Page Text
________________
[८१] तए णं से सेणाबलस्स नेया वेढो जाव भरहस्स रण्णो अग्गाणीयं आवाडचिलाएहिं हयमहियपवरवीरं घाइयविवडियचिंधद्धयपडागं किच्छप्पाणोवगयंदिसोदिसिं पडिसेहियं पासइ पासित्ता आसुरुत्त रुढे चंडिक्किए कुविए मिसिमिसेमाणे कमलामलं आसरयणं दुरुहइ ते णं तं असीइमंगुलमूसियं नवणउइमंगुलपरिणाहं अट्ठसयमंगुलमायतं बत्तीसमगुलमूसियसिरं चउरंगुलकण्णाकं वीसइअंगुलबाहाकं चउरंगुलजण्णुकं सोलसअंगुलजंघाकं चउरंगुलमूसियखुरं मुत्तोलीसंवत्तवलियमज्झं ईसिं अंगुट्ठपणयपटुं संणयपटुं संगयपटुं सुजायपटुं पसत्थपढें विसिट्ठपढे एणीजण्णुण्णय-वित्थय-थद्धपहुं वित्तलय-कसणिवायअंकेल्लणपहार-परिवज्जिअंगं तवणिज्जथा-सगाहिलाणं वरकणगसुफुल्लथासग-विचित्तरयण-रज्जुपासं कंचणमणिकणगपयरग-नाणाविहघंटि-जाल-मुत्तियाजालएहिं परिमंडिएणं पटेणं सोभमाणेणं सोभमाणं कक्केयण-इंदनील-मरगय-मसारगल्ल-मुहमंडणरइयं आविद्दमाणिक्कसुत्तगविभूसियं कणगामयपउमसुकयतिलकं देवमइविक्कप्पियं सुरवरिंदवाहणजोग्गं च तं सुरूवं दुइज्जमाणपंचचारुचामरामेलगं धरतं अणदब्भवाहं अभेलयणं कोकासियबहलपत्तलच्छं सयावरणनवकणग-तवियतवणिज्जताल-जीहासयं सिरिआभिसेयधोणं पोक्खरपत्तिमिव सलिलबिंदु अचंचलं चंचलसरीरं चोक्ख-चरग-परिव्वायगो विव हिलीयमाणंहिलीयमाणं खुरचलणपच्चपुडेहिं धरणियलं अभिहणमाणं-अभिहणमाणं दोवि य चलणे जमगसमगं मुहाओ विणिग्गमंतं व सिग्घयाए मुणाल-तंतुउदगमवि निस्साए पक्कमंतं जाइकुलरूवपच्चय-पसत्थबारसावत्तगविसुद्दलक्खणं सुकुलप्प-सूयं महाविं भद्दयं विणीयं अनुकत-णुकसुकुमाललोमनिद्धच्छविं सुयातं अमरमण-पवण-गरुल-जइणचवलसिग्घगामि इसिमिव खंतिखमे सुसीसमिव पच्चक्खययाविणीयं उदग-हुतवहपासाण-पंसु-कद्दम-ससक्कर-सवा-लुइल्ल-तड-कडग-विसम-पब्भार-गिरिदरीसु लंघण-पिल्लण-नित्थारणासमत्थं अचंडापडियं दंडपातिं अणंसुपातिं अकालतालुंच कालहेसिं जियनिदं गवेसगं जियपरिसहं जच्चजातीयं मल्लिहाणिं सुगपत्तसुवण्म-कोमलं मणाभिरामं कमलामेलं नामेणं आसरयणं सेणावई कमेणं समभिरूढे कुवलयदलसामलं च रयणिकरमण्डलनिभं सत्तूजणविणासणं कणगरयणदंडं नवमालियपुप्फसुरभिगंधिं नानामणिलय-भत्तिचित्तं च पधोत-मिसि-मिसिंत-तिक्खधारं दिव्वं खग्गरयणं लोके अणोवमाणं तं च पुणो वंस-रुक्ख-सिंगट्ठि-दंत-कालायस विपुललोहदंडक-वरवइरभेदकं जाव सव्वत्थअप्पडिहयं किं पुण देहेसु जंगमाणं ।
[८२] पन्नासंगुलदीहो सोलंस सो अंगुलाई विच्छिण्णो ।
अद्धंगुलासोणीको जेट्टपमाणो असी भणिओ । वक्खारो-३
[८३] असिरयणं नरवइस्स हत्थाओ तं गहिऊणं जेणेव आवाडचिलाया तेणेव उवागच्छड़ उवागच्छित्ता आवाडचिल्लाएहिं सद्धिं संपलग्गे आवि होत्था तए णं से सुसेणे सेणावई ते आवाडचिलाए हयमहियपवरवीरघाइय जाव दिसोदिसिं पडिसेहेइ ।
[८४] तए णं ते आवाडचिलाया सुसेणसेणावइणा हयमहिय जाव पडिसेहिया समाणा भीया तत्था वहिया उव्विग्गा संजायभया अत्थामा अबला अवीरिया अपुरिसक्कारपरक्कमा अधारणिज्ज-मितिकट्ट अणेगाइं जोयणाइं अवक्कमति अवक्कमित्ता एगयओ मिलायंति मिलायित्ता जेणेव सिंधू महानई तेणेव उवागच्छंति उवागच्छित्ता वालयसंथारए संथरेंति संथरेत्ता वालुयासंथारए दुरुहति दुरिहित्ता अट्ठमभत्ताई पगिण्हंति पगिण्हित्ता वालुयसंथारोवगया उत्ताणगा अवसणा अट्ठमभत्तिया जे तेसिं कुलदेवया मेहमुहा नाम नागकुमारा देवा ते मणसीकरेमाणामणसीकरेमाणा चिटुंति तए मं तेसिमावडचिलायाणं अट्ठमभत्तंसि [दीपरत्नसागर संशोधितः]
[१८-जंबूद्दीवपन्नत्ति]
[39]
| SR No. | 003735 |
| Book Title | Agam 18 Jambudivpannatti Sattam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 122 |
| Language | Prakrit |
| Classification | Book_Devnagari, Agam, Canon, Agam 18, & agam_jambudwipapragnapti |
| File Size | 2 MB |