Page Text
________________
पुरा पोराणाणं सुचिण्णाणं सुपरक्कंताणं सुभाणं कडाणं कम्माणं कल्लाणाणं कल्लाणाणं कल्लाणं फलवित्तिविसेसं पच्चणुभवमाणा] विहरंति ।।
___[१२८] तस्स णं बहुसमरमणिज्जस्स भूमिभागस्स बहुमज्झदेसभाए एत्थ णं एक्के महं पउमद्दहे नामं दहे पन्नत्ते-पाईणपडिणायए उदीणदाहिणविच्छिण्णे एक्कं जोयणसहस्सं आयामेणं पंच
वक्खारो-४
जोयणसयाई विक्खंभेणं दस जोयणाई उव्वेहेणं अच्छे सण्हे रययामयकले जाव पासाईए जाव पडिरूवे से णं एगाए पउमवरवेइयाए एगेणं य वणसंडेणं सव्वओ समंता संपरिक्खित्ते वेइया-वणसंड-वण्णओ भाणियव्वो तस्स णं पउमद्दहस्स चउद्दिसिं चत्तारि तिसोवाणपडिरूवगा पन्नत्ता वण्णावासो भाणियव्वो तेसि णं तिसोवाण-पडिरूवगाणं पुरओ पत्तेयं-पत्तेयं तोरणे पन्नत्ते ते णं तोरणा नानामणिमया तस्स णं पउमद्दहस्स बहुमज्झदेसभाए एत्थ णं महं एगे पउमे पन्नत्ते-जोयणं आयाम-विक्खंभेणं अद्धजोयणं बाहल्लेणं दस जोयणाइं उव्वेहेणं दो कोसे ऊसिए जलंताओ साइरेगाइं दसजोयणाइं सव्वग्गेणं पन्नत्ते से णं एगाए जगईए सव्वओ समंता संपरिक्खित्ते जंबुद्दीवजगइप्पमाणा गवक्खकडएवि तए चेव पमाणेणं तस्स णं पउमस्स अयमेयारूवे वण्णावासे पन्नत्ते तं जहा- वइरामया मूला रिट्ठामए कंदे वेरुलियामए नाले वेरुलियमया बाहिरपत्ता जंबणयामया अभिंतरपता तवणिज्जमया केसरा नानामणिमया पोक्खरस्थिभया कणगामई कण्णिगा सा णं अद्धजोयणं आयाम-विक्खंभेणं कोसं बाहल्लेणं सव्वकणगामई अच्छा तीसे णं कण्णियाए उप्पिं बहुसरमणिज्जे भूमिभागे पन्नत्ते से जहाणामए आलिंगपुक्खरेइ वा तस्स णं बहुसमरमणिज्जस्स भूमिभागस्स बहुमज्झदेसभाए एत्थ णं महं एगे भवणे पन्नत्ते-कोसं आयामेणं अद्धकोसं विक्खंभेणं देसूणगं कोसं उड्ढं उच्चत्तेणं अनेगखंभसयसण्णिविढे पासाईए दरिसणिज्जे अभिरूवे पडिरूवे तस्स णं भवणस्स तिदिसि तओ दारा पन्नत्ता ते णं दारा पंचधणसयाइं उड्ढं उच्चत्तेणं अड्ढाइज्जाइं धणुसयाइं विक्खंभेणं तावतियं चेव पवेसेणं सेया वरकणगथूभियागा जाव वणमालाओ नेयव्वाओ तस्स णं भवणस्स अंतो बहुसमरमणिज्जे भूमिभागे पन्नत्ते से जहानामए आलिंगपुक्खरेइ वा तस्स णं बहसमरणिज्जस्स भूमिभागस्स बहुमज्झदेसभाए पन्नत्ते एत्थ णं महं एगा मणिपेढिया पन्नत्ता सा णं मणिपेढिया पंचधणुसयाइं आयाम-विक्खंभेणं अड्ढाइजाइं धणुसयाई बाहल्लेणं सववनिमई अच्छा तीसे णं मणिपेढियाए उप्पिं एत्थ णं महं एगे सयणिज्जे पन्नत्ते [तं जहा- नानामणिमया पडिपादा सोवण्णिया पादा नानामणिमया पायसीसा जंबूणयमयाइं गत्ताइं वइरामया संधी नाणामणिमए वेच्चे रइयामई तूली लोहयक्खमया बिब्बोयणा तवणिज्जमई गंडोवहाणिया से णं देवसयणिज्जे सालिंगणवट्टीए उभओ बिब्बोयणे दुहओ उण्णए मज्झे नय-गंभीरे गंगा-पुलिणवालुयाउद्दालसालिसए ओयवियखोमदुग्गुलपट्ट-पडिच्छयणे आइणग-रुत-बूर-नवणीय-तूलफासे सुविरइयरयत्ताणे रत्तंसुय-संवुते सुरम्मे पासाईए दरिसणिज्जे अभिरूवे पडिरूवे] से णं पउमे अन्नेमं अटठासएणं पुमाणं तदछुच्चत्तप्पमाणमत्ताणं सव्वओ समंता संपरिक्खित्ते ते णं पउमा अद्धजोयणं आयाम-विक्खंभेणं कोसं बाहल्लेणं दस जोयणाई उव्वेहेमं कोसं ऊसिया जलंताओ साइरेगाइं दसजोयणाई सव्वग्गेणं पन्नत्ते तेसि णं पउमाणं अयमेयारूवे वण्णावासे पन्नत्ते तं जहा- वइरामया मला जाव कणगामई कणिया सा णं कण्णिया कोसं आयामेणं अद्धकोसं बाहल्लेणं सव्वकणगामई अच्छा तीसे कण्णियाए उप्पिं बहुसमरमणिज्जे भूमिभागे पन्नत्ते जाव मणीहिं उवसोभिए तस्स णं पउमस्स अवरुत्तरेणं उत्तरेणं उत्तरपुरत्थिमेणं एत्थ णं सिरीए देवीए चउण्हं
दीपरत्नसागर संशोधितः]
[57]
[१८-जंबूद्दीवपन्नत्ति]
| SR No. | 003735 |
| Book Title | Agam 18 Jambudivpannatti Sattam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 122 |
| Language | Prakrit |
| Classification | Book_Devnagari, Agam, Canon, Agam 18, & agam_jambudwipapragnapti |
| File Size | 2 MB |