Page Text
________________
विसप्पमाणहियए] पोसहसालाओ पडिणिक्खमइ पडिणिक्खमित्ता कोडुबियपुरिसे सद्दावेइ सद्दावेत्ता एवं वयासी-खिप्पामेव भो देवाणुप्पिया आभिसेक्कं हत्तिरययणं पडिकप्पेह पडिकप्पेत्ता हय-गय-रहपवरजोहकलियं चाउरंगिणिं सेण्णं सण्णाहेह] सण्णाहेत्ता एयमाणत्तियं पच्चप्पिणह तए णं ते कोडुबियपुरिसा जाव पच्चप्पिणंति तए णं से भरहे राया मज्जणघरं अनुपविसइ जाव अंजणगिरिकूडसण्णिभं गयवइं नरवई दुरुढे तए णं तस्स भरहस्स रण्णो आभिसेक्कं हत्थिरयाणं दुरुढस्स समाणस्स इमे अट्ठद्वमंगलगा पुरओ अहाणपुव्वीए संपट्ठिया जो चेव गमो विणीयं पविसमाणस्स सो चेव निक्कममाणस्सवि जाव अप्पडिबुज्झमाणे-अप्पडिबुज्जमाणे विणीयं रायहाणिं मझमज्झेणं निग्गच्छड़ निग्गच्छित्ता जेणेव विणीयाए रायहाणीए उत्तरपुरत्थिमे दिसीभाए जेणेव अभिसेयमंडवे तेणेव उवागच्छड़ उवागच्छित्ता अभिसेयमंडवदुवारे आभिसेकं हत्थिरयणं ठवेइ ठवेत्ता आभि-सेक्काओ हत्थिरयणाओ पच्चोरुहइ पच्चोरुहित्ता इत्थीरयणेणं बत्तीसाए उकल्लाणियासहस्सेहिं बत्तीसाए जणवयकल्लाणियासहस्सेहिं बत्तीसाए बत्तीसइबद्धेहिं नाडगसहस्सेहिं सद्धिं संपरिवुड़े अभिसेयमंडवं अनुपविसइ अनुविसित्ता जेणेव अभिसेयपीढे तेणेव उवागच्छद उवागच्छित्ता अभिसेयपीढं अनुप्पदाहिणीकरेमाणे-अनुप्पदाहिणीकरेमाणे पुरित्थिमिल्लेणं तिसोवाणपडिरूवएणं दुरुहइ दुरुहित्ता जेणेव सीहासणे तेणेव उवागच्छइ उवागच्छित्ता पुरत्थाभिमुहे सण्णिसण्णे तए णं तस्स पभरहस्स रण्णो बत्तीसं रायसहस्सा जेणेव अभिसेयमंडवे तेणेव उवागच्छइ उवागच्छित्ता अभिसेयमंडवं अनुपविसंति अनुपविसित्ता अभिसेयपीढं अनुप्पदाहिणीकरेमाणे-अनुप्पदाहिणी-करेमाणे उत्तरिल्लेणं तिसोवाणपडिरूवएणं जेणेव भरहे राया तेणेव उवागच्छंति उवागच्छित्ता करयल परिग्गहियं सिरसावत्तं मत्थए अंजलिं कट्ट भरहं रायाणं जएणं विजएणं वद्धावेंति वद्धावेत्ता भरहस्स रण्णो नच्चासण्णे नाइदरे सुस्सूसमाणा नमसमाणा अभिमुहा विणएणं पंजलियडा पज्जुवासंति तए मं तस्स भरहस्स रण्णो सेणावइरयणे [गाहावइरयणे वड्ढइरयणे पुरोहियरयणे तिण्णि सट्टे सूयसए अट्ठारस सेणि-प्पसेणीओ अन्ने य बहवे राईसर-तलवर-माइंबिय-कोडुबियइब्भ-सेट्ठि-सेणावइ]-सत्थावाहप्पभिइओ जेणेव अभिसेयमंडवे तेणेव उवागच्छंति उवागच्छित्ता अभिसेयमंडवं अनुपविसंति अनुपविसित्ता अभिसेयपीढं अनुप्पदाहिणीकरेमाणा-अनुप्पदाहिणी-करेमाणा दाहिणिल्लेणं तिसोवाण-पडिरूवएणं जेणेव भरहे राया तेणेव उवागच्छति उवागच्छित्ता करयलपरिग्गहियं सिरसावत्तं मत्थए अंजलिं कट्ट भरहं रायाणं जएणं विजएणं पंजलियडा पज्जुवासंति तए णं से भरहे राया आभिओग्गे देवे सद्दावेइ सद्दावेत्ता एवं वयासी-खिप्पामेव भो देवाणुप्पिया तं महत्थं महग्धं महरिहं महारायाभिसेयं उवद्ववेह तए णं ते आभिओग्गा देवा भरहेणं रण्णा एवं वुत्ता समाणा हद्वतुट्ठचित्ता जाव उत्तरपुरत्थिमं दिसीभागं अवक्कमंति अवक्कमित्ता वेठव्वियसमुग्धाएणं समोहण्णंति एवं जहा- विजयस्स तहा इत्थंपि जाव पंडगवणे एगओ मिलायंति मिलाइत्ता जेणेव दाहिणड्ढभरहे वासे जेणेव विणीया रायहाणी तेणेव उवागच्छंति उवागच्छित्ता विणीयं रायहाणिं अनुप्पयाहिणीकरेमाणा-अनुप्पयाहिणीकरेमाणा जेणेव अभिसेयमंडवे जेणेव भरहे राया तेणेव उवागच्छंति उवागच्छित्ता तं महत्थं महग्धं महरिहं महाराया भिसेयं उवद्ववेंति तए णं तं भरहं रायाणं बत्तीसं रायसहस्सा सोभणंति तिहि-करण-दिवस-नक्खत्तमुहुत्तंसि उत्तरपोट्ठवया-विजयंसि तेहिं साभाविएहि य उत्तरेवेउविएहि य वरकमलपइट्ठाणेहि सुरभिवरवारिपडिपुन्नेहिं वक्खारो-३
दीपरत्नसागर संशोधितः]
[52]
[१८-जंबूद्दीवपन्नत्ति]
| SR No. | 003735 |
| Book Title | Agam 18 Jambudivpannatti Sattam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 122 |
| Language | Prakrit |
| Classification | Book_Devnagari, Agam, Canon, Agam 18, & agam_jambudwipapragnapti |
| File Size | 2 MB |