Page Text
________________
उद्दवित्तए वा पडिसेहित्तए वा तहावि य णं अम्हेहिं देवाणुप्पिया तुब्भं पियट्ठयाए भरहस्स रण्णो उवसग्गे कए तं गच्छह णं तुब्भे देवाणुप्पिया पहाया कयबलिकम्मा कयकोउय-मंगल-पायच्छित्ता उल्लपडाडा ओचूलगणियत्था अग्गाई वराई रयणाई गहाय पंजलिउडा पायवडिया भरहं रायाणं सरणं उवेह पणिवइयवच्छला खलु उत्तमपुरिसा नत्थि भे भरहस्स रण्मो अंतियाओ भयमितिकट्टु एवं वदित्ता जामेव दिसिं पाउब्भूया तामेव दिसिं पडिगया तए णं ते आवाडचिलाया मेहमुहेहिं नागकुमारेहिं देवेहिं एवं वुत्ता समाणा उट्ठाए उट्ठेति उट्ठेत्ता ण्हाया कयबलिकम्मा कयकोउय-मंगल-पायच्छित्ता उल्लपडसाडगा ओचूलगनियत्था अग्गाई वराइं रयणाई गहाय जेणेव भरहे राया तेणेव उवागच्छंति उवागच्छित्ता करयलपरिग्गहियं सिरसावत्तं मत्थए अंजलिं कट्टु भरहं रायं जपणं विजएणं वद्धावेंति वद्धावेत्ता अग्गाई वराइं रयणाइं उवर्णेति उवणेत्ता एवं वयासी- ।
[ ९९ ] वसुहर गुणहर जयहर हिरिसिरिधीकित्तिधारकणरिंद
I
लक्खणसहस्सधारक रायमिणं ने चिरं धारे I [९२] हयवति गयवति नरवति नवणिहिवति भरहवासपढमवति । बत्तीसजणवयसहस्सराय सामी चिरं जीव I पढमनरीसर ईसर हियईसर महिलियासहस्साणं । देवसयसहस्सीर चोद्दसरयणीसर जसंसी । [९४] सागरगिरिपेरंतं उत्तरपाईणमभिजियं तुमए
ता अम्हे देवाणुप्पियस्स विसए पिरवसामो T
[९५] अहो णं देवाणुप्पियाणं इड्ढी जुई जसे बले वीरिए पुरिसक्कार- परक्कमे दिव्वा देवजुई दिव्वे देवाणुभागे लद्धे पत्ते अभिसमण्णागए तं दिट्ठा णं देवाणुप्पियाणं इड्ढी जाव अभिसमण्णागए तं खामेमु णं देवाणुप्पिया खमंतु णं देवाणुप्पिया खंतु मरुहंतु णं देवाणुप्पिया नाइ भुज्जो - भुज्जो एवं करणयाएत्तिकट्टु पंजलिउडा पायवडिया भरहं रायं सरणं उवेंति तए णं से भरहे राया तेसिं आवाडचिलायाणं अग्गाई वराइं रयणाई पडिच्छंति पडिच्छित्ता ते आवाडचिलाए एवं वयासी- गच्छह णं भो तुब्भे ममं बाहुच्छायपरिग्गहिया निब्भया निरुव्विग्गा सुहंसुहेणं परिवसह नत्थि भे कत्तोवि भयमितिकट्टु सक्कारेइ सक्कारेत्ता सम्माणेत्ता पडिविसज्जेइ तए णं से भरहे राया सुसेण सेणावई सद्दावेइ सद्दा एवं वयासी-गच्छाहि णं भो देवाणुप्पिया दोच्चं पि सिंधूए महानईए पच्चत्थिमं खु ससिन्धुसागरगिरिमेरागं समवि- समणिक्खुडाणि य ओयवेहि ओयवेत्ता अग्गाई वराइं रयणाई पडिच्छाहिं वक्खारो-३
[९३]
पडिच्छित्ता मम एयमाणत्तियं खिप्पामेव प्चचप्पिणाहि तए णं से सेणावई बलस्स नेया भरहे वासंमि विस्सुयजसे महाबलपरक्कमे जहा- दाहिणिल्लस्स ओयवणं तहा सव्वं भाणियव्वं जाव प्चचुभव विहरति ।
[९६] तए णं दिव्वे चक्करयणे अण्णया कयाइ आउहरसालाओ पडिणिक्खमइ पडिणिक्खमित्ता अंतलिक्खपडिवण्णे [जक्खसहस्ससंपरिवुडे दिव्वतुडियसद्दसण्णिणादेणं पूर्रेते चेव अंबरतलं उत्तरपुरत्थिमं दिसिं चुल्लहिमवंतपव्वयाभिमुहे पयाते यावि होत्था तए णं से भरहे राया तं दिव्वं चक्करयणं उत्तरपुरत्थिमं दिसिं चुल्लहिमवंत - पव्वयाभिमुहं पयातं पासइ जाव जेणेव चुल्लहिमवंतपव्व [दीपरत्नसागर संशोधितः ]
[42]
[१८-जंबूद्दीवपन्नत्ति]
| SR No. | 003735 |
| Book Title | Agam 18 Jambudivpannatti Sattam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 122 |
| Language | Prakrit |
| Classification | Book_Devnagari, Agam, Canon, Agam 18, & agam_jambudwipapragnapti |
| File Size | 2 MB |