Page Text
________________
जाव कोडुबियपुरिसे सद्दावेइ सद्दावेत्ता एवं वयासी-खिप्पामेव भो देवाणुप्पिया आभिसेक्कं [हत्थिरयणं पडिकप्पेह हय-गय-रह-पवरजोहकलियं चाउरंगिणिं सेण्णं सण्णाहेह एतमाणत्तियं पच्चप्पिणह तए णं ते कोडुबियपुरिसा] जाव पच्चप्पिणंति ।
[१२१] तए णं से भरहे राया अज्जियरज्जो निज्जियसत्तू उप्पन्नसमत्तरयणे चक्करयणप्पहाणे नवनिहिवई समिद्धकोसे बत्तीसरायवरसहस्साणुयायमग्गे सट्ठीए वरिससहस्सेहिं केवलकप्पं भरहं वासं ओयवेड ओयवेत्ता कोडंबियपरिसे सद्दावेड सहावेत्ता एवं वयासी-खिप्पामेव भो देवाणप्पिया आभिसेक्कं हत्थिरयणं पडिकप्पेह हय-गय-रह-तहेव अंजणगिरिकूडसण्णिभं गयवइं नरवई दुरुढे तए णं तस्स भरहस्स रण्णो आभिसेक्कं हत्थिरयणं दुरुढस्स समाणस्स इमे अट्ठ मंगलगा पुरओ अहाणुपुव्वीए संपट्ठिया तं जहा- सोत्थिय-सिरिवच्छ-[नंदियावत्त-वद्धमाणग-भद्दासण-मच्छ-कलस]-दप्पणे तयाणंतरं च णं पुन्न-कलसभिंगारं दिव्वा य छत्तपडागा [सचामरा दंसण-रइय-आलोय-रिसणिज्जा वाउझ्य-विजयवेजयंती य ऊसिया गगणतलमणुलिहंती पुरओ अहाणुपुव्वीए] संपट्ठिया तयणंतरं च णं वेरुलिय-भिसंत-विमलडदंड [पलंबकोरंटमल्लदामोवसोभियं चंदमंडलणिभं समूसियं विमलं आयवत्तं पवरं सीहासणं वरमणिरयणपादपीढं सपाउयाजोयस-माउत्तं बहुकिंकर-कम्मकर-पुरिस-पयात्तपरिक्खित्तं पुरओ] अहाणुपुव्वीए संपट्ठियं तयणंतरं च णं सत्त एगिंदियरयणा पुरओ अहाणुपुव्वीए संपट्ठिया तं जहा- चक्करयणे छत्तरयणे चम्मरयणे दंडयरणे असिरयणे मणिरयणे कागणिरयणे तयणंतरं च णं नव महानिहिओ पुरओ अहाणुपुव्वीए संपट्ठिया तं जहा-नेसप्पे पंडुयए पिंगलए सव्वरयणे महापउमे कालं महाकाले माणवगे संखे तयणंतरं च णं सोलस देवसहस्सा पुरओ अहाणुपुव्वीए संपट्ठिया तयणंतरं च णं बत्तीसं रायवरसहस्सा अहाणुपुव्वीए संपट्टिया तयणंतरं च णं सेणावइरयणे पुरओ अहाणुप्पिवीए संपट्ठिए एवं गाहावइरयणे वड्ढइरयणे पुरोहियरयणे तयणंतरं च णं इत्थिरयणे पुरओ अहाणपुव्वीए संपट्ठिया तयणंतरं च णं बत्तीसं जयवयकल्लाणियासहस्सा पुरओ अहाणपुव्वीए संपट्ठिया तयणंतरं च णं बत्तीस जणवयकल्लाणियासहस्सा पुरओ अहाणपुव्वीए संपट्ठी तयणंतरं च णं बत्तीसं बत्तीसइबद्ध नाडगसहस्सा पुरओ अहाणुपुव्वीए संपट्ठिया तयणंतरं च णं तिण्णि सट्ठा सूयसया पूरओ अहाणुपुव्वीए संपट्ठिया तयणंतरं च णं अट्ठारस सेणिप्पसेणीओ पुरओ अहाणुपुव्वीए संपट्ठियाओ तयणंतरं च णं चउरासीइं आससयसहस्सा पुरओ अहाणपव्वीए संपट्ठिया तयणंतरं च णं चउरासीइं हत्थिसयसहस्सा पुरओ अहाणुपुव्वीए संपट्ठिया तयणंतरं च णं चउरासीइं रहसयसहस्सा पुरओ अहाणपव्वीए संपद्विया तयणंतरं च णं छण्णउई मणस्सकोडीओ परओ अहाणपव्वीए संपद्वियाए तयणंतरं च णं बहवे राईसर-तलवर-[माइंबिय-कोडुबिय-इब्भ-सेद्वि-सेणावइ]-सत्थवाहप्पभितओ पुरओ संपट्ठिया तयणंतरं च णं बहवेअसि-लडिग्गाहा कुंतग्गाहा चावग्गाहा चामरग्गाहा पीढग्गाहा पासग्गाहा फलग्गाहा पोत्थगग्गाहा वीमग्गाहा कूवग्गाहा हडप्पगाहा दीवियग्गाहा-सएहि-सएहिं कूवेहिं एवं वेसेहिं चिंधेहि निओएहिं सएहिं-सएहिं नेवत्थेहिं
परओ वक्खारो-३
अहाणुपुव्वीए संपट्ठिया तयणंतरं च णं बहवे दंडिणो मुंडिमो सिहंडिणो जडिणो पिच्छिणो हासकारगा खेड्डकारगा दवकारगा चाडुकारगा कंदप्पिया कोकुइया मोहरिया गायंता य वायंता य नच्चंता य हसं य रमंता य कीलंता य सासेंताय सावेंता य जावेंता य रावेंता य सो ता य सोभावेंता य आलोयंता य जयजयसदं च पउंजमाणा पुरओ अहाणुपुव्वीए संपट्ठिया [तयणंतरंच णं जच्चाण तरमल्लिहायणाणं हरिमेलामउल-मल्लिअच्छीणं चंचुच्चिय-ललिय-पुलिय-चल-चवल-चंचलगईणं लंघण-वग्गण-घावण-धोरण[दीपरत्नसागर संशोधितः]
[48]
[१८-जंबूद्दीवपन्नत्ति]
| SR No. | 003735 |
| Book Title | Agam 18 Jambudivpannatti Sattam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 122 |
| Language | Prakrit |
| Classification | Book_Devnagari, Agam, Canon, Agam 18, & agam_jambudwipapragnapti |
| File Size | 2 MB |