Page Text
________________
विविहतारारूवोवचिया विविहमुत्तंतरोवइया ईहा-मिय-उसहतुरग-नर-मगर-विहग-वालग-किण्णर-रुरु-सरभ चमर-कुंजर-वणलय-पउमलयभत्तिचित्ता खंभुग्गयवइरवेइया-परिगया-भिरामा विज्जाहरजमलजुयलजंतजुत्ताविव अच्चीसहस्समालणीया रुवगसहस्सकलिया भिसमाणा भिब्भिसमाणा चक्खुल्लोयणलेसा सुहफासा सस्सिरीयरूवा पासादीया दरिसणिज्जा अभिरूवा पडिरूवा तेसि णं तोरणाणं उवरिं बहवे अट्ठमंगलगा पन्नत्ता तं जहा- सोत्थिय-सिरिवच्छ-नंदियावत्त-वद्धमाणग-भद्दासण-कलस-मच्च-दप्पणा सव्वरयणामया अच्छा] जाव पडिरूवा तेसिणं तोरणाणं उवरिं बहवे किण्हचामरज्झया नीलचामरज्झया लोहियचामरज्झया वक्खारो-४
हालिद्दचामरज्झया] सुक्किलचामरज्झया अच्छ सण्हा रुप्पपट्ठा वइरामयदंडा जलयामलगंधिया सुरूवा पासाईया दरिसणिज्जा अभिरूवा पडिरूवा तेसि णं तोरणाणं उप्पिं बहवे छत्ताइच्छत्ता पडागाइपडागा घंटाजुयला चामरजुयला उप्पलहत्थगा पुमहत्थगा जाव सहस्सपत्त-हत्थगा सव्वरयणामया अच्छा जाव पडिरूवा तस्स णं गंगप्पवायकुंडस्स बहुमज्झदेसभाए एत्थ णं महं एगे गंगादीवे नाम दीवे पन्नत्ते-अट्ठ जोयणाई आयाम-विक्खंभेणं साइरेगाइं पणवीसं जोयणाइं परिक्खेवेणं दो कोसे ऊसिए जलंताओ सव्ववइरामए अच्छे से णं एगाए पउमवरवेइयाए एगेणं य वणसंडेणं सव्वओ समंता संपरिक्खित्ते वण्णओ भाणियव्वो गंगादीवस्स णं दीवस्स उप्पिं बहसमरमणिज्जे भूमिभागे पन्नत्ते तस्स णं बमज्झदेसभाए एत्थ णं महं गंगाए देवीए एगे भवणे पन्नत्ते-कोसं आयामेणं अद्धकोसं विक्खंभेणं देसूणगं च कोसं उड्ढे उच्चत्तेणं अणेगखंभसयसण्णिविढे पासाईए दरिसणिज्जे अभिरूवे पडिरूवे जाव बहमज्झदेसभाए मणिपेढिया सयणिज्जे से केणटेणं जाव सासए नामधेज्जे पन्नत्ते तस्स णं गंगप्पवायकुंडस्सस दक्खिणिल्लेणं तोरणेणं गंगा महानई पवूढा समाणी उत्तरड्ढभरहवासं एज्जेमाणी-एज्जेमाणी सत्तहिं सलिलासहस्सेहिं आपूरेमाणी-आपूरेमाणी अहे खंडप्पवायगुहाए वेयड्ढपव्वयं दालइत्ता दाहिणड्ढभरहवासं
-एज्जेमाणी दाहिणडढभरवासस्स बहमज्झदेसभागं गंता परत्थाभिमही आवत्ता समाणी चोइसहिं सलिलास-हस्सेहिं समग्ग अहे जगई दालइत्ता पत्थिमेणं लवणसमदं समप्पेइ गंगा णं महानई पवहे छ स्सकोसाइं जोयणाइं विक्खंभेणं अद्धकोसं उव्वेहेणं तयणंतरं च णं मायाए-मायाए परिवड्ढमाणीपरिवडढमाणी महे बावटुिं जोयणाई अद्धजोयणं च विक्खंभेणं सकोसं जोयणं उव्वेहेणं उभओ पासिं दोहि य पउमवरवेइयाहिं दोहि य वणसंडेहिं संपरिक्खित्ता वेड्यावणसंडवण्णओ भाणियव्वो एवं सिंधूएहिं नेयव्वं जाव तस्स णं पउमद्दहस्स पच्चत्थिमिल्लेणं तोरणेणं सिंधुआवत्तणकूडे दाहिणभिमुही सिंधुप्पवायकुंड सिंधुद्दीवो अट्ठो सो चेव जाव अहे तिमिसगुहाए वेयड्ढपव्वयं दालइत्ता पच्चत्थिमाभिमुही आवत्ता समाणी चोबसेहिं सलिलासहस्सेहिं समग्गा अहे जगई दालइत्ता पच्चत्थिमेणं लवण समुदं समप्पेड़ सेसं तं चेव तस्स णं पउमद्दहस्स उत्तरिल्लेणं तोरणेणं रोहियंसा महानई पवूढा समाणी दोण्णि छावत्तरे जोयणसए छच्च एगूणवीसइभाए जोयणस्स उत्तराभिमुह पव्वएणं गंता अहया घडमुहपवत्तिएणं मुत्तावलिहारसंठिएणं साइरेगजोयणसइएणं पवाएणं पवडइ रोहियंसा महानई जओ पवडइ एत्थ णं महं एगा जिब्भिया पन्नत्ता सा णं जिब्भिया जोयणं आयामेणं अद्धतेरसजोयणाइं विक्कंभेणं कोसं बाहल्लेणं मगरमुहविउट्टसंठाणसठिया सव्ववइरामई अच्छा रोहियंसा महानई जहिं पवडइ एत्थ णं महं एगे रोहियंसप्पवायकुंडे नाम कुंडे पन्नत्ते-सवीसं जोयणसयं आयाम-विक्खंभेणं तिण्णि असीए जोयणसए किंचिविसेसूणे परिक्खेवेणं दसजोयणाई उव्वेहेणं अच्छे कुंडवण्णओ जाव तोरणा तस्स णं रोहियंसप्पवायकुंडस्स बहमज्झदेसभाए एत्थ णं महं एगे रोहियंसदीवे नामं दीवे पन्नत्ते-सोलस जोयणाई आयाम-विक्खंभेणं साइरेगाइं पन्नासं
[दीपरत्नसागर संशोधितः]
[59]
[१८-जंबूद्दीवपन्नत्ति]
| SR No. | 003735 |
| Book Title | Agam 18 Jambudivpannatti Sattam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 122 |
| Language | Prakrit |
| Classification | Book_Devnagari, Agam, Canon, Agam 18, & agam_jambudwipapragnapti |
| File Size | 2 MB |