Page Text
________________
वा
छविच्छेयं वा पगइभद्दया णं ते वालगगणा पन्नत्ता समणाउसो अत्थि णं भंते तीसे समाए भरहे वासे डिंब वा डमराइ वा कलह-बोल - खार-वेर-महाजुद्धाइ वा महासंगामाइ वा महासत्थपडणाइ महापुरिसपडणाइ वा महारुधिरपडणाति वा गोयमा नो इणट्ठे समट्ठे ववगयवेराणुबंधा णं ते मणुया पन्नत्ता समणाउसो अत्थि णं भंते तीसे समाए भरहे वासे दुब्भूयाति वा कुलरोगाइ वा गामरोगाइ वा मंडलरोगाइ वा पोट्ट-सीसवेयणाइ वा कण्णोट्ठ-अच्छि - नह- दंतवेयणाइ वा कासाइ वा सासाइ वासोसाइ वा जराइ वा दाहाइ वा अरिसाइ वा अजीरगाइ वा दओदराइ वा पंडुरोगाइ वा भगंदराइ वा एगाहियाइ वा बेयाहियाइ वा तेयाहियाइ वा चउत्थाहियाइ वा धणुग्गहाइ वा इंदग्गहाइ वा खंदग्गहाइ वा कुमारग्गहाइ वा जक्खग्गहाइ वा मत्थगसूलाइ वा हिययसूलाइ वा पोट्ट-कुच्छि - जोणिसूलाइ वा गाममारीइ वा जाव सण्णिवेसमारीइ वा पाणक्खयजणक्खया कुलक्खया वसणब्भूयमणारिआ नो इणट्ठे समट्ठे ववगयरोगायंका णं ते मणुया० ।
[३८] तीसे णं समाए भारहे वासे मणुयाणं केवइयं कालं ठिई पन्नत्ता गोयमा जहणं
वक्खारो-२
देसूणाइं तिण्णि पलिओवमाइं उक्कोसेणं तिण्णि पलिओवमाइं तीसे णं समाए भरहे वासे मयुयाणं सरीरा केवइयं उच्चत्तेणं, गोयमा जहण्णेणं देसूणाई तिण्णि गाउयाइं ते णं भंते मणुया किं संघयणी, वइरोसभनारायसंघयणी पन्नत्ता तेसि णं भंते मणुयाणं सरीरा किसंठिया गोयमा समचउरंससंठाण - संठिया पन्नत्ता तेसि णं मणुयाणं बेछप्पणा पिट्ठिकरंडगसया पन्नत्ता समणाउसो ते णं भंते मणुया कालमासे कालं किच्चा कहिं गच्छंति कहिं उववज्जंति गोयमा छम्मासावसेसाउया जुयलगं पसवंति एगूणवण्णं इंदियाई सारक्खंति संगोवेंति सारविक्खत्ता संगोवेत्ता कासित्ता छीइत्ता जंभाइत्ता उक्किट्ठा अव्वहिया अपरिताविया कालमासे कालं किच्चा देवलोएस उववज्जंति देवलोगपरिग्गहा णं ते मणुया ना समणाउसो तीसे णं समाए भरहे वासे कइविहा मणुस्सा अणुसज्जित्था गोयमा छव्विहा तं जहा-पम्हगंधा मियगंधा अममा तेतली सहा सणिचारी ।
[३९] तीसे णं समाए चउहिं सागरोवमकोडाकोडीहिं काले वीइक्कंते अनंतेहिं वण्णपज्जवेहिं जाव अनंतेहि फासपज्जवेहिं अनंतेहिं संघयणपज्जवेहिं अनंतेहिं संठाणपज्जवेहिं अनंतेहि उच्चत्तपज्जवेहिं अनंतेहि आउपज्जवेहिं अनंतेहिं गरुयलहुयपज्जवेहिं अनंतेहि अगरुलहुयपज्जवेहिं अनंतेहि उट्ठाण-कम्मबल-वीरिय-पुरिसक्कार-परक्कमपज्जवेहिं अनंतगुणपरिहाणीए परिहाय-माणे- परिहायमाणे एत्थ णं सुसमा नामं समा काले पडिवज्जिंसु समणाउसो जंबुद्दीवे णं भंते दीवे इमीसे ओसप्पिणीए सुसमाए सम उत्तमकट्ठपत्ताए भरहस्स वासस्स केरिसए आगारभावपडोयारे होत्था गोयमा बहुसमरमणिज्जे भूमिभागे होत्था से जहानामए आलिंगपुक्खरेइ वा तं चेव जं सुसमसुसमाए पुव्ववण्णियं नवरं - नाणत्तं चउधणुसहस्स-मूसिया एगे अट्ठावीसे पिट्ठिकरंडुकसए छट्टभत्तस्स आहारट्ठे चउसट्ठि राइंदियाइं सारक्खति दो पलिओवमाइं आऊ सेसं तं चेव तीसे णं समाए चउव्विहा मणुस्सा अनुसज्जित्था तं जहा- एका परजंघा कुसुमा सुसमणा ।
[४०] तीसे णं समाए तिहिं सागरोवमकोडाकोडीहिं काले वीईक्कंते अनंतेहिं वण्णपज्जवेहिं जाव अनंतगुणे परिहाणीए परिहायमाणे- परिहायमाणे एत्थ णं सुसमदुस्समा नामं समा काले पडिवज्जिंसु समणाउसो सा णं समा तिहा विभज्जइ-पढमे तिभाए मज्झिमे तिभाए पच्छिमे तिभाए जंबुद्दीवे णं भंते दीवे इमीसे ओसप्पिणीए सुसमदुस्समाए समाए पढममज्झिमेसु तिभाएस भरहस्स वासस्स केरिस आगारभावपडोयारे होत्था गोयमा बहुसमरणिज्जे भूमिभागे होत्था सो चेव गमो नेयव्वो नाणत्तं-दो [दीपरत्नसागर संशोधितः ]
[13]
[१८-जंबूद्दीवपन्नत्ति]
| SR No. | 003735 |
| Book Title | Agam 18 Jambudivpannatti Sattam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 122 |
| Language | Prakrit |
| Classification | Book_Devnagari, Agam, Canon, Agam 18, & agam_jambudwipapragnapti |
| File Size | 2 MB |