Page Text
________________
उम्मुग्गणिमुग्गजलाओ महाणईओ तेणेव उवागच्छइ उवागच्छित्ता वड्ढरयणं सद्दावेइ सद्दावेत्ता एवं वयासी-खिप्पामेव भो देवाणुप्पिया उम्मगणिमुग्गजलासु महानईसु अणेगखंभसयसण्णिविढे अचलकंपे अभेज्ज-कवए सालंबणबाहाए सव्वरयणामए सुहसंकमे करेहि करेत्ता मम एयमाणत्तियं खिप्पामेव पच्चप्पिण्णाहिं तए णं से वड्ढरयणे भरहेणं रण्णा एवं वुत्ते समाणे हद्वतुट्ठ-चित्तमाणंदिए [नंदिए पीइमणे परमसोम-णस्सिए हरिसवसविसप्पमाणहियए करयल-परिग्गहियं सिरसावत्तं मत्थए अंजलि कट्ट एवं सामी तहत्ति आणाए] विणएणं वयणं पडिसुणेइ पडिसुणेत्ता खिप्पामेव उम्मुग्गणिमुग्गजलासु महानईसु अमेगखंभसय-सण्णिविढे [अचलमकंपे अभे-ज्जकवए सालंबणबाहाए सव्वरयणामए] सुहसंकमे करेइ करेत्ता जेणेव भरहे राया तेणेव उवागच्छइ उवागच्छित्ता एयमाणत्तियं पच्चप्पिणइ तए णं से भरहे राया संखधावरबले उम्मुग्गणिमुग्गजलाओ महानईओ तेहिं अमेगखंभसयसण्णिविटेहिं [अचलमकंपेहि अभेज्जकवएहिं सव्वरयणामएहिं] सुहसंकमेहिं उत्तरइ तए णं तीसे तिमिसगुहाए उत्तरिल्लस्स दुवारस्स कवाडा सयमेव महया-महया कोंचारवं करेमाणा सरसरस्स सगाइं सगाइं ठाणाइं पच्चोसक्कित्था |
[८०] तेणं कालेणं तेणं समएण उत्तरड्ढभरहे वासे बहवे आवाडा नामं चिलाया परिवतिअड्ढा दित्ता वित्ता विच्छिण्णविउलभवण-सयणासण-जाणवाहणाइण्णा बहधण-बहजायस्वरयया आओगपओगसंपत्ता विच्छड्डियपउरभत्तपाणा बहुदासीदास-गो-महिस-गवेलगप्पभूया बहुजणस्स अपरिभूया सूरा वीरा विक्कंता विच्छिण्णविउलबलबाहणा बहुसु समरसंपराएसु लद्धलक्खा यावि होत्था तए णं तेसिमावाडचिलायाणं अण्णया कयाइ विसयंसि बहूई उप्पाइयसयाइं पाउब्भवित्था तं जहा- अकाले गज्जियं अकाले विज्जुयं अकाले पायवा पुप्फति अभिक्खणं-अभिक्खणं आगासे देवयाओ नच्चंति तए मं ते आवाडचिलाया विसयंसि बहूई उप्पाइयसयाई पाउब्भूयाई पासंति पासित्ता अण्णमण्णं सद्दावेंति सद्दावेत्ता एवं वयासी-एवं खलु देवाणुप्पिया अम्हं विसयंसि बहूइं उप्पाइयसयाई पाउब्भूयाइं तं जहाअकाले गज्जियं अकाले विज्जुयं अकाले पायवा पुप्फंति अभिक्खणं-अभिक्खणं आगासे देवयाओ नच्चंति तं णं नज्जइ णं देवाणुप्पिया अम्हं विसयस्स के मन्ने उवद्दवे भविस्सइत्ति कट्ट ओहयमणसंकप्पा चिंतासोगसागरं पविट्ठा करयलपल्हत्थमुहा अट्टज्झाणोवगया भूमिगयदिट्ठिया झियायंति तए णं से भरहे राया चक्करयणदेसियमग्गे जाव समुद्दरवभूयं पिव करेमाणे-करेमाणे तिमिसगुहाओ उत्तरिल्लेणं दारेणं
नीति वक्खारो-३
ससिव्व मेहंधयारणिवहा तए णं ते आवाडचिलाया भरहस्स रण्णो अग्गाणीयं एज्जमाणं पासंति पासित्ता आसुरुत्ता रुट्ठा चंडिक्किया कविया मिसिमिसेमाणे अन्नमण्णं सद्दावेंति सद्दावेत्ता एवं वयासी-एस णं देवाणुप्पिया केइ अप्पत्थियपत्थए दुरंतपंतलक्खणे हीणपुन्नचाउद्दसे हिरिसिरिपरिवज्जे जे णं अम्हं विसयस्स उवरिं विरिएणं हव्वमागच्छड़ तं तहा णं धत्ताओ देवाणुप्पिया जहा- णं एस णअम्हं विसयस्स उवरिं विरिएणं नो हव्वमागच्छइत्तिकट्ठ अण्णमण्णस्स अंतिए एयमद्वं पडिसुणेति पडिसुणेत्ता सण्णद्धबद्धवम्मियकवया उप्पीलियसरासणपट्टिया पिणद्धगेवेज्जा बद्धाआविद्धविमलवरचिंधपट्टा गहिआउहप्पहरणा जेणेव भरहस्स रण्णो अग्गाणीयं तेणेव उवागच्छंति उवागच्छत्ता भरहस्स रण्णो अगागणीएण सद्धि संपलग्गा यावि होत्था तए णं ते आवाडचिलाया भरहस्स रण्णो अग्गाणीयं हयमहियपवरवीरघाइय विवडियचिधद्धयपडागं किच्छप्पाणोवगहयं दिसोदिसिं पडिसेहेंति ।
दीपरत्नसागर संशोधितः]
[38]
[१८-जंबूद्दीवपन्नत्ति]
| SR No. | 003735 |
| Book Title | Agam 18 Jambudivpannatti Sattam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 122 |
| Language | Prakrit |
| Classification | Book_Devnagari, Agam, Canon, Agam 18, & agam_jambudwipapragnapti |
| File Size | 2 MB |