Page Text
________________
वरणगरसरिच्छं विजयखंधावारनिवेसं करेइ जाव पोसहसालं अनुपविसइ [अनुपविसित्ता पोसहसालं पमज्जइ पमज्जित्ता दब्भसंथारगं संथरइ संथरित्ता दब्भसंथारगं दुरुहइ दुरुहित्ता] नमिविनमीणं विज्जाहरराईणं अट्ठमभत्तं पगिण्हइ पगिण्हित्ता पोसहसालाए जाव नमि-विनमि-विज्जाहररायणो मणसीकरेमाणे-मणसीकरेमाणे चिट्ठइ तए णं तस्स भरहस्स रण्णो अट्ठमभत्तंसि परिणममाणंसि नमि विनमी विज्जाहररायाणो दिव्वाए मईए चोइयमई अण्णमण्णस्स अंतियं पाउब्भवंति पाउब्भवित्ता एवं वयासी-उप्पन्ने खलु भो देवाणुप्पिया जंबुद्दीवे दीवे भरहे वासे भरहे राया चाउरंतचक्कवट्टी तं जीयमेयं तीयपच्चुप्पन्नमणागयाणं विज्जाहरराईणं चक्कवट्टीणं उवत्थाणियं करेत्तए तं गच्छामो णं देवाणुप्पिया अम्हेवि भरहस्स रण्णो उवत्थाणियं करेमोत्तिकट्ट विनमी नाऊणं चक्कवढेि दिव्वाए मईए चोइयमई माणुम्माणप्पमाणजुत्तं तेयस्सिं रूवलक्खणजुत्तं ठियजुव्वणकेसवट्ठियनहं सव्वामयणासणिं बलकरिं इच्छियसीउण्हफासजुत्तं- ।
_ [१०२] तिसु तणुयं तिसु तंबं तिवलीणं तिउण्णयं तिगंभीरं ।
तिसु कालं तिसु सेयं तियायतं तिसु य विच्छिण्णं । [१०३] समसरीरं भरहे वासंमि सव्वमहिलप्पहाणं सुंदरथण-जघण-वरकर-चरण-नयणसिरसिज-दसण-जणहिदयरमण-मणहरिं सिंगारागार [चारुवेसं संगयगय-हसिय-भणिय-चिट्ठिय विलास-संलावनिउण] जुत्तोवयारकुसलं अमरबहूणं सुरूवं रूवेणं अनुहरंति सुभदं भदंमि जोव्वणे वट्टमाणिं इत्थीरयणं नमी य रयणाणि य कडगाणि य तुडियाणि य गेण्हइ गेण्हित्ता ताए उक्किट्ठाए तुरियाए [चवलाए जइणाए सीहए सिग्घाए] उद्धृयाए विज्जाहरगईए जेणेव भरहे राया तेणेव उवागच्छंति उवागच्छित्ता अंतलिक्खपडिवण्णा संखिंखिणीयाइ [पंचवण्णाइं वत्थाइं पवर परिहिया करयलपरिग्गहियं दसणहं सिरसावत्तं मत्थए अंजलिं कट्ट भरहं रायं] जएणं विजएणं वद्धावेंति वद्धावेत्ता एवं वयासी-अभिजिए णं देवाणुप्पिएहिं [केवलकप्पे भरहे वासे उत्तरेमं चुल्लहिमवंतगिरिमेराए तं अम्हे णं देवाणुप्पियाणं विसयवासिणो] अम्हे णं देवाणुप्पियाणं आणत्ति-किंकरा तं पडिच्छंतु णं देवाणुपिया अम्हं इमं एयारूवं पीइदाणतिकट्ट विनमी इत्थीरयणं नमी रयणाई समप्पेइ तए मं से भरहे राया नमि-विनमिविज्जाहरराएहिं इमेयारूवं पीइदाणं पडिच्छइ पडिच्छत्ता नमि-विनमिविज्जाहररायाणो सक्कारेइ सम्माणेइ सक्कारेत्ता सम्माणेत्ता पडिविसज्जेइ पडिविसज्जेत्ता पोसहसालाओ पडिणिक्खमइ पडिणिक्खमित्ता मज्जणघरं
सत्ता जाव ससिव्व पियदंसणे नरवई मज्जणघराओ पडिणिक्खमइ पडिणिक्खमित्ता तेणेव उवागच्छइ उवागच्छित्ता भोयणमंडवंसि सुहासणवरगए अट्ठमभत्तं पारेइ जाव नमि-विनमीणं विज्जाहरराईणं अट्ठाहिय-महामहिमं करेंति तए णं से दिव्वे चक्करयणे आउहघरसालाओ पडिणिक्खमइ पडिणिक्खमित्ता जाव उत्तरपुरत्थिमं दिसिं गंगादेवी भवणाभिमुहे पयाए यावि होत्था सच्चेव वक्खारो-३
अन
सव्वा सिंधुवत्तव्वया जाव नवरं कुंभट्ठसहस्सं रयणचित्तं नाणामणिकणगरयण भत्तिचित्ताणि य दुवे कणगसीहासणाई सेसं तं चेव जाव महिमत्ति ।
[१०४] तए णं से दिव्वे चक्करयणे गंगाए देवीए अट्ठाहियाए महामहिमाए निव्वत्ताए समाणीए आउहघरसालाओ पडिणिक्खमइ पडिणिक्खमित्ता [अंतलिक्खपडिवण्णे जक्खसहस्ससंपरिपुडे दिव्वतुडियसद्दसण्णिणादेणं पुरेते चेव अंबरतलं] गंगाए महानईए पच्चत्थिमिल्लेणं कूलेणं दाहिणदिसिं खंडप्पवायगुहाभिमुहे पयाए यावि होत्था तते णं से भरहे राया तं दिव्वं चक्करयणं गंगाए महानईए [दीपरत्नसागर संशोधितः]
[44]
[१८-जंबूद्दीवपन्नत्ति]
| SR No. | 003735 |
| Book Title | Agam 18 Jambudivpannatti Sattam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 122 |
| Language | Prakrit |
| Classification | Book_Devnagari, Agam, Canon, Agam 18, & agam_jambudwipapragnapti |
| File Size | 2 MB |