Page Text
________________
सामाणियसाहस्सीणं चत्तारि पउमसाहस्सीओ पन्नत्ताओ तस्स णं पउमस्स पुरत्थिमेणं एत्थ णं सिरीए देवीए चउण्हं महत्तरियाणं चत्तारि पउमा पन्नत्ता तस्स णं पउमस्स दाहिणपुरत्थिमेणं एत्थ णं सिरीए देवीए अभिंतरियाए परिसाए अट्ठण्हं देवसाहस्सीणं अट्ठ पउमसाहस्सीओ पन्नत्ताओ दाहिणेणं मज्झिमपरिसाए दसण्हं देवसाहस्सीणं दस पउमसाहस्सीओ पन्नत्ताओ दाहिणपच्चत्थिमेम बाहिरियाए परिसाए बारहसण्हं देवसाहस्सीणं बारस पउमसाहस्सीओ पन्नत्ताओ पच्चत्थिमेणं सत्तण्हं अणियाहिवईणं वक्खारो-४
सत्त पउमा पन्नत्ता तस्स णं पउमस्स चउद्दिसिं सव्वओ समंता एत्थ णं सिरीए देवीए सोलसण्हं आयरक्खदेवसाहस्सीणं सोलस पउमसाहस्सीओ पन्नत्ताओ से णं पउमे तिहिं पउमपरिक्खेवेहिं सव्वओ समंता संपरिक्खित्ते तं जहा- अभिंतरएणं मज्झिमएणं बाहिरएणं अभिंतरए पउमपरिक्खेवे बत्तीसं पउमसयसाहस्सीओ पन्नत्ताओ मज्झिमए पउमपरिक्खेवे चत्तालीसं पउमसयसाहस्सीओ पन्नत्ताओ बाहिरए पउमपरिक्खेवे अडयालीसं पउमसयसाहस्सीओ पन्नत्ताओ एवामेव सपव्वावरेणं तिहिं पउमपरिक्खेवेहिं एगा पुणकोडी वीसं च पउमसयसाहस्सीओ भवंतीति अक्खायं से केणतुणं भंते एवं वुच्चइ-पउमद्दहे-पउमद्दहे गोयमा पउमद्दहे णं तत्थ-तत्थ देसे तहिं-तहिं बहवे उप्पलाइं जाव सहस्सपत्ताई पउमद्दहप्पभाई पउमद्दहागाराइं पउमद्दहवण्णाइं पुमद्दहवण्णाभाई सिरी यत्थ देवी महिड्ढीया जाव पलिओवमट्ठिईया परिवसइ से एएणटेणं अदुत्तरं च णं गोयमा पउमद्दहस्स सासए नामधेज्जे पन्नत्ते-जं न कयाइ नासि न कयाइ नत्थि न कयाइ न भविस्सइ भविं च भवइ य भविस्सइ य धुवे नियए जाव अवट्ठिए निच्चे |
___ [१२९] तस्स णं पउमद्दहस्स पुरथिमिल्लेमं तोरणेणं गंगा महानई पवूढा समाणी पुरत्थाभिमुही पंच जोयणसयाइं पव्वएणं हंता गंगावत्तणकूडे आवत्ता समाणी पंच तेवीसे जोयणसए तिण्णि य एगूणवीसइभाए जोयणस्स दाहिणाभिमुही पव्वएणं गंता महया घडमुहपवत्तिएणं मत्तावलिहारसंठिएणं साइरेगजोयणसइएणं पवाएणं पवडइ गंगा महानई जओ पवडइ एत्थ णं महं एगा जिब्भिया पन्नत्ता सा णं जिब्भिया अद्धजोयणं आयामेणं छस्स कोसाइं जोयणाई विक्खंभेणं अद्धकोसं बाहल्लेणं मगरम्हविउदृसंठाणसंठिया सव्ववइरामई अच्छा सण्हा गंगा महानई जत्थ पवडइ एत्थ णं महं एगे गंगप्पवायकुंडे नाम कुंडे पन्नत्ते-सटुिं जोयणाई आयाम-विक्खंभेणं नउयं जोयणसयं किंचिविसेसाहियं परिक्खेवेणं दस जोयणाई उव्वेहेणं अच्छे सण्हे रययामयकूले वइरामयपासाणे सुहोतारे सुउत्तारे नानामणितित्थ-बद्धे वइरतले सुवण्ण-सुज्झ-रययमणिवालुयाए वेरुलियरमणिफालियपडल-पच्चोयडे वट्टे समतीरे अनुपुव्वसुजायवप्प-गंभीरसीयलजले संछण्णपत्तभिसमुणाले बहुउप्पल-कुमय-नलिण-सुभगसोगंधिय-पोंडरीय-महापोंडरीय-सयपत्त-सहस्स-पत्त-पप्फुल्ल-केसरोवचिए अच्छविमलपत्थसलिलपुने पडिहत्थभमंतमच्छकच्छभअणेगसठणगण-मिहणपवियरिय-सदुन्नइयमहरसरणाइए पासाईए दरिसणिज्जे अभीरूवे पडिरूवे से णं एगाए पउमवरवेइयाए एगेण य वनसंडेणं सव्वओ समंता संपरिक्खित्ते वेइयावणसंडपमाण वण्णओ भाणियव्वो तस्स णं गंगप्पवायकुंडस्स तिदिसि तओ तिसोवाणपडिरूवगा पन्नत्ता तं जहा- पुरत्थिमेणं दाहिणेणं पच्चत्थिमेणं तेसिं णं तिसोवाणपडिरूवगाणं अयमेयारूवे वण्णावासे पन्नत्ते तं जहा- वइरामया नेम्मा रिट्ठामया पइट्ठाणा वेरुलियामया खंभा सुवण्मरुप्पमया फलया लोहियक्खमईओ सूईओ वइरामया संधी नानीमणिमया आलंबणा आलंबणबाहाओ तेसि णं तिसोवाणपडिरूवगाणं पुरओ पत्तेयं-पत्तेयं तोरणे पन्नत्ते ते णं तोरणो नानामणिमया नानामणि
णिविट्ठसंनिविट्ठा
[दीपरत्नसागर संशोधितः]
[58]
[१८-जंबूद्दीवपन्नत्ति]
| SR No. | 003735 |
| Book Title | Agam 18 Jambudivpannatti Sattam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 122 |
| Language | Prakrit |
| Classification | Book_Devnagari, Agam, Canon, Agam 18, & agam_jambudwipapragnapti |
| File Size | 2 MB |