Page Text
________________
दुवालसजोयणायाम नवजोयणविच्छिण्णं वरण-गरसरिच्छं विजयखंधावारणिवेसं करेइ करेत्ता [वड्ढइरयणं सद्दावेइ सद्दावेत्ता एवं वयासी-खिप्पामेव भो देवाणुप्पिया ममं आवासं पोसहसालं च करेहि करेत्ता ममेयमा-णत्तियं पच्चप्पिणाहि तए णं से वड्ढइरयणे भरहेणं रण्मा एवं वुत्ते समाणे हद्वतुट्ठचित्तमाणंदिए नंदिए पीइमणे परमसोमणस्सिए हरिसवसविसप्पमाणहियए करयलपरिग्गहियं सिरसावत्तं मत्थए अंजलिं कट्ट एवं सामी तहत्ति आणाए विणएणं वयणं पडिसुणेइ पडिसुणेत्ता भरहस्स रण्मो आवसहं पोसहसालं च करेइ करेत्ता एयमाणत्तियं खिप्पामेव पच्चप्पिणति तए णं से भरहे राया आभिसेक्काओ हत्थिरयणाओ पच्चोरुहइ पच्चोरुहित्ता जेणेव पोसहसाला तेणेव उवागच्छइ उवागच्छित्ता पोसहसालं अनुपविसइ अनुपविसित्ता पोसहसालं पमज्जइ पमज्जित्ता दब्भसंथारगं संथरइ संथरित्ता दब्भसंथारगं दुरुहइ दुरुहित्ता] सिंधूए देवीए अट्ठमभत्तं पगिण्हइ पगिण्हत्ता पोसहसालाए पोसहिए बंभयारी उम्मुक्कमणिसुवण्णे ववगयमालावण्ण-गविलेवणे निक्खित्तसत्थमुसले दब्भसंथरोवगए अट्ठमभत्तिए सिंधुदेविं मणसीकरेमाणे-मणसीकरेमाणे चिट्ठइ तए णं सा तस्स भरहस्स रण्णो अट्ठमभत्तंसि परिणममाणंसि सिंधूए देवे आसणं चलइ तए णं सा सिंधु देवी आसणं चलियं पासइ पासित्ता ओहिं पउंजइ पउजित्ता भरह रायं ओहिणा आभोएइ आभोएत्ता इमे एयारूवे अज्झत्थिए चितिए पत्थिए मणोगए संकप्पे समुप्पज्जित्था-उप्पन्ने खलु भो जंबुद्दीवे दीवे भरहे वासे भरहे नामं राया चाउरंतचक्कवट्टी तं जीयमेयं तीयपच्चुप्पन्नमणागयाणं सिंधूणं देवीणं भरहाणं राईणं उवत्थाणियं करेत्तए तं गच्छामि णं अहंपि भरहस्सरण्णो उवत्थाणियं करेमित्ति कट्ट कुंभट्ठसहस्सं रयणचित्तं नाणामणिकणगरयणभत्तिचित्ताणि य दवे कणगभद्दासणाणि य कडगाणि य तडियाणि य वत्थाणि य आभरणाणि य गेण्हइ गेण्हित्ता ताए उक्किट्ठाए जाव एवं वयासी-अभिजिए णं देवाणुप्पिएहिं केवलकप्पे भरहे वासे अहण्णं देवाणुप्पियाणं विसयवासिणो अहण्णं देवाणुप्पियाणं आणत्तिवक्खारो-३
किंकरी तं पडिच्छंतु णं देवाणुप्पिया मम इमं एयारूवं पीइदाणंतिकटु कुंभट्ठसहस्सं रयणचित्तं नानामणिकणगरयणभत्तिचित्ताणि य दुवे कणकभद्दा-सणाणि य कडगाणि य [तुडियाणि य वत्थाणि य आभरणाणि य उवणेइ तए णं से भरहे राया सिंधूए देवीए इमेयारूवं पीइदानं पडिच्छड़ पडिच्छित्ता सिंधुं देविं सक्कारेइ सम्माणेइ सक्कारेत्ता सम्माणेत्ता] पडिविसज्जेइ तए णं से भरहे राया पोसहसालाओ पडिणिक्खमइ पडिणिक्खमित्ता जेणेव मज्जणधरे तेणेव उवागच्छइ उवागच्छित्ता प्रहाए कयबलिकम्मे जाव जेणेव भोयणमंडवे तेणेव उवागच्छइ उवागच्छित्ता भोयणमंडवंसि सुहाणसवरगए अट्ठमभत्तं पारेइ पारेत्ता जाव अट्ठाहियं महामहिमं करेंति करेत्ता तमाणत्तियं पच्चप्पिणंति ।
__[७५] तए णं से दिव्वे चक्करयणे सिंधूए देवीए अट्टाहियाए महामहिमाए निव्वत्ताए समाणीए आउहवरसालओ [पडिणिक्खमइ पडिणिक्खमित्ता अंतलिक्खपडिवण्णे जक्खसहस्ससंपरिवुडे दिवतुडियसद्दसण्णिणादेणं पूरेते चेव अंबरतलं] उत्तरपुरत्थिमं दिसिं वेयड्ढपव्वयभिमुहे पयाए यावि होत्था तए णं से भरहे राया तं दिवं चक्करयणं उत्तरपुरत्थिमंदिसि वेयड्ढपव्वयाभि मुहं पयातं चावि पासइ पासित्ता हट्टतुट्ठ-चित्तमाणंदिए जाव जेणेव वेयड्ढपुव्वए जेणेव वेयड्ढस्स पव्वयस्स दाहिणिल्ले नितंबे तेणेव उवागच्छड उवागच्छित्ता वेयड्ढस्स पव्वयस्स दाहिणिल्ले नितंबे दुवालसजोयणायाम नवजोयणविच्छिण्णं वरणगरसरिच्छं विजयखंधा वारनिवेसं करेइ करेत्ता जाव वेडड्ढगिरिकुमारस्स देवस्स अट्ठमभत्तं पगिण्हइ पगिण्हित्ता पोसहसालाए पोसहिए बंभयारी उम्मुक्कमणिसुवण्णे ववगयमालावण्म[दीपरत्नसागर संशोधितः]
[32]
[१८-जंबूद्दीवपन्नत्ति]
| SR No. | 003735 |
| Book Title | Agam 18 Jambudivpannatti Sattam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 122 |
| Language | Prakrit |
| Classification | Book_Devnagari, Agam, Canon, Agam 18, & agam_jambudwipapragnapti |
| File Size | 2 MB |