Page Text
________________
नरिंदवामप्पमाणपगइवित्थडं कुमुदसंडधवलं रण्णो संचारिमं विमाणं सुरातववायवुढिदोसाणं य खयकरं तवगुणेहिं लद्धं- ।
[८६] अहयं बहुगुणदाणं उऊण विवरीयसुकयच्छायं ।
छत्तरयणं पहाणं सुदुल्लहं अप्पुण्णाणं । [८७] पमाणराईण तवगुणाण फलेगदेसभागं विमाणवासेवि दुल्लहतरं वग्घारियमल्लदामकलावं सारयधवलब्भ-रयणिगरप्पगालसं दिव्वं छत्तरयणं महिवइस्स धरणियलपुन्नचंदो तए णं से दिव्वे छत्तरतणे भरहेणं रण्णा परामुढे समाणे खिप्पामेव दुवालस जोयणाइं पवित्थरइ साहियाई तिरियं ।
___ [८८] तए णं से भरहे राया छत्तरयणं खंधावारस्सुवरि ठवेइ ठवेत्ता मणिरयणं परामुसइवेढो जाव छत्तरयणस्स वत्थिभागंसि ठवेइ तस्स य अणतिवरं चारुरूवं सिलणिहियत्थमंतसित्त-सालि-जवगोहूम-मुग्ग-मास-तिल-कुलत्थ-सद्विगनिप्फाव-चणग-कोद्दव-कोत्थंभरि-कंगु-बरग-रालग-अमेगधण्णावरणहरितग-अल्लग-मूलग-हलिद्दि-लाउय-तउस-तुंब-कालिंग-कविट्ठ-अंब-अंबि-लिय-सव्वणिप्फायए सुकुसले गाहावइरयणेत्ति सव्वजणवीसुतगुणे तए णं से गाहावइरयणे भरहस्स रण्णो तद्दिवसप्पइण्ण-निप्फइयपूयाणं सव्वधण्णाणं अमेगाई कुंभसहस्साइं उवट्ठवेति तए णं से भरहे राया चम्मरयणसमारूढे छत्तरयणसमोच्छन्ने मणिरयणकउज्जोए समुग्गयभूएणं सुहंसुहेणं सत्तरत्तं परिवसइ- |
[८९] नवि से खुहा न तण्हा नेव भयं नेव विज्जए दुक्खं ।।
भरहाहिवस्स रणो खंधावारस्सवि तहेव । [९०] तए णं तस्स भरहस्स रण्णो सत्तरत्तंसि परिणममाणंसि इमेयारूवे अज्झत्थिए चिंतिए पत्थिए मणोगए संकप्पे समुप्पज्जित्था-केस णं भो अपत्थियपत्थए दुरंतपंतलक्खणे [हीणपुन्नचाउद्दसे हिरिसिरि] परिवज्जिए जे णं ममं इमाए एयारूवाए [दिव्वाए देवड्ढीए दिव्वाए देवजुईए दिव्वेणं देवाणुभावेणं लद्धाए पत्ताए] अभिसमण्णागयाए उप्पिं विजयखंधावारस्स जुगमुसलमुढिं प्पमाणमेत्ताहिं धाराहिं ओघमेघं सत्तरत्तं वासं वासइ तए मं तस्स भरहस्स रण्णो इमेयारूवं अज्झत्थियं चिंतियं पत्थियं मणोगयं संकप्पं समुप्पण्णं जाणित्ता सोलस देवसहस्सा सण्णज्झिउं पवत्ता यावि होत्था तए णं ते देवा सण्णद्धबद्धवम्मियकवया [उप्पीलियसरासणपट्टिया पिणद्धगेवेज्ज-बद्धआ-विद्धविमलवरचिंधपट्टा गहियाउहप्पहरणा जेणेव ते मेहमुहा नागकुमारा देवा तेणेव उवागच्छंति उवागच्छित्ता मेहमुहे नागकुमारे देवे एवं वयासी-हं भो मेहमुहा नागकुमारा देवा अपत्थियपत्थगा [दुरंतपंतलक्खणा हीणपुन्नचाउद्दसा वक्खारो-३
हिरिसिरि] परिवज्जिया किण्णं तुब्भे न याणह भरहं रायं चाउरंतचक्कवहि महिड्ढीयं जाव उद्दवित्तए वा पडिसेहित्तए वा तहावि णं तुब्भे भरहस्स रण्णो विजयखंधावारस्स उप्पिं जुगमुसलमुट्ठिप्पमाणमेत्ताहिं धाराहिं ओघमेघं सत्तरत्तं वासं वासह तं एवमवि गते इत्तो खिप्पामेव अवक्कमह अहव णं अज् पासह चित्तं जीवलोग कए णं ते मेहमहा नागकमारा देवा तेहिं देवेहिं एवं वृत्ता समाणा भीया तत्था वहिया उव्विग्गा संजायभया मेहाणीकं पडिसाहरंति पडिसाहरित्ता जेणेव आवाडचिलाया तेणेव उवागच्छंति उवागच्छित्ता आवाडचिलाए एवं वयासी-एस णं देवाणुप्पिया भरहे राया महिड्ढीए [महज्जुईए महाबले महायसे महासोक्खे] महाणुभागे नो खलु एस सक्को केणइ देवेण वा [दानवेण वा किण्णरेण वा किंपरिसेण वा महोरगेण वा गंधव्वेण वा सत्थप्पओगेण वा अग्गिप्पओगेण वा मंतप्पओगेण वा] [दीपरत्नसागर संशोधितः]
[41]
[१८-जंबूद्दीवपन्नत्ति]
| SR No. | 003735 |
| Book Title | Agam 18 Jambudivpannatti Sattam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 122 |
| Language | Prakrit |
| Classification | Book_Devnagari, Agam, Canon, Agam 18, & agam_jambudwipapragnapti |
| File Size | 2 MB |