Page Text
________________
जोयणाई परिक्खेवेणं दो कोसे ऊसिए जलंताओ सव्वरयणामए अच्छे सेसं तं चेव जाव भवणं अट्ठो य भाणियव्वो तस्स णं रोहियंसप्पवायकुंडस्स उत्तरिल्लेणं तोरणेणं रोहियंसा महानई पवूढा समाणी हेमवयं वासं एज्जेमाणी-अएज्जेमाणी चउद्दसहिं सलिलासहस्सेहिं आपूरेमाणी-आपूरेमाणी सद्दावइ वट्टवेयड्ढपव्वयं अद्धजोयणेणं असंपत्ता समाणी पच्चत्थाभिमुही आवत्ता समाणी हेमवयं वासं दुहा विभयमाणी-विभयमाणी अट्ठावीसाए सलिलासहस्सेहिं समग्गा अहे जगई दालइत्ता पच्चत्थिमेणं लवणसमुदं समप्पेइ रोहियंसा णं पवहे अद्धतेरसजोयणाई विक्खंभेणं कोसं उव्वेहेणं तयणंतरं च णं मायाए-मायाए परिवडढमाणी-परिवड़ढवक्खारो-४
माणी मुहमूले पणवीसं जोयणसयं विक्खंभेणं भड्ढा-इज्जाइं जोयणाई उव्वेहेणं उभओ पासिं दोहिं पउमवरवेइयाहिं दोहि य वणसंडेहिं संपरिक्खित्ता ।
[१३०] चुल्लहिमवंते णं भंते वासहरपव्वए कइ कूडा पन्नत्ता गोयमा एक्कारस कूडा पन्नत्ता तं जहा- सिद्धयतणकूडे चुल्लहिमवंतकूडे भरहकूडे इलादेवीकूडे गंगाकूडे सिरिकूडे रोहियंसकूडे सिंधुकूडे सूरादेवीकूडे हेमवयकूडे वेसमणकूडे कहि णं भंते चुल्लहिमवंत वासहरपव्वए सिद्धाय-तणकूडे नाम कूडे पन्नत्ते गोयमा पुरत्थिमलवणसमुदस्स पच्चत्थिमेणं चुल्लहिमवंतकूडस्स पुरत्थिमेणं एत्थ णं सिद्धायतणकूड़े में कूड़े पन्नत्ते-पंच जोयणसयाइं उड्ढं उच्चत्तेणं मूले पंचजोयणसयाइं विक्खंभेणं मज्झे तिण्णि य पन्नत्तरे जोयणसए विक्खंभेणं उप्पिं अड्ढाइज्जे जोयणसए विक्खंभेणं मूले एगं जोयणसहस्सं पंच य एगासीए जोयणसए किंचिविसेसाहिए परिक्खेवेणं मज्झे एगं जोयणसहस्सं एगं च छलसीयं जोयणसयं किंचिविसेसूणे परिक्खवेणं उप्पिं सत्तेक्काणउए जोयणसए किंचिविसेसूणे परिक्खेवेणं मूले विच्चिण्णे मज्झे संखित्ते उप्पिं तणए गोपच्छसंठाणसंठिए सव्वरयणामए अच्छे से णं एगाए पउमवरवेइयाए एगेण य वणसंडेणं सव्वओ समंता संपरिक्खित्ते सिद्धायतणस्स कूडस्स णं उप्पिं बहसमरमणिज्जे भूमिभागे जाव-तस्स णं बहुसमर-मणिज्जस्स भूमिभागस्स बमज्झदेसभाए एत्थ णं महं एगे सिद्धायतणे-पन्नासं जोयणाइं आयामेणं पणवीसं जोयणाई विक्खंभेणं छत्तीसं जोयणाई उड्ढं उच्चत्तेणं जाव जिणपडिमावण्णओ नेयव्वो कहि णं भंते चुल्लहिमवंते वासहरपव्वए चुल्लहिमवंतकूडे नामं कूडे पन्नत्ते गोयमा भरहस्स कूडस्स पुरत्थिमेणं सिद्धायतणकूडस्स पच्चत्थिमेणं एत्थ णं चुल्लहिमवंते वासहरपव्वए चुल्लहिमवंतकूडे नामं कूडे पन्नत्ते एवं जो चेव सिद्धायतणकूडस्स उच्चत्त-विक्खंभपरिक्खेवो जाव-बहसमरमणिज्जस्स भूमिभागस्स बहुमज्झदेसभाए एत्थ णं महं एगे पासायवडेंसए पन्नत्ते-बावद्वि-जोयणाइं अद्धजोयणं च उच्चत्तेणं एक्कतीसं जोयणाइं कोसं च विक्खंभेणं अब्भुग्गयमूसिय-पहसिए विव विविहमणिरयणभत्तिचित्ते वाउछुयविजय-वेजयंतीपडागच्छत्ताइच्छत्तकलिए तुंगे गगणतलमभिलंघमाणसिहरे जालंतररयण पंचरुम्मिलिएव्व मणिरयणथूभियाए वियसियसयवत्तपुंडरीयतिलयरयमद्धचंदचित्ते नानामणि-मयदामालंकिए अंतो बाहिं च सण्हे वइरतवणिज्जरुइलवालुगापत्थडे सुहफासे सस्सिरीयरूवे पासाईए दरिसणिज्जे अभिरूवे पडिरूवे तस्स णं पासायवडेंसगस्स अंतो बहसमरमणिज्जे भूमिभागे जाव सीहासणं सपरिवार से केणटेणं भंते एवं वुच्चइचुल्लहिमवंतकूडे चुल्लहिमवंतकूडे गोयमा चुल्लहिमवते नामं देवे महिड्ढीए जाव परिवसइ कहिं णं भंते चुल्लहिमवंतगिरिकुमारस्स देवस्स चुल्लहिमवंता नामं रायहाणी पन्नत्ता गोयमा चुल्लहिमवंतकूड्स दक्खिणेणं तिरियमसंखेज्जे दीवसमुद्दे वीईवइत्ता अण्णं जंबुद्दीवे दीवं दक्खिणेणं बारस जोयणसहस्साइं ओगाहित्ता एत्थ णं चुल्लहिवंतगिरिकुमारस्स देवस्स चुल्लहिमवंता नाम रायहाणी पन्नत्ता-बारस [दीपरत्नसागर संशोधितः]
[60]
[१८-जंबूद्दीवपन्नत्ति]
| SR No. | 003735 |
| Book Title | Agam 18 Jambudivpannatti Sattam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 122 |
| Language | Prakrit |
| Classification | Book_Devnagari, Agam, Canon, Agam 18, & agam_jambudwipapragnapti |
| File Size | 2 MB |