Page Text
________________
सहस्सेहिं बत्तीसए जणवयकल्लाणियासहस्सेहिं बत्तीसाए बत्तीसइबद्धेहिं] नाडगसहस्सेहिं सद्धिं संपरिवुड अभिसेयपीढाओ पुरथिमिल्लेणं तिसोवाणपडिरूवएणं पच्चोरुहइ पच्चोरुहित्ता अभिसेयमंडवाओ पडिणिक्खमइ पडिणिक्खमित्ता जेणेव आभिसेक्के हत्थिरयणे तेणेव उवागच्छइ उवागच्छित्ता अंजणगिरिकूडसण्णिभं गयवइं नरवइं दुरुढे तए णं तस्स भरहस्स रण्णो बत्तीसं रायसहस्सा अभिसेयपीढाओ उत्तरिल्लेणं तिसोवाणपडिरूवएणं पच्चोरुहंति तए णं तस्स भरहस्स रण्णो सेणावइरयणे [गाहावइरयणे वड्ढइरयणे पुरोहियरयणे तिण्णि सढे सूयसए अट्ठारस सेणि-प्पसेणीओ य बहवे राईसर-तलवर-माइंबिय
इब्भ-सेट्ठि-सेणावड़ा-सत्थ-वाहप्पभिइओ अभिसेयपीढाओ दाहिणिल्लेणं तिसोवाण-पडिरूवएणं पच्चोरुहंति तए णं तस्स भरहस्स रण्मो आभिसेक्कं हत्थिरयणं दुरुढस्स समाणस्स इमे अट्ठमंगलगा पुरओ अहाणुपुव्वीए संपट्ठिया जच्चिय अइगच्छमाणस्स गमो पढमो कुबे-रावसाणो सो चेव इहंपि कमो सक्कारजढो नेयव्वो जाव कुबेरोव्व देवराया केलासं सिहरिसिंभूयं तए णं से भरहे राया मज्जणघरं अनुपविसइ अनुपविसित्ता जाव भोयणमंडवंसि सुहासणवरगए अट्ठमभत्तं पारेइ पारेत्ता भोयणमंडवाओ पडिणिक्खमइ पडिणिक्खमित्ता उप्पिं पासायवरगए फुट्टमाणेहिं मुइंगमत्थएहिं [बत्तीस-इबद्धेहिं नाडएहिं वरतरुणीसंपउत्तेहिं उवलालिज्जमाणे-उव-लालिज्जमाणे उवणच्चिज्जमाणे-उवणच्चिज्जमाणे उवगिज्जमाणेउवगिज्जमाणे महयाहयणट्ट-गीय-वाइय-तंती-तल-ताल-तुडिय-घण-मुइंगपडुप्प-वाइयरवेणं इडे सद्दफरिसरसरूवगंधे पंचविहे माणुस्सए कामभोगे] भुजमाणे विहरइ तए णं से भरहे राया दुवालससंवच्छरियंसि पमोयंसि निव्वत्तंसि समाणंसि जेणेव मज्जणघरे तेणेव उवाग्च्छइ उवागच्छित्ता जाव मज्जणधराओ पडिणिक्खमइ पडिणिक्खमित्ता जेणेव बाहिरिया उवट्ठाणसाला जेणेव सीहासणे तेणेव उवागच्छति उवागच्छित्ता सीहासणवरगए पुरत्थाभिमुहे निसीयइ निसीइता सोलस देवसहस्से सक्कारेइ सम्माणेइ सक्कारेत्ता सम्माणेत्ता पडिविसज्जेइ पडिविसज्जेत्ता बत्तीसं रायवरसहस्सा सक्कारेइ सम्माणेइ सक्कारेत्ता सम्माणेत्ता सेणावरइयणं सक्कारेइ सम्माणेइ सक्कारेत्ता सम्माणेत्ता सम्माणेत्ता जाव पुरोहियरयणं सक्कारेइ सम्माणेइ सक्कारेत्ता एवं गाहावइरयणं वड्ढइरयणं पुरोहियरयणं सक्कारेइं सम्माणेइं सक्कारेत्ता सम्माणेत्ता एवं तिण्णि सढे सूयसए अट्ठारस सेणि-प्पसेणीओ सक्कारेइ सम्माणेइ सक्कारेत्ता सम्माणेत्ता अण्णे य बहवे राईसर-तलवर-माइंबिय-कोडुबिय-इब्भ-सेटि-सेणावइ]-सत्थवाहप्पभिइओ सक्कारेइ सम्माणेइ सक्कारेत्ता सम्माणेत्ता पडिविसज्जेति पडिविसज्जेत्ता उप्पिं पासायवरगए जाव विहरइ ।
[१२३] भरहस्स रण्णो चक्करयणे छत्तरयणे दंडरयणे असिरयणे-एते णं चत्तारि एगिंदियरयणा आउहघरसालाए समुप्पण्णा चम्मरयणे मणिरयणे कागणिरयणे नव य महानिहीओएए णं सिरिधरंसि समुप्पन्ना सेणावइरयणे गाहावइरयणे वड्ढइरयणे पुरोहियरयणे-एए णं चत्तारि मणुयरयणा विणीयाए रायहाणीए समुप्पन्ना आसरयणे हत्थिरयणे-एए णं दुवे पंचिंदियरयणा वेड्ढगिरिपायमूले समुप्पन्ना इत्थीरयणे उत्तरिल्लाए विज्जाहरसेढीए समुप्पन्ने ।
[१२४] तए मं से भरहे राया चउदसण्हं रयणाणं नवण्हं महाणिहीणं सोलसण्हं देवसाहस्सीणं बत्तीसाए रायसहस्साणं बत्तीसाए उडुकल्लाणियासहस्साणं बत्तीसाए जणवयकल्लणियासहस्साणं बत्तीसाए बत्तीसइबद्धाणं नाडगसहस्साणं तिण्हं सट्ठीणं सूयसयाणं अट्ठारसण्हं सेणिप्पसेणीणं चउरासीए आससय-सहस्साणं चउरासीए दंतिसयसहस्साणं चउरासीएरयसयसहस्साणं छण्णउइए मणस्सकोडीणं
बावत्तरीए
दीपरत्नसागर संशोधितः]
[54] -
[१८-जंबूद्दीवपन्नत्ति]
| SR No. | 003735 |
| Book Title | Agam 18 Jambudivpannatti Sattam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 122 |
| Language | Prakrit |
| Classification | Book_Devnagari, Agam, Canon, Agam 18, & agam_jambudwipapragnapti |
| File Size | 2 MB |