Page Text
________________
तिवइ-जइण-सिक्खियगईणं ललंत-लाम-गललाय-वरभूसणाणं मुहं-डग-ओचूलग-थासग-अहिलाण-चमरीगंडपरिमंडियकडीणं किंकरवरतरुणपरिग्गहियाणं अट्ठसयं वरतुरगाणं पुरओ अहाणुपुव्वे संपट्ठियं तयणंतरं च णं ईसिदंताणं ईसिमत्ताणं ईसितुंगाणं ईसिउच्छंगविसाल-धवलदंताणं कंचणकोसी-पविट्ठदंताणं कंचणमणिरयणभूसियाणं वरपुरिसारोहगसंपउत्ताणं अट्ठसयं गयाणं पुरओ अहामुपुव्वीए संपट्ठियं तयणंतरं च णं सच्छत्ताणं सज्झायणं सघंटाणं सपडागाणं सतोरणवराणं सनंदिघोसाणं सखिखिणीजालपरिक्खित्ताणं हेमवयचित्ततिणिसकणगणिजुत्तदारुगाणं कालायससुकयनेमिजंतकम्माणं सुसिलिट्ठवत्तमंडलधुराणं सकंकडवडेंसगाणं सचावसरपहरणावरणभरिय-जुद्धसज्जाणं अट्ठसयं रहाणं पुरओ अहाणुपव्वीए संपट्ठियं तयणंतरं च णं असि-सत्ति-कुंत-तोमर-सूल-लउल-भिंडिमाल-धणुपाणिसज्जं पायत्ताणीयं पुरओ अहाणपुव्वीए संपट्ठियं तए णं] तस्स भरहस्स रण्णो पुरओ महआसा आसधरा उभओ पासिं नागा नागधरा रिट्ठओ रहा रहसंगेल्ली अहाणुपुव्वीए संपट्ठिया त णं से भरहाहिवे नरिंदे हारोत्थसुकयरइयवच्छे [कुंडल-उज्जोइयाणणे मउडदित्तसिरए नस्सीहे नरवई नरिंदे नरवसभे मरुयरायवसभकप्पे अब्भहियरायतेयलच्छीए दिप्पमाणे पसत्थमंगलसएहिं संथव्वमाणे जयसद्दकयालोए हत्थिखंधवरगए संकोरंटमल्लदामेणं छत्तेणं धरिज्जमाणेणं सेयवरचामराहिं उद्धुव्वमाणीहिं-उद्धुव्वमाणीहिं जक्खसहस्ससंपरितुडे वेसमणे चेव धणवई] अमरवइण्णिभाए इड्ढीए पहियकित्ती चक्करयणदेसियमग्गे अमेगरायवरसहस्साणुयायमग्गे महायउक्किद्विसीहनायबोलकलकलरवेणं पक्खुभियमहा समुद्दरवभूयं पिव करेमाणे-करेमाणे सव्विड्ढीए सव्वज्जुईए सव्वबलेणं सव्वसमुदएणं सव्वायरेणं सव्वविभूसाए सव्वविभूईए सव्ववत्थ-पुप्फ-गंध-मल्लालंकारविभूसाए सव्वतुरिय-सद्दसण्णिणाएणंमहया इड्ढीए जाव महया वरतुरिय-जमगसमगपवाइएणं संखपणव-पडह-भेरि-झल्लरि-खरमुहिमुरलमुइंग-दुंदुहि निग्घोसनाइयरवेणं गामागर-नगर-खेडकब्बड-मडंब[दोणमुह-पट्टणासम-संबाहसहस्स-मंडियं थिमियमेइणीयं वसुहं अभिजिणमाणे-अभिजिणमाणे अग्गाइं वराई रयणाइं पडिच्छमाणे-पडिच्छमाणे तं दिव्वं चक्करयणं अणुगच्चमाणे-अमुगच्छमाणे] जोयणंतरियाहिं वसीहीहिं वसमाणे-वसमाणे जेणेव विणीया रायहाणी तेणेव उवागच्छइ उवागच्छित्ता विणीयाए रायहाणीए अदूरसामंते दुवालसजोयणायाम नवजोयणविच्छिण्णं वरण-गरसरिच्छं विजय-खंधावारनिवेसं करेइ करेत्ता वड्ढइरयणं सद्दावेइ सद्धावेत्ता जाव पोसहसालं अनुपविसइ अनुपविसित्ता विणीयाए रायहाणीओ अट्ठमभत्तं पगिण्हइ पगिण्हित्ता [पोसहसालाए पोसहिए बंभयरी उम्मक्कमणिसुवण्णे ववगयमालावण्मगविलेवणे निक्खित्तसत्थमुसले दब्भसंथारोवगए एगे अबीए] अट्ठमभत्तं पडिजागरमाणे-पडिजागमाणे विहरइ तए णं से भरहे राया अट्ठमभत्तंसि परिणममाणंसि पोसहसालाओ पडिणिक्खमइ पडिणिक्खमित्ता कोडुबियपरिसे सद्दावेइ सद्दावेत्ता एवं वयासी-खिप्पामेव भो देवाणुप्पिया आभिसेक्कं हत्थिरयणं पडिकप्पेह जाव तहेव अंजगणिरिकूडसण्णिभं गवयई नरवई दुरुढे तं चेव सव्वं जहा- हेट्ठा नवरिं नव महाणिहिओ चत्तारि सेणाओ णं पविसंति सेसो सो चेव गमो जाव निग्घोसणाइवरवेणं विणीयाए रायहाणीए मज्झंमज्झेणं वक्खारो-३
जेणेव सए गिहे जेणेव भवणवरडेंस-गपडिदुवारे तेणेव पहारेत्थ गमणाए ते णं तस्स भरहस्स रण्णो विणियं रायहाणिं मज्झंमज्झेणं अनुपविसमाणस्स अप्पेगइया देवा विणीयं रायहाणी सब्भंतबाहिरियं आसियसंमज्जिओवलित्तं करेंति अप्पेगइया मंचाइमंचकलियं करेंति अप्पेगइया नाणाविहरागवसणस्सियधयपडागाइ-पडागामंडितं करेंति अप्पेगइया लाउल्लोइयमहियं करेंति अप्पेगइया गोसीससरसरत्तदद्दरदिण्णपंचंगुलितलं जाव गंधवट्टिभूयं करेंति अप्पेगइया हिरण्णवासं वासंति अप्पेगइय सुवण्ण-रयण-वइर[दीपरत्नसागर संशोधितः]
[49]
[१८-जंबूद्दीवपन्नत्ति]
| SR No. | 003735 |
| Book Title | Agam 18 Jambudivpannatti Sattam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 122 |
| Language | Prakrit |
| Classification | Book_Devnagari, Agam, Canon, Agam 18, & agam_jambudwipapragnapti |
| File Size | 2 MB |