Page Text
________________
धणुसहस्साइं उड्ढं उच्चत्तेणं तेसिं च मणुयाणंचउसट्ठि पिट्ठिकरंडुगा चउत्थभत्तस्स आहारत्थे समुप्पज्जइ ठिई पलिओवमं एगूणावीसइं राइंदियाइं सारक्खंति संगोवेंति जाव देवलोगपरिग्गहिया णं ते मणुया पन्नत्ता समणाउसो तीसे णं भंते समाए पच्छिमे तिभाए भरहस्स वासस्स केरिसए आगारभावपडोयारे होत्था गोयमा बहुसमरमणिज्जे भूमिभागे होत्था से जहाणामए आलिंगपुक्खरेइ वा जाव पंचवण्णेहिं मणीहिं तणेहि य उवसोभिए तं जहा - कित्तिमेहिं चेव अकित्तिमेहिं चेव तीसे णं भंते समे पच्छिमे तिभागे भरहे वासे मणुयाणं केरिसए आगारभावपडोयारे होत्था गोयमा तेसिं मणुयाणं छवि संघयणे छव्विहे संठाणे बहूणि धणुसयाणि उद्धं उच्चत्तेणं जहण्णेणं संखेज्जाणि वासाणि उक्कोसेणं असंखेज्जाणिवासाणि आउयं पालेंति पालेत्ता अप्पेगइयानिरयगामी अप्पेगइयातिरियगामी अप्पेगइयामणुस्सगामी अप्पेगइया देवगामी अप्पेगइया सिज्झति जाव सव्वदुक्खाणमंतं करेंति ।
[४१] तीसे णं समाए पच्छिमे तिभाए पलिओवमट्ठभागावसेसे एत्थ णं इमे पन्नरस कुल
वक्खारो-२
गरा समुप्पज्जित्था तं जहा सम्मुती पडिस्सुई सीमंकरे सीमंधरे खेमंकरे खेमंधरे विमलवाहणे चक् जसमं अभिचंदे चंदाभे पसेणई मरुदेवे नाभी उस त्ति ।
[४२] तत्थ णं सम्मुति- जाव खेमंकराणं एतेसिं पंचण्हं कुलगराणं हक्कारे नामं दण्डनी होत्था ते णं मणुया हक्कारेणं दंडेणं हया समाणा लज्जिया विलिया वेड्डा भीया तुसिणीया विओ चिट्ठेति तत्थ णं खेमंधर- जाव अभिचंदा - एतेसि णं पंचण्हं कुलगराणं मक्कारे नामं दंडनीई होत्था मणुया मक्कारेणं दंडेणं हया समाणा जाव विणओणया चिट्ठति तत्थ णं चंदाभ- जाव उसभाणं एतेसि णं पंचण्हं कुलगराणं धिक्कारे नामं दंडणीइ होत्था ते णं मणुया धिक्कारेणं दंडेणं हया समाणा जाव चिट्ठति। [४३] नाभिस्स णं कुलगरस्स मरुदेवाए भारियाए कुच्छिंसि एत्थ णं उसके नामं अरहा कोसलिए पढमराया पढमजिने पढमकेवली पढमतित्थकरे पढमधम्मवरचक्कवट्टी समुप्पज्जित्था त णं उसभे अरहा कोसलिए वीसं पुव्वसयसहस्साइं कुमारवासमज्झावसइ अज्झावसित्ता तेवट्ठि पुव्वसयसहस्साइं महारायवासमज्झावसइ तेवट्ठि पुव्वसयसहस्साइं महारावासमज्झावसमाणे लेहाइयाओ गणियप्पहाणाओ सउणरुयपज्जवसाणाओ बावत्तरिं कलाओ चोसट्ठि महिलागुणे सिप्पसयं च कम्माणं तिण्णि वि पयाहिया उवदिसइ उवदिसित्ता पुत्तसयं रज्जसए अभिसिंचइ अभिसिंचित्ता तेसीइं पुव्वसयसहस्साइं महारायवासमज्झावसइ अज्झावसत्ता जेसे गिम्हाणं पढमे मासे पढमे पक्खे चित्तबहुले तस्स णं चित्तबहुलस्स नवमीपक्खेणं दिवसस्स पच्छिमे भागे चइत्ता हिरण्णंचइत्ता सुवण्णंचइत्ता कोसंचइत्ता कोट्ठागारंचइत्ता बलंचइत्ता वाहणंचइत्ता पुरंचइत्ता अंतेउरं चइत्ता विउलधण-कणग-रयण-मणि-मोत्तिय संख-सिल-प्पवालरत्तरयण-संतसार-सावइज्जं विच्छड्डयित्ता विगोवइत्ता दायं दाइयाणं परिभाएत्ता सुदंसणाए सीया सदेवमणुयासुराए परिसाए समणुगम्ममाणमग्गे संखिय चक्किय-णंगलिय-मुहमंगलिय-पूसमाणव वद्धमाणग-आइक्खग-लंख - मंख - घंटियगणेहिं ताहिं इट्ठाहिं जाव सस्सिरियाहिं हिययगमणिज्जाहिं हिययपल्हायणिज्जाहिं कण्णमणणिव्वुइकरीहिं अपुणरुत्ताहिं अट्ठसइयाहिं वग्गूहिं अणवरयं अभिनंदता अभिथुणंता य एवं वयासी जय जय नंदा जय जय भद्दा धम्मेणं अभीए परीसहोवसग्गाणं खंतिखमे भयभेरवाणं धम्मे ते अविग्धं भवउत्ति कट्टु अभिनंदंति य अभिथुणंति य तए णं उसभे अरहा कोसलिए नयणमालासहस्सेहिं पेच्छिज्जमाणे- पेच्छिज्जमाणे एवं जाव निग्गच्छइ जहा- उववाइए आउलबोलबहुलं नभं करेंति विणीयाए रायहाणीए मज्झंमज्झेणं निग्गच्छइ निग्गच्छित्ता आसिय- समंज्जिया - सत्तसुइक[दीपरत्नसागर संशोधितः ]
[14]
[१८-जंबूद्दीवपन्नत्ति]
| SR No. | 003735 |
| Book Title | Agam 18 Jambudivpannatti Sattam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 122 |
| Language | Prakrit |
| Classification | Book_Devnagari, Agam, Canon, Agam 18, & agam_jambudwipapragnapti |
| File Size | 2 MB |