Page Text
________________
[१२२] तए णं तस्स भरहस्स रण्णो अण्णया कयाइ रज्जधुरं चिंत्तेमामस्स इमेयारूवे [अज्झत्थिए चिंतिए पत्थिए मणोगए संकप्पे] समुप्पज्जित्था-अभिजिए णं मए नियगबल-वीरियपुरिसक्कार-परक्कमेणं चुल्ल हिमवतगिरिसागरमेराए केवलकप्पे भरहे वासे तं सेयं खलु मे अप्पाणं महयारायाभिसेएणं अभिसिंचावित्तएत्तिकट्ट एवं संपेहेति संपेहेत्ता कल्लं पाउप्पभाए [रयणीए फुल्लुप्पलकमल-कोमलुम्मिलियंमि अहपंडुरे पहाए रत्तासोगप्पगास-किंसुय-सुयमुह-गुंजद्धराग-सरिसे कमलागरसंडबोहए उद्वियम्मि सूरे सहस्सरस्सिंमि दिणयरे तेयसा जलंते जेणेव मज्जणघरे तेणेव उवागच्छड उवागच्छित्ता जाव मज्जणघराओ पडिणिक्खमइ पडिणिक्खमित्ता जेणेव बाहिरिया उवट्ठाणसाला जेणेव सीहासणे तेणेव उवागच्छड उवागच्छित्ता सीहासणवरगए पुरत्थाभिमुहे निसीयति निसीइत्ता सोलसदेवसहस्से बत्तीसं रायवरसहस्से सेणावहरयणे गाहा-वइयणे वड्ढइ-रयणे पुरोहियरयणे तिण्णि सढे सूयसए अट्ठारस सेणिप्पसेणीओ अन्ने य बहवे राईसर तलवर-माइंबिय-कोडुबिय-इब्भ-सेट्ठिसेणावइ]-सत्यवाहप्पभियो सद्दावेइ सद्दावेत्ता एवं वयासी-अभिजिए णं देवाणुप्पिया मए नियगबल-वीरिय[पुरिस्काकर-परक्कमेणं चुल्लहिमवंत-गिरिसागरमेराए] केवलकप्पे भरहे वासे तं तुब्भे णं देवाणुप्पिया मम महयारायाभिसेयं वियरह तए णं ते सोलस देवसहस्सा जाव सत्थवाहप्पभिइओ भरहेणं रण्णा एवं वुत्ता समाणा हद्वतुट्ठ-चित्त-माणंदिया नंदिया पीइमणा परमसोमणस्सिया हरिसवसविसप्पमाणहियया करयलपरिग्गहियं दसनहं सिरसावत्तं मत्थए अंजलिं कट्ट भरहस्स रण्णो एयमटुं सम्मं विणएणं पडिसुणेति ते णं से भरहे राया जेणेव पोसहसाला तेणेव उवागच्छइ उवागच्छित्ता जाव अट्ठमभत्तिए पडिजागरमाणे विहरइ तए णं से भरहे राया अट्ठमभत्तंसि परिणममाणंसि आभिओग्गे देवे सद्दावेइ सद्दावेत्ता एवं वयासि-खिप्पामेव भो देवाणुप्पिया विणीयाए रायहाणीए उत्तरपुरत्थिमे दिसीभाए एगं महं अभिसेयमंडवं विउव्वेह विउव्वेत्ता मम एयमाणत्तियं पच्चप्पिणह तए णं ते आभिओग्गा देवा भरहेणं रण्णा एवं वुत्ता समाणा हहतुट्ठा जाव एवं सामित्ति आणाए विणएणं वयणं पडिसुणेति पडिसुणेत्ता विणीयाए रायहाणीए उत्तरपुरत्थिमं दिसीभागं अवक्कमंति अवक्कमित्ता वेउव्विसमुग्घाएणं समोहण्णंति समोहणित्ता संखिज्जाइं जोयणाइं दंड निसिरंति तं जहा- रयणाणं जाव रिहाणं अहाबायरे पोग्गले परिसाउँति परिसाडेत्ता अहासुहमे पोग्गले परियादियंति परियादित्ता दोच्चपि वेउव्वियं [समुग्धाएणं] समोहण्णंति समोहणित्ता बहुसमरमणिज्जं भूमिभाग विउव्वंति से जहानामए आलिंगपुक्खरेइ वा जाव नानाविधपंचवण्णेहिं तणेहि य मणीहि य उवसोभिए तस्स णं बहसमरमणिज्जस्स भूमिभागस्स बहुमज्झदेसभाए एत्थ णं महं एग अभिसेयमंडवं विउव्वंति-अणेगसंखभसयसण्णिविढे जाव गंधवट्टिभूयं पेच्छाधरमंडववण्णगो तस्स णं अभिसेयमंडवस्स बहुमज्झदेसभाए एत्थ णं महं एग अभिसेयपीढं विउव्वंति-अच्छं सण्हं तस्स णं अभिसेयपीढस्स तिदिसिं तओ तिसोवाणपडिरूवए विउव्वंति तेसि णं तिसोवाणपडिरुवगाणं अयमेयारूवे वण्णावासे पन्नत्ते जाव तोरणा तस्स णं अभिसेयपीढस्स बहसमरणिज्जे भूमिभागे पन्नत्ते तस्स णं बहुसमरमणिज्जस्स भूमिभागस्स बहुमज्झदेसभाए एत्थ णं महं एगं सीहासणं विउव्वंति तस्स णं सीहासणस्स अयमेयारूवे वण्णावासे पन्नत्ते जाव दामवण्णगं समत्तं तए णं ते देवा अभिसेयमंडवं विउव्वंति विउव्वित्ता जेणेव भरहे वक्खारो-३
राया तेणेव उवागच्छंति उवागच्छित्ता तमाणत्तियं पच्चप्पिणंति तए णं से भरहे राया आभिओग्गाणं देवाणं अंतिए एयमहूँ सोच्चा निस चित्तमाणंदिए नंदिए पीइमणे परमसोमणस्सिए हरिसवस
[दीपरत्नसागर संशोधितः]
[51]
[१८-जंबूद्दीवपन्नत्ति]
| SR No. | 003735 |
| Book Title | Agam 18 Jambudivpannatti Sattam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 122 |
| Language | Prakrit |
| Classification | Book_Devnagari, Agam, Canon, Agam 18, & agam_jambudwipapragnapti |
| File Size | 2 MB |