Page Text
________________
खंडप्पवायगुहमतीति सेण्णसहिए रायपवरे कागणिं गहाय खंडप्पवायगुहाए पच्चत्थिमिल्ल-पुरत्थिमिल्लेसु कडएसु जोयणंतरियाइं पंचधणुसयायामविक्खंभाई जोयणुज्जोयकराई चक्कनेमीसंठियाइं चंदमंडल-पडिणिकासाइं एगू- णपन्नं मंडलाई आलिहमाणे-आलिहमाणे अनुप्पविसइ तए णं सा खंडप्पवायगुहा भरहेणं रण्णा तेहिं जोयणंतरिएहिं पंचधणुसयायामविक्खंभेहिं जोयणुज्जोयकरेहिं एगूणपन्नाए मंडलेहिं आलिहिज्जमाणेहिं-आलिहिज्जमाणेहिं खिप्पामेव आलोगभूया उज्जोयभूया दिवसभूया जाया यावि होत्था ] तीसे णं खंडप्पवायगुहाए बहुमज्झेदसभाए एत्थ णं उम्मुग्ग-निमुग्ग- जलाओ नामं दुवे महानईओ पन्नत्ताओ जाओ णं खंडप्पवरायगुहाए पच्चत्थिमिल्लाओ कडगओ पवूढाओ समाणीओ पुरत्थिमेणं गंगं महान समप्पेंति सेसं तहेव नवरिं-पच्चत्थिमिल्लेणं कूलेणं गंगाए संकमवत्तव्वया तहेव तए णं तीसे खंडगप्पवायगुहाए दाहिणिल्लस्स दुवारस्स कवाडा सयमेव महया - महया कोंचारवं करेमाणा-करेमाणा सरसरस्स सगाई-सगाई ठाणाई पच्चोसविकत्था तए णं से भरहे राया चक्करयणदेसियमग्गे [ अणेगरायवरसहस्साणुयायमग्गे महयाउक्किट्ठिसीहनायबोलकलकलरवेणं पक्खुभियमहा-समुद्दरवभूयंपिव करेमाणेकरेमाणे] खंडगप्पवायगुहाओ दक्खिणिल्लेणं दारेणं नीणेइ ससिव्व मेहंधकारनिवहाओ ।
[१०५] तए णं से भरहे राया गंगाए महानईए पच्चत्थिमिल्ले कूले दुवालसजोयणायामं नवजोयणविच्छिण्णं वरणगरसरिच्छं विजयखंधावारणिवेसं करेइ [करेत्ता वड्ढड्रयणं सद्दावेइ सद्दावेत्ता एवं वयासी-खिप्पामेव भो देवाणुप्पिया मम आवासं पोसहसालं च करेहि करेत्ता ममेयमाणत्तियं पच्चप्पिणाहि तए णं से वड्ढरयणे भरहेणं रण्णा एवं वुत्ते समाणे हट्ठतुट्ठ-चित्त-माणंदिए नंदिए पीइमए परमसोमणस्सिए हरिसवसविसप्पमाणहियए करयलपरिग्गहियं सिरसावत्तं मत्थए अंजलिं कट्टु एवं सामी तहि आणाए विणएणं वयणं पडिसुणेइ पडिसुणेत्ता भरहस्स रण्णो आवसहं पोसहसालं च करेइ करेत्ता एयमाणत्तियं खिप्पामेव पच्चप्पिणति तए णं से भरहे राया आभिसेक्काओ हत्थिरयणाओ पच्चोरुहइ पच्चोरुहित्ता जेणेव पोसहसाला तेणेव उवागच्छइ उवागच्छित्ता पोसहसालं अनुपविसइ अनुपविसिता पोसहसालं पमज्जइ पमज्जित्ता दब्भसंथारगं संथरइ संथरित्ता दब्भसंथारगं दुरुहइ दुरुहित्ता] निहिरयणाणं अट्ठमभत्तं पगिण्हइ तए णं से भरहे राया पोसहसालाए पोसहिए बंभया उम्मुक्कमणिसुवण्णे ववगयमालावण्मगविलेवणे निक्खित्तसत्थमुसले दब्भसंथारोवगए अट्ठमभत्तिय निहिरयणे मणसीकरेमाणे- मणसीकरेमाणे चिट्ठइ तस्स य अपरिमियरत्तरयणा धुवमक्खयमव्वया सदेवा लोकोपचयंकरा उवगया नव निहिओ लोग विस्सुयजसा [तं जहा] - |
|
[१०६] नेसप्पे पंडुयए पिंगलए सव्वरयण महाप काले य महाकाले माणवग महानिही संखे I [१०७] नेसप्पंमि निवेसा गामागरणगरपट्टणाणं दोणमुहमडंबाणं
च
I
खंधावारावणगिहणं
वक्खारो-३
।
[१०८] गणियस्स य उप्पत्ती माणुम्माणस्स जं पमाणं च धण्णस्स य बीयाण य उप्पत्ती पंडुए भणिया । [१०९] सव्वा आभरणविही पुरिसाणं जा य होइ महिलाणं । आसाण य हत्थीण य पिंगलगणिहिंमि सा भमिय । [११०] रयणाइं सव्वरयणे चोदसर्स पवराइं चक्कवट्टिस्स ।
[46]
[ दीपरत्नसागर संशोधितः ]
[१८-जंबूद्दीवपन्नत्ति]
| SR No. | 003735 |
| Book Title | Agam 18 Jambudivpannatti Sattam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 122 |
| Language | Prakrit |
| Classification | Book_Devnagari, Agam, Canon, Agam 18, & agam_jambudwipapragnapti |
| File Size | 2 MB |