Page Text
________________
तुट्ठ-चित्तमाणंदिए [नंदिए पीइमणे परमसोमणस्सिए हरिसवसविसप्पमाणा] हियए सुसेणं सेणावई सक्कारेइ सम्माणेइ सक्कारेत्ता सम्माणेत्ता कोडुबियपुरिसे सद्दावेइ सद्दावेत्ता एवं वयासी-खिप्पामेव भो देवाणुप्पिया आभिसेक्कं हत्थिरयणं पडिकप्पेह हय-गय-रह-पवरजो-हक-लियं चाउरंगिणिं सेण्णं सण्णाहेह तहेव जाव अंजणगिरिकूडसण्णिभं गयवरं नरवई दुरुढे ।
[८] तए णं से भरहे राया मणिरयणं परामुसइ-तो तं चउरंगुलप्पमाणमेत्तं च अणग्धियं तंस-च्छलंस अमोवमजुइं दिव्वं मणिरयणपतिसमं वेरुलियं सव्वभूयकंतं वेढो-जेणं य मुद्धागएण दुक्खं न किंचि जायइ हवइ आरोग्गे य सव्वकालं तेरिच्छिय-देवमाणुसकया य उवसग्गा सव्वे न करेंति तस्स दुक्खं संगामे वि असत्थवज्झो होइ नरो मणिवरं धरतो ठियजोव्वण-केसअवट्ठियणहो हवइ य सव्वभयविप्पमुक्को तं मणियरयणं गहाय से नरवई हत्थिरयणस्स दाहिणिल्लाए कुंभीए निक्खिवइ तए णं से भरहाविहे नरिंदे हारोत्थयसुकयरइयवच्छे जाव अमरवइसण्णिभाए इड्ढीए पहियकित्ती मणिरयण-कउज्जोए चक्करयणदेसियमग्गे अणेगरायवरसहस्साणुयायमग्गे महयाउक्किट्ठिसीहनायबोलकल-कलरवेणं पक्खुभियमहासमुद्दरवभूयंपिव करेमाणे-करेमाणे जेणेव तिमिसगुहाए दाहिणिल्ले दुवारे तेणेव उवागच्छड़ उवागच्छित्ता तिमिसगुहं दाहिणिल्लेणं दुवारेणं अतीति ससिव्व मेहंधकारनिवहं तए णं से भरहे राया छत्तलं दुवालसंसियं अट्ठकण्णिय अहिगरणिसंठियं अट्टसोवण्णियं कागणिरयणं परामसइ तए णं तं चउरंगुलप्प-माणमित्तं अट्ठसवण्ण च विसहरणं अउलं चउरंससंठाण-संठियं समतलं माणुम्माणजोगा जतो लोगे चरंति सव्वजणपन्नावगा नवि चंदो नवि तत्थ सूरो नवि अग्गी नवि तत्थ मणिणो तिमिरं नासेंति अंधकारे जत्थ तकं दिव्वप्पभापुवजुत्तं दुवालसजोयणाइं तस्स लेस्साओ विवड्ढंति तिमिरणिगरपडिसेहियाओ रत्तिं च सव्वकलं खंधावारे करेइ आलोयं दिवसभूयजस्स पभावेणं चक्कवट्टी तिमिसगुहमतीति सेण्णसहिए अभिजेतुं बितियमद्धभरहं रायपवरे कागणिं गहाय तिमिसगुहाए पुरथिमिल्लपच्चत्थिमिल्लेसु कडएसु जोयणंतरियाई पंचधणुसयायामविक्खंभाइं जोयणुज्जोयकराई चक्कनेमीसंठियाई चंदमंडलपडिणिकासाइं एगूणपन्नं मंडलाइं आलिहमाणे-आलिहमाणे अनुप्पविसइ तए णं सा तिमिसगुहा भरहेणं रण्णा तेहिं जोयणंतरिएहिं [पंचधणुसयायामविक्खंभेहिं] जोयणुज्जोयकरहिं एग्गूणपन्नाए मंडलेहिं आलिहिज्जमाणेहिंवक्खारो-३
आलिहिज्जमाणेहिं खिप्पामेव आलोगभूया उज्जोयभूया दिवसभूया जाया यावि होत्था ।
[७९] तीसे णं तिमिसगुहाए बहुमज्झदेसभाए एत्थ णं उम्मुग्ग-निमुग्गजलाओ नाम दुवे महानईओ पन्नत्ताओ जाओ णं तिमिसगुहाए पुरथिमिल्लाओ भित्तिकडगाओ पवूढाओ समाणीओ पच्चत्थिमेणं सिंधु महानइं समप्पेंति से केणद्वेणं भंते एवं वुच्चइ-उम्मुग्ग-निमुग्गजलाओ महानईओ गोयमा जण्णं उम्मुग्गजलाए महानईए तणं वा पत्तं वा कटुं वा सक्करा वा आसे वा हत्थी वा रहे वा जोहे वा मणुस्से वा पक्खिप्पइ तण्णं उम्मुग्गजला महानई तिक्खुत्तो आहुणिय-आहुणिय एगंते थलंसि एडेइ जण्णं निमुग्गजलाए महानईए तणं वा पत्तं वा कटुं वा सक्करा वा [आसे वा हत्थी वा रहे वा जोहे वा] मणुस्से वा पक्खिप्पड़ तण्णं निमुग्गजला महानई तिक्खुत्तो आहुणिय-आहुणिय अंतो जलंसि निमज्जावेइ से तेणटेणं गोयमा एवं वुच्चइ-उम्मुग्गणिमुग्गजलाओ महानईओ तए णं से भरहे राया चक्करयणदेसियमग्गे अमेगरायवरसहस्साणुयायमग्गे महया उक्किट्ठिसीहणायं [बोलकलकलरवेणं पक्खुभियमहासमुद्दरवभूयंपिव] करेमाणे-करेमाणे सिंधूए महानईए पुरत्थि-मिल्लेणं कूलेणं जेणेव [दीपरत्नसागर संशोधितः]
[37]
[१८-जंबूद्दीवपन्नत्ति]
| SR No. | 003735 |
| Book Title | Agam 18 Jambudivpannatti Sattam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 122 |
| Language | Prakrit |
| Classification | Book_Devnagari, Agam, Canon, Agam 18, & agam_jambudwipapragnapti |
| File Size | 2 MB |