Page Text
________________
परिणमाणंसि मेहमुहाणं नागकुमाराणं आसणाइं चलंति तए मं मेहमुहा नागकुमारा देवा आसणिं चलियाई पासंति पासित्ता ओहिं पउंजंति पउंजित्ता आवाइचिलाए ओहिणा आभोएंति आभोएत्ता अण्णमण्णं स्ददावेंति सद्दावेत्ता एवं वयासी-एवं खलु देवाणुप्पिया जंबुद्दीवे दीवे उत्तरड्ढभरहे वासे आवाडचिलाया सिंधूए महानईए वालुयासंथा-रोवगया उत्ताणगा अवसणा अट्ठमभत्तिया अम्हे कुलदेवए मेहमुहे नागकुमारे देवे मणीसकरेमाणा-मणीसकरेमाणा चिट्ठति तं सेयं खलु देवाणुप्पिया अम्हं आवाइचिलायाणं अंतिए पाउब्भवित्तएत्तिकट्ट अण्णमण्णस्स अंतिए एयमद्वं पडिसुणेति पडिसुणेत्ता ताए उक्किट्टाए तुरियाए जाव वीतिवयमाणा-वीतिवयमाणा जेणेव जंबुद्दीवे दीवे उत्तरड्ढभरहे वासे जेणेव सिंधू महानई जेणेव आवाडचिलाया तेणेव उवागच्छंति उवागच्छित्ता अंतलिक्खपडिवण्मा संखिखिणयाइं पंचवण्णाई वत्थाई पवर परिहिया ते आवाडचिलाए एवं वयासी-हं भो आवाडचिलाया जण्णं तुब्भे देवणुप्पिया वालुयासंथारोवगया उत्ताणगा अवसणा अट्ठमभत्तया अम्हे कुलदेवए मेहमुहे नागकुमारे देवे मनसीकरेमाणा-मनसीकरेमाणा चिट्ठह तए णं अम्हे मेहमुहा नागकुमारा देवा तुब्भं कुलदेवया तुम्हें अंतियण्णं पाउब्भूया तं वदह णं देवाणुप्पिया किं करेमो किं आचिट्ठामो के व भे मणसाइए तए णं ते आवाडचिलाया मेहमुहाणं नागकुमाराणं देवाणं अंतिए एयमढे सोच्चा निसम्म हद्वतुट्ठ-चित्तमाणंदिया जाव मेहमुहे नागकुमारे देवे जएणं विजएणं वद्धाति वद्धावेत्ता एवं वयासी-एस णं देवाणुप्पिया केइ अपत्थियपत्थए दुरंतपंतलक्खणे हीणपुन्नचाउद्दसे हरिसिरिपरिवज्जिए जे णं अम्हं विसयस्स उवरिं विरिएणं हव्व-मागच्छइ तं तहा णं छत्तेह देवाणुप्पिया जहा- णं एस अम्हं विसयस्स उवरिं विरिएणं नो हव्वमागच्छइ तए णं ते मेहमुहा नागकुमारा देवा ते आवाडचिलाए एवं वयासी-एस णं भो देवाणुप्पिया भरहेनामं राया चाउरंतचक्कवट्टी महिड्ढीए [महज्जुईए महाबले महायसे] महासोक्खे महाणुभागे नो खलु एस सक्को केणइ देवेण वा दानवेणं वा किन्नरेण वा किंपरिसेणं वा महोरगेणं वा गंधव्वेण वा सत्थप्पओगेण वा अग्गिप्पओगेणं वा मंतप्पओगेण वा उद्दवित्तए वा पडिसेहित्तए वा तहावि य णं तुब्भं पियट्टयाए भरहस्स रण्णो उवसग्गं करेमोत्तिकट्ट तेसिं आवाडचिलायाणं अंतियाओ अवक्कमंति अवक्कामेत्ता वेठव्वियसमुग्घाएणं समोहण्णंति समोहणित्ता मेहाणीयं विउव्वंति विउव्वित्ता जेणेव भरहस्स रण्णो विजयखंधावारणिवेसे तेणेव उवागच्छंति उवागच्छित्ता उप्पिं विजयखंधावरनिवेसस्स खिप्पामेव पतणतणायंति पतणतणायित्ता खिप्पामेव पविज्जुयायंति पविज्जुयायित्ता खिप्पामेव जगमसलमद्विप्पमाणमेत्ताहिं धाराहिं ओघमेघं सत्तरत्तं वासं वासिउं पवत्ता यावि होत्था । वक्खारो-३
[८५] तए णं से भरहे राया उप्पिं विजयखंधावरस्स जुगमुसलमुट्ठिप्पमाणमेत्ताहिं धाराहिं ओघमेघं सत्तरत्तं वासं वासमाणंपासइ पासित्त चम्मरयणं परामुसइ-तए णं तं सिरिवच्छसरिसरूवं वेढो भाणियव्वो जाव दुवालसजोयणाइं तिरियं पवित्थरइ तत्थ साहियाइं तए णं से भरहे राया सखंधारबले चम्मरयणं दुहइ दुरुहित्ता दिव्वं छत्तरयणं परामुसइ-तए णं नवणउइसहस्सकंचण-सलागपरिमंडियं महरिहं अओज्झं निव्वण-सुपसत्थ-विसिठ्ठलट्ठ-कंचणसुपुट्ठदंडं मिउरायत-वट्टलट्ठअरविंदकण्णिय-समाणरूवं वत्थिपएसे य पंजरविराइयं विविहभत्तिचित्तं मणि-मुत्त-पवाल-तत्ततवणिज्ज-पंचवण्णियधोतरयणरूवरइयं रयणमिरीईसमोप्पणाकप्पकारमणुरंजिएल्लियं रायलच्छिचिंधं अज्जुणसुवण्णपंडुरपच्चत्थुपयट्ठदेसभागं तहेव तवणिज्जपट्टधम्मतपरिगयं अहियसस्सिरीयं सारयरयणियरविमलपडिपुन्नचंदमण्डलसमाणरूवं
दीपरत्नसागर संशोधितः]
[40]
[१८-जंबूद्दीवपन्नत्ति]
| SR No. | 003735 |
| Book Title | Agam 18 Jambudivpannatti Sattam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 122 |
| Language | Prakrit |
| Classification | Book_Devnagari, Agam, Canon, Agam 18, & agam_jambudwipapragnapti |
| File Size | 2 MB |