Page Text
________________
[चंदणकयचच्चाएहिं आविद्धकंठेगुणेहिं पउमुप्पलपिधाणेहिं सुकुमालकरतलपरिग्गहिएहिं अट्ठस-हस्सेणं सोवण्णियाणं कलसाणं रुप्पमयाणं मणिमयाणं जाव अट्ठसहस्सेणं भोमेज्जाणं कलसाणं सव्वोदएहिं सव्वमट्टियाहिं सव्वतुवरेहिं सव्वपुप्फेहिं सव्वगंधेहिं सव्वल्लेहिं सव्वोसहिसिद्धत्थएहिं य सव्विड्ढीए सव्वजुतीए सव्वबलेणं सव्वसमुदएणं सव्वायरेणं सव्वविभूतीए सव्वविभूसाए सव्वसंभणेणं सव्वपुप्फगंधमल्लालंकारेणं सव्वदिव्वतुडियसद्दसण्णिमाएणं महया इड्ढीए महया जुतीए महया बलेणं महया समुदएणं महया वरतुरियजमगसमग-पडुप्पवादितरवेणं संख-पणव-पडह-भेरि-झल्लरि-खरमुहि-हुडक्क-मुरव-मुइंग-दुंदुहिनिग्घोसना-दितरवेणं] महया महया रायाभि-सेएणं अभिसिंचंति अभिसेओ जहा- विजयस्स अभिसिंचित्ता पत्तेय-पत्तेयं [करतलपरिग्गहियं सिरसावत्तं मत्थए] अंजलिं कट्ट ताहिं इटाहिं [कताहिं पियाहिं-मणुण्णाहिं मणामाहिं सिवाहिं धण्णाहिं मंगल्लाहिं सस्सिरीयाहिं हिययगमणिज्जाहिं हिययपल्हायणिज्जाहिं वग्गूहिं अणवरयं अभिणंदंता य अभिथुणंता य एवं वयासी-जय जय नंदा जय जय भद्दा जय जय नंदा भदं ते अजियं जिणाहि जियं पालयाहि जियमज्झे वसाहि इंदो विव देवाणं चंदो विव ताराणं चमरो चिव असुराणं धरणो विव नागाणं बहूइं पुव्वसयसहस्साई बहूईओ पुव्वकोडीओ बहूईओ पुव्वकोडाकोडीओ विणीयाए रायहाणीओ चुल्लहिमवंतगिरिसागरमेरागस्स य केवलकप्पस्स भरस वासस्स गामागर-नगर-खेड-कब्बडमडंब-दोणमुह-पट्टणासम-सण्णिवेसेसु सम्म पयापालणोवज्जियलद्धजसे महयाहयनट्ट-गीय-वाइय-तंती-तलताल-तुडिय-घणमुइंगपडुप्पवाइ-यरवेणं विउलाई भोगभोगाइं भुंजमाणे आहेवच्चं पोरेवच्चं सामित्तं भट्टित्तं महत्तरगत्तं आणा-ईसर-सेणावच्चं केरमाणे पालेमाणे] विहराहित्तिकट्ट जयजयसदं पउंजंति तए णं तं भरहं रायाणं सेणावइरयणे गाहावइरयणे वड्ढइरयणे पुरोहियरयणे तिण्णि य सट्टा सूससया अट्ठारस सेणिप्पसेणीओ अण्णे य बहवे राईसर-तलवर-माइंबिय-कोडुबिय-इब्भ-सेट्टि-सेणावइ]-सत्यवाहप्प-भिइओ एवं चेव अभिसिंचंति तेहिं वरकमल-पइट्ठाणेहिं तहेव जाव अभिथुणंति य सोलस देवसहस्सा एवं चेव नवरंपम्हल सूमालाए जाव मउडं पिणढेति तयणंतरं च णं दद्दरमलयसुगंध-गंधिएहिं गंधेहिं गायाइं भुकंडेतिं दिव्वं च सुमणदामं पिणद्वेति किं बहुणा गंथिम-वेढिम-पूरिम-संघाइमेणं चउव्विहेणं मल्लेणं कप्परुक्खयं पिव अलंकिय]-विभूसियं करेंति तए णं से भरहे राया महया-महया रायाभिसेएणं अभिसिंचिए समाणे कोइंबियपरिसे सद्दावेइ सद्दावेत्ता एवं वयासी-खिप्पामेव भो देवाणप्पिया हत्थिखंधवरगया विणीयाए रायहाणीए सिंधाडग-तिग-चउक्क-चच्चर-चउम्मह-महापह-पहेसु-महया-महया सद्देणं उग्घोसेमाणा-उग्घोसेमाणा उस्सुक्कं उक्करं उक्किट्ठ अदिज्जं अमिज्जं अभडप्पवेसं अदंडकोदंडिमं [अधरिमं गणियावरणाडइज्जकलियं अमेगतालायराणु-चरियं अनुयमुइंगं अमिलायमल्लदामं पमुइयपक्कीलिय]-सुपरजणजाणवयं दुवालससंवच्छरियं पमोयं घोसेह घोसेत्ता ममेयमाणत्तियं पच्चप्पिणह तए णं ते कोडुबियपुरिसा भरहेणं रण्णा एवं वुत्ता समाणा हद्वतुट्ठचित्तमाणंदिया नंदिया पीइमणा परमसोमस्सिया हरिसवसविसप्पमाणहियया विणएणं वयणं पडिसुणेति पडिसुणेत्ता खिप्पामेव हत्थिखंधवरगया [विणीयाए रायहाणीए सिंघा-डग-तिग-चउक्क-चच्चर-चउम्मुह-महापह-पहेसु महया-महया सद्देणं उग्घो-सेमाणा-उग्घोसेमाणा उस्सुक्कं उक्करं उक्किट्ठ-अदिज्जं अमिज्जंअभडप्पवेसं अंदडकोदंडिमं अधरिमं गणियावरणा-डइज्जकलियं अणेगतालायराणुचरियं अनुद्धयमुइंगं अमिलायमल्लदामं पमुइयपक्कीलियसपुर-जणजाणवयं दुवालससंवच्छरियं पमोयं] घोसंति घोसित्ता एयमाणत्तियं पच्चप्पिणंति तए णं से भरहे राया महया-महया रायभिसेएणं अभिसित्ते समामे सीहासणाओ अब्भुढेइ अब्भुढेत्ता हत्थिरयणेणं [बत्तीसाए उडुकल्लाणियावक्खारो-३
दीपरत्नसागर संशोधितः]
[53]
[१८-जंबूद्दीवपन्नत्ति]
| SR No. | 003735 |
| Book Title | Agam 18 Jambudivpannatti Sattam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 122 |
| Language | Prakrit |
| Classification | Book_Devnagari, Agam, Canon, Agam 18, & agam_jambudwipapragnapti |
| File Size | 2 MB |