Page Text
________________
अत्थि णं भंते तीसे समाए भरहे वासे हिरण्णेइ वा सुवण्णेइ वा कंसेइ वा दूसेइ वा मणिमोत्तिय-संखसिल-प्पवाल-रत्तरयण-सावज्जेइ वा हंता अत्थि नो चेव णं तेसिं मणुयाणं परिभोगत्ताए हव्वमागच्छड़ अत्थि णं भंते तीसे समाए भरहे वासे रायाइ वा जुवराया इ वा ईसर-तलवर-माडंबिय-कोडुंबिय इब्भ-सेट्ठिसेणावइ-सत्थवाहाइ वा गोयमा नो इणढे समढे ववगयइढिसक्कारा णं ते मणुया पन्नत्ता समणाउसो अत्थि णं भंते तीसे समाए भरहे वासे दासेइ वा पेसेइ वा सिस्सेइ वा भयगेइ वा भाइल्लएइ वा कम्मारएइ वा नो इणढे समढे ववगयआभिओगा णं ते मण्या पन्नत्ता समणाउसो अत्थि णं भंते तीसे समाए भरहे वासे मायाइ वा पियाइ वा भाया-भगिणि-भज्जा-पुत्त-धूया-सुण्हाइ वा हंता अत्थि नो चेव णं तिव्वे पेम्मबंधणे समुप्पज्जइ अत्थि णं भंते तीसे समाए भरहे वासे अरीइ वा वेरिएइ वा घायएड् वा वहएइ वा पडिणीयए वा पच्चामित्तेइ वा नो इणढे समढे ववगयवेराणुसया णं ते मणुया पन्नत्ता समणाउसो अत्थि णं भंते तीसे समाए भरहे वासे मित्ताइ वा वयंसाइ वा नायएइ वा घाडिएइ वा सहाइ वा हीइ वा संगइएति वा हंता अत्थि नो चेव णं तेसिं मणुयाणं तिव्वे रागबंधणे समुप्पज्जइ वक्खारो-२
अत्थि णं भंते तीसे समाए भरहे वासे आवाहाइ वा वीवाहाइ वा जण्णाइ वा सद्धाइ वा थालीपागाइ वा पिति-पिंडनिवेदणाइ वा नो इणट्टे समढे ववगयआवाह-जाव पितिपिंडनि-वेदणा णं ते मणुया पन्नत्ता समणाउसो अत्थि णं भंते तीसे समाए भरहे वासे इंदमहाति ना खंद-नाग-जक्ख-भय-अगड-तलाग-दह-नदि
वा नो इणढे समढे ववगय-महिमा णं ते मण्या पन्नत्ता समणाउसो अत्थि णं भंते तीसे समाए भरहे वासे नडपेच्छाइ वा नट्ट-जल्ल-मल्ल-मुट्ठिय-वेलंबग-कहग-पवग-लासगपेच्छि वा नो इणढे समढे ववगयकोउहल्ला णं ते मण्या पन्नत्ता समणाउसो अत्थि णं भंते तीसे समाए भरहे वासे सगडाइ वा रहाइ वा जाणाइ वा जुग्ग-गिल्लि-थिल्लि-सीअ-संदमाणिआइ वा नो इणढे समढे पायचारविहारा णं ते मणुया पन्नत्ता समणाउसो अत्थि णं भंते तीसे समाए भरहे वासे गावीइ वा महिसीइ वा अयाइ वा एलगाइ वा हंता अत्थि नो चेव णं तेसिं मणयाणं परिभोगत्ताए हव्वामागच्छति अत्थि णं भंते तीसे समाए भरहे वासे आसाइ वा हत्थि-उट्ट-गोण-गवय-अय-एलग-पसय-मिय-वराहरुरु-सरभ-चमर-कुरंगगोकण्ण-माइया हंता अत्थि नो चेव णं तेसिं मणुयाणं परिभोगत्ताए हव्वमागच्छंति अत्थि णं भंते तीसे समाए भरहे वासे सीहाइ वा वग्घाइ वा विग-दीविग-अच्छ-तरच्छ-सियाल-बिडाल-सुणग-कोकंतियकोलसुणमाइ वा हंता अत्थि नो चेव णं ते अण्णमण्णस्स तेसिं वा मणुयाणं आबाहं वा वाबाहं वा छविच्छेयं वा उप्पाएंति पगइभद्दया णं ते सावयगणा पन्नत्ता समणाउसो अत्थि णं भंते तीसे समाए भरहे वासे सालीति वा वीहि-गोहम-जव-जवजवाइ वा कल-मसूर-मुग्ग-मास-तिल-कुलत्थ-निप्फावगआलिसंदग-अय-सि-कुसुंभ-कोद्दव-कंगु-वरग-रालग-सण-सरिसव-मूलाहीआइ वा हंता अत्थि नो चेव णं तेसिं मणुयाणं परिभोगत्ताए हव्वमागच्छंति अत्थि णं भंते तीसे समाए भरहे वासे गड्ढाइ वा दरी-ओवायपवाय-विसम-विज्जलाइ वा नो इणढे समढे भरहे वासे बहुसमरमणिज्जे भूमिभागे पन्नत्ते से जहानामए आलिंगपुक्खरेइ वा अत्थि णं भंते तीसे समाए भरहे वासे खाणूइ वा कंटग-तणय-कयवराइ वा पत्तकयवराइ वा नो इणढे समढे ववगयखाणुकंटगतणकयवर-पत्तकयवरा णं सा समा पन्नत्ता समणाउसो अत्थि णं भंते तीसे समाए भरहे वासे इंसाइ वा मसगाइ वा जूआइ वा लिक्खाइ वा ढिंकुणाइ वा पिसुआइ वा नो इणढे समढे ववगय इंस-मसग-जाव उवद्दवविरहिया णं सा समा पन्नत्ता समणाउसो अत्थि णं भंते तीसे समाए भरहे वासेअहीइ वा अयगराइ वा हंता अत्थि नो चेव णं तेसिं मणुयाणं आबाहं वा वावाहं वा [दीपरत्नसागर संशोधितः]
[12]
[१८-जंबूद्दीवपन्नत्ति]
| SR No. | 003735 |
| Book Title | Agam 18 Jambudivpannatti Sattam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 122 |
| Language | Prakrit |
| Classification | Book_Devnagari, Agam, Canon, Agam 18, & agam_jambudwipapragnapti |
| File Size | 2 MB |