Page Text
________________
यत्थ देवे महिड्ढीए जाव महाणुभागे पलिओवमट्ठिईए परिवसइ से तेणटेणं जाव सद्दावई वट्टवेयड्ढपव्वएसद्दावई वट्टवेयड्ढपव्वए रायहाणीवि नेयव्वा मंदरस्स पव्वयस्स दाहिणेणं अण्णंमि जंबुद्दीवे दीवे ।
[१३३] से केणटेणं भंते एवं वुच्चइ-हेमवए वासे हेमवए वासे गोयमा चुल्लहिमवंतमहाहिमवंतेहिं वासहरपव्वएहिं दुहओ समुवगूढे निच्चं हेमं दलयइ निच्चं हेमं पगासइ हेमवए य एत्थ देवे महिड्ढीए जाव पलिओवमट्टिईए परिवसइ से तेणेढेणं गोयमा एवं वुच्चइ० |
[१३४] कहि णं भंते जंबुद्दीवे दीवे महाहिमवंते नामं वासहरपव्वए पन्नत्ते गोयमा हरिवासस्स दाहिणेणं हेमवयस्स वासस्स उत्तरेणं पुरत्थिमलवणसमुदस्स पच्चत्थिमेणं पच्चत्थिमलवणसमुदस्स
पुरवक्खारो-४
त्थिमेणं एत्थ णं जंबुद्दीवे दीवे महाहिमवंते नामं वासहरपव्वए पन्नत्ते-पाईणपडीणायए उदीणदाहिणविच्छिण्णे पलियंकसंठाणसंठिए दुहा लवणसमुदं पुढे-पुरथिमिल्लाए कोडीए पुरथिमिल्लं लवणसमुदं पुढे पच्चत्थिमिल्लाए कोडीए पच्चत्थिमिल्लं लवणसमुदं पुढे दो जोयणसयाइं उच्चत्तेणं पन्नासं जोयणाई उव्वेहेणं चत्तारि जोयणसहस्साइं दोण्णि य दसुत्तरे जोयणसए दस य एगूणवीसइभाए जोयणस्स विक्खंभेणं तस्स बाहा पुरत्थिमपच्चत्थिमेणं नव जोयणसहस्साइं दोण्णि य छावत्तरे जोयणसए नव य एगूणवीसइभाए जोयणस्स अद्धभागं च आयामेणं तस्स जीवा उत्तरेणं पाईणपडीणायया दहा लवणसमुदं पुट्ठा-पुरथिमिल्लाए कोडीए पुरथिमिल्लं लवणसमुदं पुट्ठा पच्चत्थिमिल्लाए कोडीए पच्चत्थिमिल्लं लवणसमुदं पुट्ठा तेवण्णं जोयणसहस्साइं नव य एगतीसे जोयणसए छच्च एगूण-वीसइभाए जोयणस्स किंचिविसेहाए आयामेणं तस्स धणु धणुपटुं दाहिणेणं सत्तावण्णं जोयणसहस्साइं दोण्णि य तेणउय जोयणसए दस य एगूणवीसइभाए जोयणस्स परिक्खवेवेणं रुयगसंठाणसंठिए सव्व-रयणामए अच्छे उभओ पासिं दोहिं पठमवरवेइयाहिं दोहि य वणसंडेहिं संपरिक्खित्ते महाहिमवंतस्स णं वासहरपव्वयस्स उप्पिं बहसमरमणिज्जे भूमिभागे पन्नत्ते-नाणाविहपंचवण्णेहिं मणीहि य तणेहि य उवसोभिए जाव आसयंति सयंति० ।
_ [१३५] महाहिमवंतस्स णं बहुमज्झदेसभाए एत्थ णं एगे महापउमद्दहे नामं दहे पन्नत्ते-दो जोयणसहस्साई आयामेणं एग जोयणसहस्सं विक्खंभेणं दस जोयणाई उव्वेहेणं अच्छे रययामयकले एवं आयाम-विक्खंभविहूणा जा चेव पउमद्दहस्स वत्तव्वया सा चेव नेयव्वा पउमप्पमाणं दो जोयणाइं अट्ठो जाव महापउमद्दहवण्णाभाई हिरी य एत्थ देवी महिड्ढीया जाव पलिओवमट्टिईया परिवसइ से एएणतुणं गोयमा एवं वुच्चइ-महापउमद्दहे-महापउमद्दहे अदुत्तरं च णं गोयमा महापउमद्दहस्स सासए नामधेज्जे पन्नत्ते-जं न कयाइ नासी न कयाइ नत्थि न कयाइ न भविस्सइ भुविं च भवइ य भविस्सइ य धुवे नियए सासए अक्खए अव्वए अवढिएनिच्चे तस्स णं महापउमद्दहस्स दक्खिणिल्लेणं तोरण्णं रोहिया महानई पवूढा समाणी सोलसं पंचुत्तरे जोयणसए पंच य एगूणवीसइभाए जोयणस्स दाहिणाभिमुही पव्वएणं गंता महया धडमुहवत्तिएणं मुत्तावलिहारसंठिएणं साइरेगदोजयणसइएणं पवाएणं पवडइ रोहिया णं महानई जओ पवडइ एत्थ णं महं एगा जिब्भिया पन्नत्ता सा णं जिब्भिया जोयणं आयामेण अद्धतेरसजोयणाइं विक्खंभेणं कोसं बाहल्लेणं मगरमहविउदृसंठाणसंठिया सव्ववइरामई अच्छा रोहिया णं महानई जहिं पवडइ एत्थ णं महं एगे रोहियप्पवायकुंडे नामं कुंडे पन्नत्ते-सवीसं जोयणसयं आयाविक्खंभेणं तिण्णि इसीए जोयणसए किंचिविसेसूणे परिक्खवेणं दस जोयणाई उव्वेहेणं अच्छे सण्हे सो चेव [दीपरत्नसागर संशोधितः]
[62]
[१८-जंबूद्दीवपन्नत्ति]
| SR No. | 003735 |
| Book Title | Agam 18 Jambudivpannatti Sattam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 122 |
| Language | Prakrit |
| Classification | Book_Devnagari, Agam, Canon, Agam 18, & agam_jambudwipapragnapti |
| File Size | 2 MB |