Page Text
________________
वक्खारो-३
पुरवरसहस्साणं बत्तीसाए जणवयसहस्साणं छण्णउइए गामकोडीणं नवणउइए दोणमुहसहस्साणं अडयालीसए पट्टणसहस्साणं चउव्वीसाए कब्बडसहस्साणं चउव्वीस्साए मडंबसहस्साणं वीसाए आगरसहस्साणं सोलसण्हं खेडसहस्साणं चउदसण्हं संवाहसहस्साणं छप्पण्णाए अंतरोदगाणं एगणपन्नाए कुरज्जाणं विणीयाए रायहा-णीए चुल्लहिमवंतगिरिसागर-मेरागस्स केवलकप्पस्स भरहस्स वासस्स अन्नेसिं च बहूणं राईसर-तलवर-[माइंबिय-कोडुबिय-इब्भ-सेटि-सेणावइ]-सत्यवाहप्पभिईणं आहेवच्चं पोरेवच्चं सामित्तं भट्टित्तं महत्तरगत्तं आणा-ईसर-सेणावच्चं कारेमाणे पालेमाणे ओहय-निहएसु कंटएसु उद्धियमलिएसु सव्वसत्तुसु निज्जिएसु भरहाहिवे नरिंदे वरचंदचच्चियंगे वरहाररइयवच्चे वरमउडविसिट्ठए वरवत्थभूसणधरे सव्वोउय-सुरहिकुसुमवरमल्लसोभियसिरे वरणाडग नाडइज्ज-वरइत्थिगुम्म सद्धिं संपरिवुडे सव्वोसहि-सव्व-रयण-सव्वसमिइसमग्गे संपुण्ममणोरहे हयामित्तमाणमहणे पुवकयतवप्पभाव-निविट्ठसंचिय फले भुंजइ माणुस्सए सुहे भरहे नामधेज्जे ।
[१२५] तए णं से भरहे राया अण्णया कयाइ जेणेव मज्जणघरे तेणेव उवागच्छड़ उवागच्छित्ता [मज्जणघरं अनुपविसइ अनुपविसित्ता समुत्तजालाकुलाभिरामे विचित्तमणिरयणकुट्टिमतले रमणिज्जे पहाणमंडवंसि नानामणि-रयण-भत्तिचित्तंसि पहाणपीढंसि सुहणिसण्णे सुहोदएहिं गंधोदएहिं पुप्पोदएहिं सुद्धोदएहिं य पुन्ने कल्लाणगपवरमज्जणविहीए मज्जिए तत्थ कोउयसएहिं बहुविहेहिं कल्लाणगपवरमज्जणावसाणे पम्हलसुकुमालगंधकासाइयलूहियंगे सरससुरहिगोसीसचंदणाणुलित्तगत्ते अहय-सुमहग्घदूसरयणसुसंवुए सुइमाला-वण्णग-विलेवणे आविद्धमाणिसुवण्णे कप्पियहारद्वहार-तिसरयपालंब पलंबमाण-कडिसुत्तसुकयसोहे पिणद्धगेविज्जगअंगुलिज्जग-ललितंगयललियकयाभरणे नानामणिकडगतुडिय-थंभियभुए अहियरूवसस्सिरीए कुंडलउज्जोइयाणणे मउडदित्तसिरए हारोत्थयसुकयरइयवच्छे पालंबपलंब-माणसुकयपडउत्तरिज्जे मुद्दियापिंगलंगुलीए नाणामणिकणगविमल-महरिहनिउणोवियमिसिमिसेंत-विरइय-सुसिलिट्ठवि-सिट्ठल-दुसंठिय-पसत्थआविद्धवीर-वलए किं बहुणा कप्परुक्खए चेव अलंकियविभूसिए नरिंदे सकोरंट-मल्लदामेणं छत्तेणं धरिज्जमाणेणं चउचामरवालवीइयंगे मंगलजयसद्दकयालोए अणेग-गणनायग-दंडनायग-राईसर-तलवर-माइंबिय-कोडुबिय-मंति-महामंति-गणगदोवारिय-अमच्च-चेड-पीढ-मद्द-नगर-निगम-सेट्ठि-सेणावइ-सत्थवाह-दूय-संधिवालसद्धिं संपरिवुडे धवलमहामेहणिग्गए इव गहगण-दिप्पंत-रिक्ख-तारागणाण मज्झे] ससिव्व पियदंसणे नरवई मज्जणघराओ पडिणिक्खमइ पडिणिक्खमित्ता जेणेव आदंसधरे जेणेव सीहासणे तेणेव उवागच्छद उवागच्छित्ता सीहासणवरगए पुरत्थाभिमुहे नीसीयइ निसीइत्ता आदंसधरंसि अत्ताणं देहमाणे-देहमाणे चिट्ठइ तए णं तस्स भरहस्स रण्णो सुभेणं परिणामेणं पसत्थेहिं अज्झवसाणेहिं लेसाहिं विसुज्झमाणीहिं-विसुज्झमाणीहिं ईहा-पोह-मग्गण-गवेसणं करेमाणस्स तयावरिज्जाणं कम्माणं खएणं कम्मरयविकिरणकरं अपव्वकरणं पविट्ठस्स अनंते अनुत्तरे कसिणे पडिपुन्ने निव्वाघाए निरावरणे केवलवरनाणदंसणे समुप्पन्ने तए णं से भरहे केवली सयमेवाभरणालंकारं ओमुयइ ओमुइत्ता सयमेव पंचमुट्ठछियं लोयं करेइ करेत्ता आदंसधारओ पडिणिक्खमइ पडिणिक्खमित्ता अंतेउरं मज्झंमज्झेणं निग्गच्छइ निग्गच्छित्ता दसहिं रायवरसहस्सेहिं सद्धिं संपरिवुड़े विणीयं रायहाणिं मज्झंमज्झेणं निग्गच्छद निग्गच्छित्ता मज्झदेसे सुहंसुहेणं विहरइ विहरित्ता जेणेव अट्ठावए पव्वते तेणेव उवागच्छड़ उवागच्छित्ता अट्ठावयं पव्वयं सणियं-सणियं दुरुहइ
दीपरत्नसागर संशोधितः]
[55]
___ [१८-जंबूद्दीवपन्नत्ति]
| SR No. | 003735 |
| Book Title | Agam 18 Jambudivpannatti Sattam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 122 |
| Language | Prakrit |
| Classification | Book_Devnagari, Agam, Canon, Agam 18, & agam_jambudwipapragnapti |
| File Size | 2 MB |