Page Text
________________
गविलेवणे णिक्खित्तसत्थमुसले दब्भसंथारोवगए अट्ठमभत्तिए वेयड्ढगिरिकुमारं देवं मणसीकरेमाणेमणसीकरेमामे चिट्ठइ तए णं तस्स भरहस्स रण्णो अट्ठमत्तंसि परिणममाणंसि वेय-ड्ढगिरिकुमारस्स देवस्स आसणं चलइ एवं सिंधुगमो नेयव्वो पीइदाणं-आभिसेक्कं रयणालंकारं कडगाणि य तुडियाणि य वत्थाणि य आभरणाणि य गेण्हइ गेण्हित्ता ताए उक्किट्ठाए [तुरियाए चवलाए जइणाए सीहाए सिग्धाए उद्धृयाए दिव्वाए देवगईए वीईवमाणे-वीईवयमाणे जेणेव भरहे राया तेणेव उगच्छइ उवागच्छित्ता अंतलिक्खपडिवण्णे संखिखिणीयाइं पंचवण्णाई वत्थाई पवर परिहिए करयलपरिग्गहियं दसणहं सिरसावत्तं मत्थए अंजलिं कट्ट भरहं रायं जएणं विजएणं वद्धावेइ वद्धावेत्ता एवं वयासी-अभिजिए णं देवाणुप्पिएहिं केवलकप्पे भरहे वासे अहण्णं देवाणुप्पियाणं विसयवासी अहण्णं देवाणुप्पियाणं आणत्ति-किंकरे तं पडिच्छंतु णं देवाणुप्पिया मम इमं एयारूवं पीइदाणंतिकट्ठ आभिसेक्कं रयणालंकारं कडगाणि य तुडियाणि य वत्थाणि य आभरणाणि य उवणेइ तए णं से भरहे राया वेयड्ढगिरिकुमारस्स देवस्स इमेयारूवं पीइदाणं पडिच्छइ पडिच्छित्ता वेयड्ढगिरिकुमारं देव सक्कारेइ सम्माणेइ सक्कारेत्ता सम्माणेत्ता पडिविसज्जेइ तए णं से भरहे राया पोसहसालाओ पडिणिक्खमइ पडिणिक्खमित्ता जेणेव मज्जणघरे तेणेव उवागच्छइ उवागच्छित्ता बहाए कयबलिकम्मे जाव जेणेव भोयणमंडवे तेणेव उवागच्छइ उवागच्छित्ता भोयणमंडवंसि सुहासणवरगए अट्ठमभत्तं पारेइ पारेत्ता भोयणमंडवाओ पडिणिक्खमइ पडिणिक्खमित्ता जेणेव बाहिरिया उवट्ठाणसाला जेणेव सीहासणे तेणेव उवागच्छइ उवागच्छित्ता सीहासणवरगए पुरत्थाभिमुहे निसीयइ निसीइत्ता अट्ठारस सेणि-प्पसेणीओ सद्दावेइ सद्दावेत्ता एवं वयासीखिप्पामेव भो देवामुप्पिया उस्सुक्कं उक्करं उक्किट्ठ अदिज्जं अमिज्जं अभडप्पवेसं अदंडकोदंडिमं अधरिमं गणियावरणाडइज्जकलियं अनेगतालायराणुचरियं अनु यमुइंगं अमिलायमल्लदामं पमुइयपक्कीलियसपुरजणजाणवयं विजयवेजइयं वेड्ढगिरिकुमारस्स देवस्स अट्ठाहियं महामहिमं करेह करेत्ता मम एयवक्खारो-३
माणत्तियं पच्चप्पिणह तए णं ताओ अट्ठारस सेणिप्पसेणीओ भरहेणं रण्णा एवं वुत्ताओ समाणीओ हद्वतुट्ठाओ जाव अट्ठाहियं महामहिमं करेंति करेत्ता तमाणत्तियं] पच्चप्पिणंति तए णं से दिव्वे चक्करयणे वेयड्ढगिरिकुमरस्स देवस्स अट्ठाहियाए महामहिमे निव्वत्ताए समाणीए [आउहघरसालाओ पडिणिक्खमइ पडिणिक्खमित्ता अंतलिक्खपडिवण्णे जक्खसहस्ससंपरितुडे दिव्वतुडियसद्दसण्णिणाणादेणं पूरेते चेव अंबरतलं] पच्चत्थिमं दिसिं तिमिसगुहाभिमुहे पयाए आवि होत्था तए णं से भरहे राया तं दिव्वं चक्करयणं पच्चत्थिमं दिसिं तिमिसगुहाभिमुहे पयाए आवि होत्था तए णं से भरहे राया तं दिव्वं चक्करयणं पच्चत्थिमं दिसिं तिमिसगुहाभिमुहं पयातं चावि पासइ पासित्ता हद्वतुट्ठ-चित्तमाणंदिए जाव तिमिसगुहाए अदूरसामंते दुवालस-जोयणायामं नवयोजणविच्छिण्णं [वरणगरसरिच्छं विजयखंधावारनिवेसं करेइ करेत्ता वड्ढइरयणं सद्दावेइं सद्दावेत्ता एवं वयासी-खिप्पामेव भो देवाणुप्पिया मम आवासं पोसहसालं च करेहि करेत्ता ममेयमाणत्तियं पच्चप्पिणाहिं तए णं से वड्ढइरयणे भरहेणं रण्णा एवं वुत्ते समाणे हट्टतुट्ठ-चित्तमाणंदिए नंदिए पीइमणे परमसोमणस्सिए हरिसवसविसप्प-माणहियए करयलपरिग्गहियं सिरसावत्तं मत्थए अंजलिं कट्ट एवं सामी तहत्ति आणाए विणएणं वयणं पडिसुणेइ पडिसुणेत्ता भरहस्स रण्मो आवसहं पोसहसालं च करेइ करेत्ता एयमाणत्तियं खिप्पामेव पच्चप्पिणति तए णं से भरहे राया आभिसेक्काओ हत्थिरयणाओ पच्चोरुहइ पच्चोरुहित्ता जेणेव पोसहसाला तेणेव उवागच्छइ उवागच्छित्ता पोसहसालं अनुपविसइ अनुपविसित्ता पोसहसालं पमज्जइ पमज्जित्ता दब्भसंथारगं संथरइ संथरित्ता [दीपरत्नसागर संशोधितः]
[33]
[१८-जंबूद्दीवपन्नत्ति]
| SR No. | 003735 |
| Book Title | Agam 18 Jambudivpannatti Sattam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 122 |
| Language | Prakrit |
| Classification | Book_Devnagari, Agam, Canon, Agam 18, & agam_jambudwipapragnapti |
| File Size | 2 MB |