Page Text
________________
दुरुहित्ता मेघघणसण्णिमगसं देवसण्णिवायं पुढविसिलापट्टगं पडिलेहेइं पडिलेहेत्ता संलेहणा-झूसणा-झूसिए भत्तपाणपडियाइक्खिए
पायोवगए वक्खारो-३
कालं
अणवकंखमाणे-अणवकंखमाणे विहरइ तए णं से भरहे केवली सत्तत्तरिं पुव्वसयसहस्साइं कुमारवासमज्झावसित्ता एगं वाससहस्सं मंडलियरायमज्झावसित्ता छ पुव्वसयसहस्साइं वाससहस्सूणगाइं महारयमज्झावसित्ता तेसीइं पुव्वसयसहस्साइं अगारवासमज्झावसित्ता एगं पुव्वसय सहस्सं देसूणगं केवलिपरियायं पाउणित्ता तमेव बहुपडिपुण्णं सामण्णपरियायं पाउणित्ता चउरासीइं पुव्वसयसहस्साइं सव्वाउयं पालइत्ता मासिएणं भत्तेणं अपाणएणं सवणेणं नक्खत्तेणं जोगमुवागएणं खीणे वेयणिज्जे आउए नामे गोए कालगए वीइक्कंते समुज्जाए छिणअणजाइजराणबंधणे सिद्ध बुद्धे मुत्ते परिणिव्वुडे अंतगडे सव्वदुक्खप्पहीणे ।
१२६] भरहे य एत्थ देवे महिडढीए महज्जईए महाबले महायसे महासोक्खे| महाणभागे पलिओवमट्टिईए परिवसइ से एएणद्वेणं गोयमा एवं वुच्चइ-भरहे वासे भरहे वासे अदुत्तरं च णं गोयमा भरहस्स वासस्स सासए नामधेज्जे जं न कयाण न आसि न कयाइ नत्थि न कयाइ न भविस्सइ भुविं चभवइ य भविस्सइ य धुवे नियए सासए अक्खए अव्वए अवट्ठिए निच्चे भरहे वासे |
० तडओ वक्खारो समत्तो ० • मुनि दीपरत्नसागरेण संशोधितः सम्पादित्तश्च तइओ वक्खारो समत्तो •
॥ चउत्थो-वक्खारो [] [१२७] कहि णं भंते जंबुद्दीवे दीवे चुल्लहिमवंते नामं वासहरपव्वए पन्नत्ते गोयमा हेमवयस्स वासस्स दाहिणेणं भरहस्स वासस्स उत्तरेणं पुरत्थिमलवणसमुदस्स पच्चत्थिमेणं पच्चत्थिमलवणसमुद्दस्स पुरत्थिमेणं एत्थ णं जंबुद्दीवे दीवे चुल्लहिमवंते नामं वासहरपव्वए पन्नत्ते-पाईणपडीणायए उदीणदाहिणविच्छिण्णे दुहा लवणसमुदं पुढे-पुरथिमिल्लाए कोडीए पुरथिमिल्लं लवणसमुदं पुढे पच्चत्थिमिल्लाए कोडीए पच्चत्थिमिल्लं लवणसमुदं पुढे एगं जोयणसयं उड्ढं उच्चत्तेणं पणवीसं जोयणाई उव्वेहेणं एगं जोयणसहस्सं बावण्णं च जोयणाई दुवालय य एगूणवीसइभाए जोयणस्स विक्कंभेणं तस्स बाहा पुरत्थिमपच्चत्थिमेणं पंच जोयणसहस्साइं तिण्णि य पन्नासे जोयणसए पन्नरस य एगूणवीसइभाए जोयणस्स अद्धभागं च आयामेणं तस्स जीवा उत्तरेणं पाईणपडीणाणया दुहा लवणसमुदं पुट्ठापुरत्थिमिल्लाए कोडीए पुरथिमिल्लं लवणसमुदं पुट्ठा पच्चत्थिमिल्लाए कोडीए पच्चत्थिमिल्लं लवणसमुदं पुट्ठा चउव्वीसं जोयणसहस्साइं नव य बत्तीसे जोयणसए अद्धभागं च किंचिविसेसूणा आयामेणं पन्नत्ता तीसे धणुपट्टे दाहिणेणं पणवीसं जोयणसहस्साई दोण्णि य तीसे जोयणसए चत्तारि य एगूणवीसइभाए जोयणस्स परिक्खेवेणं रुयगसंठाणसंठिए सव्वकणगामे अच्छे सण्हे लण्ह जाव पडिरूवे उभओ पासिं दोहिं पउमवरवेइयाहिं दोहि य वणसंडेहिं संपरिक्खित्ते दुण्ह वि पमाणं वण्णगो य चुल्लहिमवंतस्स णं वासहरपव्वयस्स उवरिं बहुसमरमणिज्जे भूमिभागे पन्नत्ते-से जहाणामए आलिंगपुक्खरेइ वा जाव बहवे वाणमंतरा देवा य देवीओ य आसयंति [सयंति चिटुंति निसीयंति तुयटॅति रमंति ललंति कीलंति मोहंति
दीपरत्नसागर संशोधितः]
[56]
[१८-जंबूद्दीवपन्नत्ति]
| SR No. | 003735 |
| Book Title | Agam 18 Jambudivpannatti Sattam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 122 |
| Language | Prakrit |
| Classification | Book_Devnagari, Agam, Canon, Agam 18, & agam_jambudwipapragnapti |
| File Size | 2 MB |