तस्स णं हरि-कंतप्पवायकुडंस्स उत्तरिल्लेणं तोरणेणं हरिकंतात महानई पवूढा समाणी हरिवास वासं एज्जेमाणी-एज्जेमाणी वियडावई वट्टवेयड्ढं जोयणेणं असंपत्ति पच्चत्थाभिमुही आवत्ता समा हरिवासं दुहा विभयमाणी - विभमयमाणी छप्पण्णाए सलिलासहस्सेहिं समग्गा अहे जगइ दालइत्तपच्चत्थिमेणं लवणसमुद्दं समप्पेइ हरिकंता णं महानई पवहे पणवीसं जोयणाइं विक्खंभेणं अद्धजोयणं उव्वेहेणं तयणंतरं च णं मायाए - मायाए परिवड्ढमाणी- परिवड्ढमाणा मुहमूले अड्ढाइज्जाई जोयणसयाई विक्खंभेणं पंच जोयणाइं उव्वेहेणं उभओ पासिं दोहिं पउमवरवेइयाहिं दोहि य वणसंडेहिं संपरिक्खित्ता ।
[१३६] महाहिमवंते णं भंते वासहरपव्वए कइ कूडा पन्नत्ता गोयमा अट्ठ कूडा पन्नत्ता तं जहा- सिद्धायतणकूडे महाहिमवंतकूडे हेवमयकूडे रोहियकूडे हरिकूडे हिरकंताकूडे हरिवासकूडे वेरुलियकूडे एवं चुल्लहिमवंतकूडाणं जा वत्तव्वया सच्चेव नेयव्वा से केणणं भंते एवं वुच्चइमहाहिमवंते वासहरपव्व महाहिमवंते वासहरपव्वए गोयमा महाहिमवंते णं वासहरपव्वए चुल्लहिमवंते वासहरपव्वयं पणिहाय आयामुच्चत्तुव्वेहं-विक्खंभ - पिरक्खेवेणं महंततराए चेव दीहतराए चेव महाहिमवंते यत्थ देवे महिड्ढी पलिओवमट्ठिईए परिवसइ ।
[दीपरत्नसागर संशोधितः ]
[63]
[१८-जंबूद्दीवपन्नत्ति]
| SR No. | 003735 |
| Book Title | Agam 18 Jambudivpannatti Sattam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 122 |
| Language | Prakrit |
| Classification | Book_Devnagari, Agam, Canon, Agam 18, & agam_jambudwipapragnapti |
| File Size | 2 MB |