Page Text
________________
सेणा सद्धिं संपरिवुडे महया-भडचडगर - पहगरवंदपरिक्खत्ते महयाउक्किट्ठिसीहणायबोलकलकलसद्देणं पक्खुभियमहासमुद्दरवभूयंपि-व करेमाणे- करेमाणे सव्विड्ढीए सव्वज्जुईए सव्वबलेणं जाव दुंदुहिनिग्धोसनाइएणं जेणेव सिंधू महानई तेणेव उवागच्छइ उवागच्छित्ता चम्मरयणं परामुस तए णं सिरिवच्छसरिसरूवं मुत्तातारद्धचंदचित्तं अयलमकंपं अभेज्जकवयं जंतं सलिलासु सागरेसु य उत्तरणं दिव्वं चम्मरयणं सणसत्तरसाइं सव्वधण्णाइं जत्थ रोहंति एगदिवसेणं वावियाई वासं नाऊण चक्कवट्टिणा परामुट्ठे दिव्वे चम्मरयणे दुवालस जोयणाइं तिरियं पवित्थरइ तत्थ साहियाइं तए णं से दिव्वे चम्मरयणे सुसेणसेणावइणा परामुट्ठे समाणे खिप्पामेव नावाभूए जाए यावि होत्था तए णं से सुसेणे सेणावई सखंधावारबलवाहणे नावाभूयं चम्मरयणं दुरूहइ दुरुहित्ता सिंधु महानई विमल - जलतुंगवीचिं नावाभूएणं चम्मरयणेणं सबलवाहणे ससासणे समुत्तिणे तओ महानइमुत्तरित्तु सिंधु अप्पडिहय- सासणे य सेणावई कहिंचि गामागरणगरपव्वयाणि खेडमडंबाणि पट्टणाणि य सिंहलए बब्बरए य सव्वं च अंगलोयं बलावलोयं च परमरम्मं जवणदीवं च पवरमणिकणगरयणकोसागारसमिद्दं आरबके रोमके य अलसं-डविसयवासी य पिक्खुरे कालमुहे जोणए य उत्तर-वेयड्ढसंसियाओ य मेच्छजाई बहुप्पगारा दाहिणअवरेण जाव सिंधुसागरंतोत्ति सव्वपवरकरच्छं च ओयवेऊण पडिणियतो बहुसमरमणिज्जे य भूमिभागे तस्स कच्छस्स सुहणिसण्णे ताहे ते जणवयाण नगराण पट्टणाण य जे य ताहिं सामिया पभूया आगरपती य मंडलुती य पट्टणपती य सव्वे घेत्तूण पाहुडाई आभरणाणि भूसणाणि रयणाणि य वत्थाणि य महरिहाणि अण्णं च जं वरिट्टं रायारिहं जं च इच्छियव्वं एयं सेणावइस्स उवर्णेति मत्थयकयंजलिपुडा पुणरवि काऊण अंजलिं मत्थयंमि पणया तुब्भे अम्हत्थ सामिया देवयं व सरणागया मो तुब्भं विसयवासित्ति विजयं जंपमाणा सेणावइणा जहारिहं ठविय पूइय विसज्जिया नियता सगाणि नगराणि पट्टणाणि अनुपविट्ठा ताणाव सविणओ धेत्तूण पाहुडाई आभरणाणि भूसणाणि रयणाणि य पुणरवि तं सिंधुणामधेज्जं उत्तिणे अणहसासणबले तहेव रण्णो भरहाहिवस्स निवेएइ निवेइत्ता य अपप्फिणित्ता य पाहुडाई
सक्कारियसम्माणिए
सहरिसे
वक्खारो-३
विसज्जिए सगं पडमंडमइगए तते णं सुसेणे सेणावई पहाए कय-बलिकम्मे कयकोउय-मंगल-पायच्छित्ते जिमियभुत्तुत्तरागए समाणे [आयंते चोक्खे परमसुइभुए] सरसगोसीसचंदणुक्किण्णगायसरीरे उप्पिं पासायवरगए फुट्टमाणेहिं मुइंगमत्थएहिं बत्तीसइबद्धेहिं नाडएहिं वरतरुणीसंपउत्तेहिं उवणच्चिज्जमाणेउवणच्चिज्जमाणे उवगिज्जमाणे-उवगिज्जमाणे उवला-लिज्जमाणे उवलालिज्जमाणे महयाहयनट्ट - गीयवाइय-तंती-तल-ताल-तुडिय - धण-मुइंग पडुप्प वाइयरवेणं इट्ठे सद्दफरिसरुवगंधे पंचविहे माणुस्सए कामभोगे भुंजमाणे विहरइ ।
[७७] तए णं से भरहे राया अण्णया कयाइ सुसेणं सेणावइ सद्दावेइ सद्दावेत्ता एवं वयासीगच्छ णं खिप्पामेव भो देवाणुप्पिया तिमिसगुहाए दाहिणल्लस्स दुवारस्स कवाडे विहाडेहि विहाडेत्ता म एयमाणत्तियं पच्चप्पिणाहिं तए णं से सुसेणे सेणावई भरहेणं रण्णा एवं वृत्त समाणे तुट्ठचित्तमाणंदिए [नंदिए पी मणे परमसोमणस्सिए हरिसवसविसप्पमाणहियए] करयलपरिग्गहियं सिरसावत्तं मत्थए अंजलिं कट्टु [एवं सामी तहत्ति आणाए विणएणं वयणं] पडिसुणेइ पडिसुणेत्ता भरहस्स रण्णो अंतियाओ पडिणिक्खमइ पडिणिक्खमित्ता जेणेव सए आवासे जेणेव पोस- हसाला तेणेव उवागच्छड् उवागच्छित्ता दब्भसंथारगं संथरइ [संथरित्ता दब्भसंथारगं दुरुहइ दुरुहित्ता ] कयमालस्स देवस्स अट्ठमभतं [दीपरत्नसागर संशोधितः ]
[35]
[१८-जंबूद्दीवपन्नत्ति]
| SR No. | 003735 |
| Book Title | Agam 18 Jambudivpannatti Sattam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 122 |
| Language | Prakrit |
| Classification | Book_Devnagari, Agam, Canon, Agam 18, & agam_jambudwipapragnapti |
| File Size | 2 MB |