Page Text
________________
आभरणवासं वासंति तए णं तस्स भरहस्स रण्णो विणीयं रायहाणिं मज्झमज्जेणं अनुपविसमाणस्स सिंघागड-तिग-चउक्क-चच्चर-चउम्मुह]-महापह-पहेसु बहवे अत्थिया कामत्थिया भोगत्थिया लाभत्थिया इढिसिया किब्बसिया कारोडिया कारभारिया संखिया चक्किया नंगलिया मुहमंगलिया पूसमाणया वद्धमाणया लंखमंखमाइया ताहिं ओरालाहिं इठ्ठाहिं कंताहिं पियाहिं मण्ण्णाहिं मणामाहिं सिवाहिं धण्णाहिं मंगल्लाहिं सस्सिरीयाहिं हिययगमणिज्जाहिं हिययपल्हायणिज्जाहिं वग्गूहिं अणवरयं अभिनंदंता य अभिथणंता य एवं वयासी-जय-जय नंदा जय-जय भद्दा जय-जय नंदा भदं ते अजियं जिणाहि जियं पालयाहिं जियमज्झे वसाहि इंदो विव देवाणं चंदो विव ताराणं चमरो विव असुराणं धरणो विव नागाणं बहूइं पुव्वसयसहस्साई बहूईओ पुव्वकोडीओ बहूईओ पुव्वकोडाकोडीओ विणीयाए रायहाणीओ चुल्लहिमवंतगिरिसागरमेरागस्स य केवलकप्पस्स भरहस्स वासस्स गामागर-नगर-खडे-कब्बड-मडंबदोणमुह-पट्टणासम-सण्णिवेसेसु सम्म पयापालणोवज्जियलद्धजसे महया [हयनट्ट-गीय-वआइय-तंती-तलताल-तुडिय-घण-मुइंग-पडुप्पवाइयरवेणं विउलाइंभोगभोगाइं भुंजमाणे आहोवच्चं पोरेवच्चं सामित्तं भट्टित्तं महत्तरगत्त आणा-ईसर-सेणावच्चं कारेमाणे पालेमाणे] विहराहित्तिकट्ट जयजयसदं पउंजंति तए णं से भरहे राया नयणमालासहस्सेहिं पेच्छिज्जमाणे -पेच्छिज्जमाणे वयणमालासहस्सेहिं अभिथुव्वमाणेअभिथुव्वमामे हिययमालासहस्सेहिं उण्णंदिज्जमाणे-उण्णं-दिज्जमाणे मणोरहमालासहस्सेहिं विच्छिप्पमामेविच्छिप्पमामे कंतिरूवसोहग्गगुणेहिं पत्थिज्जमाणे-पत्थिज्जमाणे अंगुलियमालासहस्सेहिं दाइज्जमाणेदाइज्जमाणे दाहिणहत्थेणं बहूणं नरनारीसहस्साणं अंजलिमालासहस्साइं पडिच्छमाणे-पडिच्छमाणे भवणपतिसहस्साइं समइच्छमाणे-समइच्छमाणे तंती-तल-ताल-तुडिय-गीय-वाइयरवेणं मधुरेणं मणहरेणं मंजुमंजुणा घोसेणं अपडिबुज्झमाणे-अपडिबुज्झमाणे जेणेव सए गिहे जेणेव सए भवणवरवडेंसयदुवारे तेणेव उवागच्छइ भवण-वरवंडेंसयदुवारे आभिसेक्कं हत्थियणं ठवेइ ठवेत्ता आभिसेक्काओ हत्थिरयणाओ पच्चोरुहइ पच्चोरुहित्ता सोलस देवसहस्से सक्कारेइ सम्माणेइ सक्कारेत्ता सम्माणेत्ता बत्तीसं रायसहस्से सक्कारेइ सम्माणेइ सक्कारेत्ता सम्माणेत्ता सेणावइरयणं सक्कारेइ सम्माणेइ सक्कारेत्ता सम्माणेत्ता एवं गाहावइरयणं वड्ढइरयणं पुरोहियरयणं सक्कारेइ सम्माणेइ सक्कारेत्ता सम्माणेत्ता तिण्णि सढे सूसए सक्कारेइ सम्माणेइ सक्कारेत्ता सम्माणेत्ता अट्ठारस सेणि-प्पसेणीओ सक्कारेइ सम्माणेइ सक्कारेत्ता सम्माणेत्ता अण्णे वि बहवे [राईसर-तलवर-माइंबिय-कोडुबिय-इब्भ-सेट्टि-सेणावइ]-सत्थवाहप्पभितओ सक्कारेइ सम्माणेइ सक्कारेत्ता सम्माणेत्ता पडिविसज्जेइ इत्थीरयणेणं बत्तीसाए उडुकल्लाणियासहस्सेहि बत्तीसाए जणवयकल्लाणियासहस्सेहिं बत्तीसाए बत्तीसइबद्धेहिं नाडयसहस्सेहिं सद्धिं संपरिडे भवणवरवडेंसगं अईइ जहा- कुबेरो व्व देवराया केलाससिहरिसिंगभूतं तए णं से भरहे राया मित्त-नाइनियग-सयण-संबंधियपरियणं पच्चुवेक्खड़ चचुवेक्खित्ता जेणेव मज्जणघरे तेणेव उवागच्छड़ उवागच्छित्ता जाव मज्जणघराओ पडिणिक्खमइ पडिणिक्खमित्ता जेणेव भोयमंडवे तेणेव उवागच्छड़ उवागच्छित्ता
भोयणवक्खारो-३
मंडवंसि सुहासणवगए अट्ठमभत्तं पारेइ पारेत्ता उप्पिं पासायवरगए फुट्टमाणेहिं मुइंगमत्थएहिं बत्तीसइबद्धेहिं नाइएहिं वरतरुणीसंपउत्तेहिं उवलालिज्जमाणे-उववालिज्जमाणे उवणच्चिज्जमाणे-उवणच्चिज्जमाणे उवगिज्जमाणे-उवगिज्जमाणे महया जाव कामभोगे णे विहरइ ।
दीपरत्नसागर संशोधितः]
[50]
[१८-जंबूद्दीवपन्नत्ति]
| SR No. | 003735 |
| Book Title | Agam 18 Jambudivpannatti Sattam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 122 |
| Language | Prakrit |
| Classification | Book_Devnagari, Agam, Canon, Agam 18, & agam_jambudwipapragnapti |
| File Size | 2 MB |