Page Text
________________
उप्पज्जंतेगिंदियाइं पंचइंदियाइं च । [१११] वत्थाण य उप्पत्ती निप्फत्ती चेव सव्वभत्तीणं ।
रंगाण य धोव्वाण य सव्वाएसा महापउमे । [११२] काले कालण्णाणं भव्वप्राणं च तिवि वासेस् ।
सिप्पसयं कम्माणि य तिण्णि पयाए हियकराणि । [११२] काले कालण्णाणं भव्वपुराणं च तिसुवि वासेसु ।
सिप्पसयं कम्माणि य तिण्णि पयाए हियकराणि । [११३] लोहस्स य उप्पत्ती होइ महाकाले आगराणं च ।
रुप्पस्स सुवण्णस्स य मणि-मोत्ति-सिल-प्पवालाणं । [११४] जोहाण य उप्पत्ती आवरणाणं च पहरणाणं च ।
सव्वा य जुद्धणीइं माणवगे दंडणीई य । [११५] नट्टविही नाडगविही कव्वस्स चउव्विहस्स उप्पत्ती ।
संखे महाणिहिंमी तुडियंगाणं च सव्वेसिं । [११६] चक्कट्ठपइट्ठाणा अहस्सेहा य नव य विक्खंभे ।
बारसदीहा मंजूससंठिया जण्हवीइमहे । [११७] वेरुलियमणिकवाडा कणगमया विविहरयणपडिपुन्ना ।
ससिसूरचक्कलक्खण अनुसमवयणोववत्तीया । [११८] एए नव निहिरयणा पभूयधणरयणसंचयमिद्धा ।
जे वसमुपगच्छंति भरहाविचक्कवट्टीणं । [१२०] तए णं से भरहे राया अट्ठमभत्तंसि परिणममाणंसि पोसहसालाओ पडिणिक्खमइ एवं मज्जणघरपवेसो जाव [अट्ठारस सेणि-प्पसेणीओ सद्दावेइ सद्दावेत्ता एवं वयासी-खिप्पामेव भो देवाणुप्पिया उस्सुक्कं उक्करं उक्किटुं अदिज्जं अमिज्जं अभडप्पवेसं अदंडकोदंडिमं अधरिमं गणियारवरणाडइज्जकलियं अमेगतालायराणुचरियं अनु यमुइंगं अमिलायमल्लदामं पमुइयपक्कीलिय-सुपरजणजाणवयं विजयवेजइयं निहिरयणाणं अट्ठाहियं महामहिमं करेह करेत्ता मम एयमाणत्तियं पच्चप्पिणह तए णं ताओ अट्ठारस-सेणि-प्पेसीणो भरहेण रण्णा एवं वुत्ताओ समणीओ हद्वतुट्ठाओ जाव अट्ठाहियं महामहिमं करेंति करेत्ता तमाणत्तियं पच्चप्पिणंति] तए णं से भरहे राया निहिरयणाणं अट्ठाहियाए महामहिमाए निव्वत्ताए समाणीए सुसेणं सेणावइरयणं सद्दावेइ सद्दावेत्ता एवं वयासी-गच्छण्णं भो देवाणुप्पिया गंगाम-हानईए पुरथिमिल्लं निक्खुड दोच्चंपि सगंगासागरगिरिमेरागं समविसमनिक्खुडाणि य ओयवेहि ओयवेत्ता एयमाणत्तियं पच्चप्पिणाहि तए णं से सुसेणे तं चेव पुव्ववण्णियं भाणियव्वं जाव ओयवित्ता तमाणत्तियं वक्खारो-३
पच्चप्पिणइ पडिविसज्जिए जाव भोगभोगाइं भुंजमाणे विहरइ तए णं से दिव्वे चक्करयणे अन्नया कयाइ आउहघरसालाओ पडिनिक्खमइ पडिनिक्खमित्ता अंतलिक्खपडिवण्णे जक्खसहस्ससंपरिवुडे दिव्वतुड़िय सद्दसण्णिणाएणं आपूरेतं चेव अंबरतलं विजयखंधावारणिवेसं मज्झंमज्झेणं निग्गच्छइ निग्गच्छित्ता दाहिणपच्चत्थिमं दिसिं विणीयं रायहाणिं अभिमुहे पयाए यावि होत्था तए णं से भरहे राया [तं दिव्वं चक्करयणं दाहिणपच्चत्थिमं दिसिं विणीयाए रायगाणीए अभिमुहं पयातं चावि] पासइ पासित्ता हद्वतुट्ठ[दीपरत्नसागर संशोधितः]
[47]
[१८-जंबूद्दीवपन्नत्ति]
| SR No. | 003735 |
| Book Title | Agam 18 Jambudivpannatti Sattam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 122 |
| Language | Prakrit |
| Classification | Book_Devnagari, Agam, Canon, Agam 18, & agam_jambudwipapragnapti |
| File Size | 2 MB |