Page Text
________________
तेणेव उवागच्छइ उवागच्छित्ता चुल्लहिमवंतवासहरपव्वयस्स अदूरसामंते दुवालसजोयणायाम नवजोयणविच्छिण्णं वरणगरसरिच्छं विजयखंधावारनिवेसं करेइ जाव चुल्लहिमवंतगिरिकुमारस्स देवस्स अट्ठमभत्तं पगिण्हइ तहेव जहा- मागहकुमारस्स नवरं-उत्तर-दिसाभिमुहे जेणेव चुल्लहिमवंतवासहपव्वए तेणेव उवागच्छड़ उवागच्छित्ता चुल्लहिमवंतवासहरपव्वयं तिक्खुत्तो रहसिरेणं फुसइ फुसित्ता तुरए निगिण्हइ निगिण्हित्ता रहं ठवेइ ठवेत्ता धणुं परामुसइ तहेव जाव आयातकण्णायतं च काऊण उसुमुदारं इमाणि वयणाणि तत्थ भाणीय से नरवई-हिंदि सुणंतु भवंतो बाहिरओ खलु सरस्स जे देवा नागासुरा सुवण्णा तेसिं खु नमो पणिवयामि हंदि सुणंतु भवंतो अभिंतरओ सरस्स जे देवा नागासुरा सुवण्णा] सव्वे मे ते विसयवासी इतिकट्ट उड्ढं वेहासं उसुं निसरइ-परिगरणिगरियमज्झो [वाउछुयसोभमाणकोसेज्जोचित्तेण सोभते धणुवरेणं इंदोव्व पच्चक्खं तं चंचलायमाणं पंचविमचंदोवमं महाचावं छज्जइ वामे हत्थे नरवइणो तंमि विजयंमि] तए णं से सरे भरहेणं रण्णा उड्ढं वेहासं निसट्टे समाणे खिप्पामेव बावत्तरि जोयणाई गंता चुल्लहिमवंतगिरिकुमारस्स देवस्स मेराए निवइए तए णं से चुल्लहिमवंतगिरिकमारे देवे मेराए सरं निवइयं पासइ पासित्ता आसुरुत्ते रुढे जाव पीइदानं सव्वोसहिं च मालं गोसीसचंदणं कडगाणि जाव दहोदगं च गेण्हइ गेण्हित्ता ताए उक्किट्ठाए [तुरियाए चवलाए जइणाए सीहाए सिग्घाए उद्धृयाए दिव्वाए देवगईए वीईवयमाणे-वीईवयमाणे जेणेव भरहे राया तेणेव उवागच्छइ उवागच्छित्ता अंतलिक्खपडिवण्णे संखिखिणीयाइं पंचवण्णाइं वत्थाई पवर परिहिए करयलपरिग्गहियं दसण्णहं सिरसावत्तं मत्थए अंजलिं कट्ट भरहं रायं जएणं विजएणं वद्धावेइं वद्धावेत्ता एवं वयासी-अभिजिए णं देवाणुप्पिएहिं केवलकप्पे भरहे वासे] उत्तरेणं चुल्लहिमवंतगिरिमेराए अहण्णं देवाणुप्पियाणं विसयवासी [अहण्णं देवाणप्पियाणं आणत्तीकिंकरे] अहण्णं देवाणुप्पियाणं उत्तरिल्ले अंतवाले तं चेव जाव पडिविसज्जेइ ।
[९७] तए णं से भरहे राया तुरए निगिण्हइ निगिण्हित्ता रहं परावत्तेइ परावत्तेत्ता जेणेव उसहकूडे तेणेव उवागच्छइ उवागच्छित्ता उसहकूडं पव्वयं तिक्खुत्तो रहसिरेणं फुसइ फुसित्ता तुरए निगिण्हइ निगिण्हित्ता रहं ठवेइ ठवेत्ता छत्तलं दुवालसंसियं अट्ठकण्णियं अहिगरणिसंठियं सोवण्णियं कागणिरयणं परामुसइ परामुसित्ता उसभकूडस्स पव्वयस्स पुरथिमिल्लसि कडगंसि नामगं आउडेइ- |
[९८] ओसप्पिणी इमीसे तइयाए समाइ पच्छिमे भाए ।
अहमंसि चक्कवट्टी भरहो इति नामधेज्जेणं । [९९] अहमंसि पढमराया इहइं भरहाहवो नरवरिंदो ।
नत्थि महं पडिसत्तू जियं मए भारहं वासं । [१००] इतिकट्ट नामगं आउडेइ आउडेत्ता रहं परावत्तेइ पारवत्तेत्ता जेणेव विजयखंधावार वक्खारो-३
निवेसे जेणेव बाहिरिया उवट्ठाणसाला तेणेव उवागच्छइ उवागच्छित्ता जाव-तए णं से दिव्वे चक्करयणे चुल्लहिमवंतगिरिकुमारस्स देवस्स अट्ठाहियाए महामहिमाए निव्वत्ताए समाणीए आउहघरसालाओ पडिणिक्खमइ पडिणिक्खमित्ता जाव दाहिणं दिसिं वेयड्ढपव्वयाभिमुहे पयाते यावि होत्था ।
[१०१] तए णं से भरहे राया तं दिव्वं चक्करयणं दाहिणं दिसिं वेयड्ढपव्वयाभिमुह पयातं चावि पासइ पासित्ता हद्वतुट्ठ-चित्तमाणदिए जाव जेणेव वेयड्ढपव्वए जेणेव वेयड्ढस्स पव्वयस्स उत्तरिल्ले नितंबे तेणेव उवागच्छइ उवागच्छित्ता वेयड्ढस्स पव्वयस्स उत्तरिल्ले नितंब तेणेव उवागच्छइ उवागच्छित्ता वेयड्ढस्स पव्वयस्स उत्तरिल्ले नितंबे वालसजोयणायामं नवजोयणविच्छिण्णं [दीपरत्नसागर संशोधितः]
[43]
[१८-जंबूद्दीवपन्नत्ति]
| SR No. | 003735 |
| Book Title | Agam 18 Jambudivpannatti Sattam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 122 |
| Language | Prakrit |
| Classification | Book_Devnagari, Agam, Canon, Agam 18, & agam_jambudwipapragnapti |
| File Size | 2 MB |